Hnuz 16/11, Ủy viên T.Ư Đảng, Bộ trưởng Bộ Nội vụ, đại biểu Côx hội tỉnh Yên Bái Phạm Thị Thanh Trà tưz tuôx dưv ntênhs côngz fur xã uô uô tâu luôs hâux lưv cxiv tsa jêx jok yiêz  thiêz Hnuz hội niêv côngv siêz tas nro tsôngv box sơưr đơưk ntơưv xã Minh Quán, huyện Trấn Yên, tỉnh Yên Bái; iz cahss ntơư, chuôs njiz cử tri chor xã hâur thax tsav huyện. Sâu jênhv thiêz têz cử tri têx lul nus thiêz heik, Bộ trưởng Bộ Nội vụ Phạm Thị Thanh Trà heik pâuz, zuôr sir jos đros têx lênhx hâu nov tỉnh Yên Bái hu zâuv têx pênhr jos cxiv tsa têx côngz trênhx thiêz moz siêz txos huôv tsar kinh tế-Xã hội ntơưv qơư. Iz chas ntơư, sir jos uô tiêr têx chei, cui tinhv, cxaz nzir pênhr jos trâu huôv tsar; gra siêz tsơưr lươngv lênhx nênhs lês uô cxuô luôs hâux lưv….. Cử tri têx lul heik, thix ziv, Đoanx đại biểu Côx hội tỉnh Yên bái zuôr sâu jênhv thiêz xa txos trâu Côx hội, têx cơ quan T.Ư chiê lơưr đơưk tu thiêz têz trâu tsôngv pêx xênhv hâur six hơưv zuôr txos./.

 (Đinh Tuấn-Riê Lâux cxeik, nhênhv)

Hâur jiês kriz cơưv “Sik côngv huôv tsar thax tsav trung du thiêz tox siêz Bắc Bộ txos shông 2030, luôs hâux lưv uô txos shông 2045” ntơưv Lào Cai têis cik hnuz 16/11, Ủy ban tỉnh Lào Cai thiêz Zênhx hangx huôv tsar châu Á (ADB) tưz cir ntâuz ntơưr lok hâux lưv sik côngv uô hâur ntu 2022-2027. Ntâuz ntơưr cir jênhv nhoz Ủy ban tỉnh thiêz Zênhx hangx huôv tsar Châu Á-Phái đoàn nhoz ntơưv Việt Nam hêik tơưv cxuô tos li têx ziv chênhv hâur sik côngv tso tơưv luôs hâux lưv kriz uô zos “Kriz uô cêr muk lok, cxiv uô vax tsêr cxuô zav hâur thax tsav đrôngl tỉnh Lào Cai truôx đrênhk”. Lơưr co, luôs hâux lưv no tâu kriz uô hâur ntu 2022-2027, pênhr nhiêx cxiv uô zos tas muôx 116 triệu đô la, hâur co muôx pênhr txêik ADB zos 83 triệu đô la, nhiêx txiêx têz qơưk tỉnh zos 33 triệu đô la. Luôs hâux lưv uô ntơư zuôr paz uô cxuô zav thiêz paz hlôngr yiêz đuô pêx xênhv luz nênhx, hlôngr yiêz txuôk đros têx tỉnh hâur thax tsav./.

(An Kiên-Lik Thox cxêik nhênhv)

Hnuz 16/11, Bộ Chỉ huy Bôv đôiv Pênhz phax tỉnh Sơn La tsưr tsix uô tiêr thiêz choz zok qơư cơưv cxênhx nhuôs zâu jok Co Phường, nhoz hâur tsêr cơưv cxênhx nhuôs zâu Hoa Đào, xã ntus đriv Mường Cai, huyện Sông Mã, tỉnh Sơn La. Co zos qơư cơưv lok six phiv liv nhoz xã ntus đriv, muôx iz lớp cơưv, 30 ntâu lênhx nhuôv shux xênhz zos nênhs Hmôngz. Côngz trênhx muôx iz lớp cơưv, iz qar cơưv thiêz iz qơư trâu chor cưk kriê ntơưr uô hâux lưv, đar nhos 82 xưv phaz, iz qơư tơưv trôngx đar 14 xưv phaz, yar tiêx luôv xuôz jêz xi măng đar 150 xưv phaz, muôx hur si xor hlâu xor thêir iz ndis tsêr cơưv thiêz trôngx vak. Xav tas nro têx nhiêx txiêx cxiv uô qơư cơưv ntơưr no tas muôx nhos 360 tsov đeiv ntâu. Qơư cơưv no tâu cxiv uô txix têx pênhr nhiêx Bộ Chỉ huy bôv đôiv Pênhz phax tỉnh Sơn La hu zâuv sơưr đơưk siz paz thiêz Tổng Công ty Bảo hiểm tsêr nhiêx muôv muôs yưv pênhr thiêz huôv tsar Việt Nam nhiêx txiêx paz thiêz  hâu nov ntơưv qơư li cêr sik thôngx siêz, siz chos uô. Txix shông 2020 txos nhiv no, Bộ Chỉ huy Bôv đôiv Pênhz phax tỉnh Sơn La tưz hu zâuv cxuô doanh nghiệp, têx tsưr tsix, lênhx nênhs siêz jông sik đros gôngr paz xar muôx 3,4 tyv đeiv cxiv uô 14 qar tsêr cơưv thiêz tsêr nhoz trâu chor cưk kriê ntơưr, shux xênhz nhoz, uô hâux lưv kriê txux chi thiêz cơưv ntơưr ntơưv thax tsav ntus đriv./.

(CTV Vì Hiện-Chia dịch đọc)

Zơưv Nguyễn Văn Hưởng, Phưv Giám đốc Sở Zoz thôngz-Vận tải tỉnh Lai Châu puz pâuz: Nhiv no, taz viv tưz muôx ntâuz ntơưr xa trâu cxuô thax tsav qơư chiê chor yêz thâux xa kruô tror tâu thâux xa kruô muk lok thiêz tưz muôx 56 hâur tas nro 75 jiês yêz tâu thôngx ziv chiê muk lok. Têx yêz thâux xa kruô no tror tâu muk lok zos chiê taz por paz trâu uô nênhx cov sưv đros, ngaz tuk, phax tar tâu jông caz moz Covid-19 lơưr Chính phủ li Nghị đinh 128 thiêz Bôv Zoz thôngz-vậ tải li Cuêz tênhv 1812. Chiê qênhz yuôx tâu truôx jông caz moz hâur hâux lưv thâux xa kruô, 100% nênhs tsar yêz thiêz nhân viên sâuv yêz nhoz tỉnh Lai Châu nhiv no tưz tâu cxax txưv oz côngz yuôx phax moz Covid-19. Sở Zoz thôngz-Vận tải tỉnh Lai Châu cux choz trâu lưx lươngv Thanh tra zoz thôngz sêiz shuôk, sik côngv đros chor lưx lươngv muôx vax huôv cik txos qênhz yuôx côngz xưv phax, tar caz moz Covid-19 sâuv têx yêz thiêz xưv lik truôx jông chor nênhs uô cxâuv têx cui tênhv lok phax tar caz moz Covid-19./.

(Khắc Kiên-Lik Thox cxêik nhênhv)