Chêix ntux nas chuô tsêiz no, huyện ntus đriv Phong Thổ, tỉnh Lai Châu tưz trâus hiêv ntâu lok lênhx nênhs thiêz cxuô zav thâuv muôx txos 15 lênhx nênhs tuôs thiêz tsik pov, đros têx trâus hiêv tas muôx 110 tiv đêiv ntâu. Hâur chêix ntux nas chuô shông no, tiv phaz tsênhv yuôr muôx 300 ntâu ziv chuôz zis nhoz ntơưv têx qơư zuôr njiz trâus ar xưz poz siêz tsuv tâu txar qơư nhoz sêiz đrơưv. Txos nhiv no, tiv phaz tưz txar qơư nhoz muk trâu têx qơư ngaz tuk đuô tâu muôx 140 ntâu ziv chuôz zis, chor chuôz zis txơưr đuô mak tsênhv txar tsik tâu tâu tiv muôx tsik txâuk nhiêx txiêx thiêz qơư nhoz yiêz. Viv li, chính quyền tiv phaz tsuôk pâuz hêik kriê chiê pox nhuôs bax phax, tar, tiv zix zos thâuv muôx yưv ntux nas chuô lox mak muk nhoz gâuv ntơưv têx qơư ngaz tuk chiê cov taz por. Đros têx phiv liv zos iz luz tỉnh pluôs li Lai Châu, lok six khov vav muôx têx paz txix Trung ương, chiê pox nhuôs muôx tâu iz kror qơư nhoz truôx tuk, tso siêz uô lox tôngv, xênhz yar, truôx tuk luz nênhx muk ntêr./.

(Khắc Kiên-Lik Thox cxêik nhênhv)

Tênhx qơư tox siêz zos iz hâur têx tsưr ziv lax uô tâu hâur cxiv tsa jêx jok yiêz, lar heik zos nhoz huyện tox siêz li Điện Biên Đông, tỉnh Điện Biên. Nhiv no, hâur thax tsav huyện Điện Biên Đông muôx 13 xã, thị trấn đros thiêz jênh sôr 63 cxênhz ntâu lênhx nênhs, taz sik nhiv kruôr muôx thax tsav thị trấn tâu qêz suô têx vuôz tsuôz, kiêk nênhs thiêz xưv lik trơưk tsưr ziv muôz phâuk tso trâu iz qơư (Muôx nhos 5,4 tênhr iz hnuz). Trơưk li Phongx đêx ar thiêz tênhx qơư huyện Điện Biên Đông njuôk xav, xav kror đruôz đraz niêx shông nhoz thax tsav tox siêz hâur huyện cux tsênhv yuôr 86 cxênhz tênhr chuôz zis têx vuôz tsuôz, kiêk nênhs đhâu xênhz huôx, 100 cxênhz ntâu tênhr têx qir tsiêx cxu uô vuôz tsuôz.....tsi tâu xưv lik./.

(KT-Riê Lâux cxeik, nhênhv)

Txơưv tiêk tưz muôx ntâu sir jos hâur côngz xưv phax, tar, taz sik nhiv no moz ơưk buô Châu Phi cux tsênhv txơưr tar phiv liv. Chiê uô tâu tsưr ziv txos hnuz 30/9/2019, tỉnh Yên Bái zuôr tir tar tâu moz ơưk buô Châu Phi, tsuv muôx têx tsưr ziv tsênhv tsênhz li sir jos chox kriê, huiz tôngv tas nro cxiv luôs chính trị đros uô, txơưx xar tơưv hâur yêx kriê, tsưr ziv phax tar caz moz. Chor chuôz zis tuz zus chiv chir muôx tsưr ziv phax, tar; cir jênhv đros chính quyền tiv phaz kriz uô muôx chêx cur têx tsưr ziv phax tar caz moz; ntâu chuôz zis tu zus lox tsênhv rêik fiêx hêik tsik tiêv kruô chiê txo grêk tsơưs chor nênhs muk lok trâu hâur thax tsav tu zus…mak tsưr ziv li hêik co thiêx zuôr uô tâu muôx chêx cur./.

(KT-Lik Thox cxêik nhênhv)

Trơưk li thôngz sâu, tas nro huyện Sa Pa, tỉnh Lào Cai tưz muôx 190 lênhx nênhs nhoz 3 xã, zos Tả Van, Hầu Thào thiêz Lao Chải uô ruôr hiêv têz qơưk têx qơư jông jav liêx tơư ntêir Sa Pa mak tsôngv kruô tuôx ndis shuôs uô si, phênhv ntâu zos cxiv uô vax tsêr tsi trơưk chei sâuv têx thax ar kôngz nuv co thiêz khơưz, luôv uô qơư tiêx uô tsi jông txos têx muôx jông nhoz no. Iz cxiê côngz trênhx tsêr tok kruô cxiv uô tsi trơưk chei sâuv têx liêx tơư ntêir chiê phưx vưv jux lix. Zơưv Lý Văn Hiển, Chủ tịch Ủy ban xã Tả Van heik pâuz, iz chas cxiv uô vax tsêr trâu têx mê nhuôv pheiz chuôz mak tsênhv yuôr 2 qir tiv txơưr thiêz:

“Tiv 2 zos lơưr muôx têx tso ntiêr iz luz tsêr đhâu iz, 2 luz hlik lơưr sâu tâu nhiêx txiêx bâuv li iz shông lơưr uô liêx têz. Tiv 3, pêz cux xav tinhv, hâur six hơưv uô ntêx, hâu nov ntơưv qơư cux tsi yuô tâu moz siêz txos hâux lưv seiz car. Muôx têx  zos lơưr cxiv uô ntâu hênhr, lưv lươngv muôx vax huôv car seiz tsi tas, tsi cxuô thiêx tir thêir, qênhz pov, xưv bluô tsi tâu”.

Txos nhiv no, huyện Sa Pa tưz tir thêir, ruôr porss tsês 15 côngz trênhx, uô ntơưr xưv bluô 175 lênhx nênhs, iz chas ntơư tik cêr cxâuv, kho têx canr bôv hâu nov têx xã nhoz thax tsav heik sâuv li txux chi, tsưr ziv lês uô jông cxuô luôs hâux lưv./.

(Thanh Thủy-Riê Lâux cxeik, nhênhv)

Cux ntơưv thị trấn Sa Pa, huyện Sa Pa, tỉnh Lào Cai, lưx lươngv phax tar zax zênhz thiêz nênhx pham cxâuv Bôv chỉ hui Bôv đôiv pênhz phax tỉnh Lào Cai sik côngv đros chor lưx lươngv cik txos nhiv kruôr pov, cxov tâu oz lênhx nênhs tsênhv thâux gra tsik zos chêi zax zênhz. Têx zav sâu tâu zos 10 đêiv zênhz đơưz. Oz lênhx nênhs co zos hêir nênhs Hmôngz, hu Ly Seo Chư (zus shông 1996, nhoz ntơưv jok Ngã Ba, xar Mản Thẩn, huyện Si Ma Cai, tỉnh Lào Cai) thiêz Cư Seo Nhà (zus shông 1993, nhoz ntơưv jok Sín Chải, thị trấn Phong Hải, huyện Bảo Thắng, tỉnh Lào Cai). Chi huy trưởng  Bôv đôiv pênhz phax tỉnh Lào Cai tưz tso tơưv cuêz tênhv khởi tố txuz zán hình sự lok thâux gra tsik zos chêi tsơưr zax zênhz./.

(An Kiên-Lik Thox cxêik nhênhv)