Tiv trâus zênhr shar viv ntux nas ntơưv thax tsav faz Bắc, cxôngx hmo 15/8 ntâu tiv phaz nhoz tỉnh Sơn La muôx ntux lol nas lox. Ntơưv huyện Mường La, lol nas lox tưz uô côngz xưv chơưv paz thiêz khưx phưx têx trâus ruôr hiêv tiv ntux nas hnuz xiêz 3/8 njiz ntâu phêv liv. Lol nas lox thiêz ntêr tưz uô đêx sâuv tul đêx Nậm Păm pur siêz tuôx, cuôr lơưv iz cxiê tơưz poz jêz uô qox mul đhâu đêx, uô yêz lox mul tsi tâu đhâu thâuv thâux hax huv chơưv paz tuôx. Cxôngx qênhx shênhx co, ciês hâur zar hnuz keix hnuz 15/8, lênhs tov tỉnh Sơn La tưz tuôx ntơưv qơư chiê chox kriê hâux lưv tir tar ntux nas. Zơưv Hoàng Văn Chất bí thư tỉnh uỷ Sơn La puz pâuz:

     “ Xã Nậm Păm li têx huôx tôngv tưz tâu hôx phưx, huyện ngaz tul uô côngz xưv. Zos tsi muôx ntux nas hâur 20 hnuz thiêz mak tỉnh Sơn La zuôr ngaz tul luz nênhx tâu trâu tsôngv box, hâur 1 luz hlik đhâu jiês ntux nas, tỉnh tưz bax tâu 240 plas tsêr trâu têx chuôz zis muôx qơư nhoz yiêz, muôx têx chuôz zênhx zuôr trâus hâur 1 shôngk paz pox nhuôs tso siêz uô nênhx nhoz”./.

(Hoàng Long- Txâur Vax cxeik nhênhv)

       Tiv phiv liv txix chuô faz nam, njuôk xav hâur chor hnuz zuôr txos, tỉnh Điện Biên tror muôx ntux nas, têx qơư lok nas lox thiêz muôx chuô. Zuôr zôngx ziv muôx yưv chuô lox, ar poz, đêx ngaz cuôr ntơưv chor huyện Mường Nhé, Tủa Chùa, Điện Biên, Điện Biên Đông, Tuần Giáo thiêz thị xã Mường Lay; phiv liv tiv tux têz uô hiêv nhoz thênhv siêz.

       Chiê bax tir thêir ntux têz uô hiêv, Ban sêiz car phax tar ntux têz uo hiêv thiez zok nriêr chơưv paz tỉnh Điện Biên tưz tso tơưv hêik pâuz sêi hêik chor sở, ngành thiêz chor tiv phaz hâur tỉnh, chor taz viv sêiz car pak têx pak đêx sêi đrơưv qênhz shuôk têx qơưk zôngx ziv muôx yưv chuô, ar poz; nriêr têx tsưr ziv txar qơư nhoz trâu pêx xênhv muk trâu têx qơưk ngaz tuk; sêiz kaz truôx jông ntux nas chuô li txơưr txar chiê hêik trâu chính quyền thiêz pêx xênhv pâuz, tiv zix zos thax tsav nhoz đêz, tox siêz chiê bax tsưr ziv phax tar./.

(Vũ Lợi-Lik Thox cxêik nhênhv)

       Lơưr njuôs pov cxôngx hnuz 14/8 txos hnuz 16/8 Yên Bái cux xưk li têx tỉnh faz Bắc muôx ntux lol nas lox, chêx chôngk nhoz têx huyện li: Mù Cang Chải, Trạm Tấu, Văn Chấn, Văn Yên, Lục Yên, Yên Bình. Chiê txu grês têx trâus ruôr hiêv, tỉnh Yên Bái tsênhv sir jos heik kriê tsôngv box phax tar ntux nas. Nhiv no côngz xưv tsênhv tâu tỉnh thiêz têx tiv phaz tsov cưv uô zos cxơưz tiês đuô thiêz côngz xưv yax mông, heik kriê tsôngv box chuv tôngv phax tar ntux nas. Zơưv Đỗ Đức Duy, Chủ tịch UB tỉnh Yên Bái heik:

      “ Pêz chox kriê têx tiv phaz muôx têx seiz car thiêz canhv pov nzor; tiv zix zos têx thax tsav khênhr muôx tox poz, đêx cuôr yôngz mak heik lênhx nênhs jor, muôx têx canhv pov nzor thiêz txar tsôngv box mul nhoz qơư taz por”./.

(Đinh Tuấn- Txâur Vax cxeik nhênhv)

        Zơưv Lưu Minh Hải, Giám đốc Đaix njuôk xav qiv hơưv tỉnh Lào Cai puz pâuz, thâuv hmo ntux txos têik cik sơưr nzor 15/8, ntơưv tỉnh Lào Cai muôx ntux nas sâuv thax tsav đar, ntơưv iz cxiê tiv phaz li Mường Khương, Si Ma Cai, Bắc Hà tưz muôx ntux nas lox txos lok six lox. Ntux nas lox tưz uo ntâu ntu cêr muk lok tsik tâu tiv đêx ntưk chênhr thiêz ar poz. Ntơưv thax tsav xã Nậm Chảy, huyện Mường Khương, ar poz tưz uô trâu cêr muk txix tsênhv qơư huyện trâu xã muk lok tsik tâu. Ntux nas lox cux uô trâu tsênhv qơư huyện Si Ma Cai trấu sđêx ngaz ntâu ntu cêr thiêz tsêr cơưv ntơưr. Chính quyền tiv phaz huyện Si Ma Cai tưz tưz tsuv chox kriê têx tsêr cơưv trâus đêx ngaz sêiz shuôk jông qơư nox mor trâu shux xênhz ntơưv tsêr cơưv tok txos thâuv đêx grêk mav tso shux xênhz lok muk tsêr. Ntux nas lox cux uô đêx ngaz pox nhuôs li ntâu chos tsoz nhoz ntâu tiv phaz./.

(VOV4-Lik Thox cxêik nhênhv)