Lơưr Đaix njuôk xav qiv hơưv thax tsav faz Bắc li hêik pâuz, tiv phiv liv txix coz chuôz số 4, txix hnuz no txos hnuz 18/8, sâuv thax tsav tỉnh Sơn La zuôr muôx iz jiês ntux nas txos lok nas lox sâuv thax tsav đar. Đêx huôv zuôr muôx nhoz têx cưx đêx, ar poz, đêx ngaz zuôr muôx yưv ntơưv ntâu qơư. Đros phiv liv txix chuô số 4, Ban sêiz car phax tar ntux têz uô hiêv thiêz zok nriêr chơưv paz tỉnh Sơn La tưz hêik chor huyện, thành phố, chor sở, ban, nganhx tsêx tsung kriz uô têx tsưr ziv phax tar. Zơưv Hà Quyết Nghị, Giám đốc sở kôngz nuv thiêz huôv tsar jêx jok tỉnh Sơn La puz pâuz:

“Đros yênhx lênhx nênhs mak Ban sêiz car phax tar ntux têz uô hiêv thiêz zok nriêr chơưv paz tưz hêik cov tsês chiê hax huv zav nox, cxuô zav tsuv muôx chiê phax tar ntux têz uô hiêv ntơưv têx qơư zuôr zôngx ziv trâus cêv kuôk; oz thiêz zos uô jông lơưr têx jêx jok, xar li hêik pâuz hâur uô xênhz yar, muk lok chiê phax tar txo grêk tsơưs tiv zix têx trâus hiêv lok lênhx nênhs thiêz cxuô zav zuôr muôx yưv”./.

(Trấn Long-Lik Thox cxêik nhênhv)

Đhâu 8 shông fuô uô luôs hâux lưv cxiv tsa jêx jok yiêz, txos nhiv no tỉnh Yên bái tưz muôx 38 hâur 157 xã uô tâu hâux lưv cxiv tsa jêx jok yiêz. Txos tas shông no, Yên Bái sir jos cov muôx nzir 10 xã uô tâu luôs hâux lưv cxiv tsa jêx jok yiêz. Ciês huyện Trấn Yên sir jos txos shông 2020 thax tsav no yênhx huyện jêx jok yiêz xuz thơưx hâur tỉnh, zơưv Nguyễn Phúc Cường, Phưv Giám đốc Sở kôngz nuv thiêz huôv tsar tox siêz tỉnh Yên Bái heik pâuz:

“Ngênhx kôngz nuv thiêz huôv tsar tox siêz zuôr tror đros cxuô ban ngênhx, têx cơ quan hâur tỉnh; đros têx huyện, thị, TP chiê qênhz shuôs, fuô uô têx hâux lưv xã uô tâu luôs hâux lưv cxiv tsa jêx jok yiêz, gra siêz tsơưr lươngv têx nuv uô chor xã uô tâu luôs hâux lưv heik sâuv chiê cxiv tsa xã jêx jok yiêz. Tror seiz kaz T.Ư thiêz têx Bộ ngênhx têx ntâuz ntơưr fuô chox kriê chiê zênhx max nhênhz chơưv trâu Tỉnh ủy, HĐND, Ủy ban uô tâu jông hâux lưv cxiv tsa jêx jok yiêz”./.

(Thừa Xuân-Riê Lâux cxeik, nhênhv)

Tar su hnuz 15/8, ntơưv cêik cêr 81+200 sâuv txox cêr muk chênhr Nội Bai-Lào Cai, thax tsav tỉnh Yên Bái tưz muôx yưv iz txuz txiêz nanv zoz thôngz uô 5 lênhx nênhs trâus saz, iz luz yêz ô tô trâus puôk tsuôx hnhar.

Ciês đhâu muôx yưv txiêz nanv, lưx lươngv txơưx jênhv tưz muôx njêx muôs ntơưv qơư chiê chox nênhs trâus saz muk chơưv paz, phêiz cêr muk lok thiêz uô tsênhz mênhx qir tiv muôx yưv txuz txiêz nanv co./.

(TTTB-Lik Thox cxêik nhênhv)

Tror heik lok têx mông txuz tuô nênhs tuôs ntơưv tỉnh Điện Biên, txos iz jiês no cơ quan qênhz yuôx tỉnh Điện Biên tưz qir xơưz xưv, tik cêr cxâuv txuz “tuô nênhs” thiêz “Nhiês zuôr muôs têx triêv fov tsi trơưk chei” đros thiêz txuz plâuz 3 lênhx nênhs trâul tuôs muôx hâur thax tsav phường Mường Thanh, TP Điện Biên Phủ tas cik hnuz 15/8.

Qênhz yuôx shuôs hâur Sỏi tsêr, lênhx tiz nênhs tuô tuôl nênhs hâur hnuz 15/8 tưz qênhz pov iz traz ntơưr sâu tsês, hâur traz ntơưr sâu co, Sỏi tưz heik txos lok sâuv Sỏi thiêz 2 niêv txir trâul tuôs ntơư têx nux grik nhiêx txiêx tsênhv siz yuôr tsi tâu thêv tas thiêz ntâu mông txơưr đuô. Thiếu tướng Hồng Xênhv Shôngx, Giám đốc Công an tỉnh Điện Biên heik pâuz, zuôr heik tsênhz mênhx trâu sđ pâuz lok têx tsênhv njiêz no hâur jiês cơưv pov tsir hnuz 16/8./. 

(Vũ Lợi-Riê Lâux cxeik, nhênhv)