Hâur 3 hnuz so ntênhk txi côngv huôz têik Hùng (txix hnuz 13-15/4), chôngz lênhx kruô tuôx trâu Sơn La thiêz têx tỉnh Tây Bắc, qơư muôx qiv hơưv lax, đros ntâu qơư di tích lịch sử, qơư ndis shuôk uô si jông. Tsôngv kruô tuôx trâu Sơn LaTây Bắc jiês no phênhv ntâu zos txix têx tỉnh qơư kik. Qiv hơưv lax; lênhx nênhs sưv jê zos têx kror jông ndo njôngr trâu yênhx lênhx kruô thâuv tuôx trâu Sơn La-Tây Bắc. zơưv Nguyễn Duy Thái, lênhx kruô tuôx txix Hải Phòng puz pâuz:

“Thâuv cur tuôx txos trâu Sơn La mak pov, tiv iz zos têz qơưk thiêz cxuô zav tox trôngz hâur pêk lok six jông gâux. Tiv oz zos cxuô zav vênhx huôv, cux li tênhv qơư uô nênhx nhoz mak xưk li hlôngr yiêz jông đros luz nênhx yiêz thiêz tê qơưk mak zuk cux lok six shir phaz”./.

(CTV-Lik Thox cxêik nhênhv)

Nhiv kruôr đhâu, ntơưv cêr Đăng Châu nhoz tuêv 8 phường Duyên Hải, đrôngs Lào Cai, lưx lươngv liên nganhx nhoz công an tỉnh, Cục coar lik niêv ciêz, Cục hải quan tỉnh Lào Cai pov iz luz yêz teiv gra biển số 29C-836.32 thâuv tâu qênhz yuôx pov muôx 310 huv ntơưr tso 12 cxênhz 400 tul đâus tsi muôx ntâuz ntơưr muovo muôs thiêz heik kriê hâur pâus tsiv uô. Lưx lươngv muôx txơưx jênhv tưz uô ntâuz ntơưr thiêz sâu tsês tas nro chor hax huv no chiê yưr lir lơưr cui tênhv./.

(An Kiên- Txâur Vax cxeik nhênhv)

Đội sêiz car ciêz đrôngs số 1, Cục sêiz car ciêz đrôngs tỉnh Điện Biên sik côngv đros phòng Cảnh sát kinh têr, Công an tỉnh Điện Biên nhiv kruôr pov, cxov tsês iz txuz zuôr muôs plaz hnhur tsiêx cxu pâuz tsik tsênhz qơư. Lơưr co, ntơưv pos Trần Thị Phúc li qơư kinh doanh têx zav nox nhôngk nhoz ciêz Mường Thanh, thành phố Điện Biên Phủ, zuôr xar 100 cir plaz hnur yil tưz piz tsư nxiêz, pâuz tsik tsênhz qơư. Lưx lươngv txơưx jênhv tưz cuêz tênhv xưv bluô hành chính pos Trần Thị Phúc chor nhiêx 5 triệu đêiv. Thôngx cxix hêik cov hlơưr phâuk por tsês tas nro têx plaz hnhur pâuz tsik tsênhz qoư hêik co./.

(Vũ Lợi-Lik Thox cxêik nhênhv)

Chiz coaz cảnh sát qênhz yuôx nênhs phamv cxâuv lok zax zênhz, Công an tỉnh Lai châu nhiv kruôr ruôr yênhx côngz chuyên án số 519-S ntês tâu Sỉa Xênhv Zax 30 shông nhoz jos Nà Kế 2, xã Hồng Thu, huyện Sìn Hồ, tỉnh Lai Châu, sâu tâu 7 đeiv zax zênhz, 3 luz xor tôngx chuô, 1 luz yêz meir thiêz iz cxiê chuôz zênhx muôx lênhx coaz. Nhiv no hâux lưv no tsênhv tror tâu qênhz yuôx uô tsênhz mênhx./.

(Khắc Kiên- Txâur Vax cxeik nhênhv)

Hnuz 12/4, ntơưv jok Nà Lìu, xar Nà Nghịu, huyện Sông Mã, tỉnh Sơn La, Công an huyện Sông Mã cxov tâu oz lênhx nênhs muôs muôs tsik zos chêi zax zênhz. Oz lênhx nênhs trâus cxov sik đros nhoz ntơưv jok Phiêng Phụ A, xar Phiêng Cằm, huyện Mai Sơn; têx sâu tâu muôx 400 luz yuôx zax zênhz, 1 poz zênhz đơưz đros iz cxiê zav txơưr đuô. Kriz đar qênhz yuôx, lưx lươngv công an cxov sêiz Zax A Tuôv, zus shông 1966, nhoz ntơưv jok Huổi Sảng, xar Nà Nghịu, huyện Sông Mã lok kror cxâuv muôl muôs tsik zos chêi zax zênhz; têx sâu tâu muôx 6.800 luz yuôx zax zênhz, 1 traz tsi, 44,5 triệu đêiv đros iz cxiê zav txơưr đuô cik txos. Nhiv no txuz hâux lưv tsênhv tror tâu qênhz yuôx uô cov tsênhz mênhx./.

(Trấn Long-Lik Thox cxêik nhênhv)