Đhâu ciês txêik tâu Sở Zoz zux thiêz Thox cxov li hêik pâuz tso shux xênhz so ntơưr nzir chiê tir tar caz moz Covid 19, 5 tỉnh Tây Bắc zos Sơn La, Điện Biên, Lai Châu, Lào Cai, Yên Bái tưz tso tơưv cuêz tênhv tso shux xênhz sâuv thax tsav so ntơưr txix hnuz 17/2 txos tas hli 2 no. Đuô li, têx tiv phaz cux hêik chor tsêr cơưv cao đẳng, trung cấp sâuv thax tsav hêik têx shux xênhz nhoz so ntơưv tsêr, tsik muk ndis shuôk uô si, cxaz chuôz trâu têx qơư muôx chôngz nênhs. Uô truôx jông lơưr têx cui tênhv phax tar caz moz Covid 19 zos cơ qua Y têr cui tênhv. Tsưr ziv cơưv ntơưr shông cơưv 2019-2020 zuôr tâu uô trơưk li Bôv Zoz zux thiêz Thox cxov hêik kriê./.

(Thu Thùy-Lik Thox cxêik nhênhv)

Ntơưv tỉnh Sơn La, txos nhiv no, 16 lênhx nênhs njuôs xav trâus moz thiêz tưz tâu cêv kuôk, seiz shuôk puôr lênhx muôx chêx cuk njuôs siv tsi zos tsi trâus moz tiv caz moz cô-vít 19 lok zos caz moz côrôna. Li ntơưv, txos nhiv no tas nro tỉnh SƠn la tsi tâu pov lênhx nênhs tưs trâus caz moz cô-vic 19. Taz sik moz njuôs xav cux zuôr cik txos SƠn La siêz. Nhiv no, tỉnh SƠn La tsênhv krêz uô ntâu tsưr ziv thiêz chuv tôngv cêv kuôk 1 cxênhz 300 lênhx nênhs zos nênhs lox tôngv cxôngx saz đrâuv têz qơưk lol, chiê tir tar moz nzor txu grês qênhx shênhx moz cik hâur côngv thôngx./.

(T.Lan- Txâur Vax cxeik nhênhv)

Têis cik 16/2, ntơưv Tsêr cơưv Quân sự Lào Cai, 50 ntâu lênhx nênhs xuz thơưx ciês đhâu six hơưv cêv kuôk tưz tâu chiê lok tsêr. Hâur chor nênhs xuz thơưx ciês tâu tơưv đhâu qơư cêv kuôk, muôx 34 lênhx nênhs zos nênhs Lào Cai, yuôr 18 lênhx nênhs zos nênhs nhoz têx tỉnh Lai Châu, Hà Giang, Điện Biên, Yên Bái, Vĩnh Phúc…Tas nro chor nênhs no tâu tsêr cơưv Quân sự tỉnh chiê yêz thâux xa muk trâu qơư tsar đrêk yêz kruô Lào Cai, txix co chêix yêz kruô lok muk tsêr. Nhiv no, ntơưv tsêr cơưv quân sự tỉnh Lào Cai cux tsênhv yuôr muôx 450 ntâu lênhx nênhs Việt Nam tâu cêv kuôk. Chor nênhs no phênhv ntâu zos cik txos caz moz Covid 19, zos shux xênhz, nênhs lox tôngv txix Trung Quốc tror lok. Hâur six hơưv 14 hnuz cêv kuôk ntơưv no, chor nênhs no tâu nox hâuk, sêiz shuôk, njuôk đas jos huv li cui tênhv./.

(An Kiên-Lik Thox cxêik nhênhv)

Têx hnuz jê ntơưv no, sâuv iz cxiê trang mạng xã hội tsênhv heik ntâu txos hâux lưv lênhx nênhs trâus txiêz nanv zaoz thôngz tâu chox mul tsêr kho moz taz sik viv kênhz tâu chơưv kho viv li tưz trâus tuôs. Lênhx nênhs co zos tix lâuk Lò Văn Bó, xênhz shông 1994 nhoz jos Mé, xã Nà Nghịu, huyện Sông Mã, tỉnh Sơn La. Tix lâuk Bó trâus txiêz nanv yêz meir, tâu chox mul chơưv kho ntơưv tsêr kho moz đa khoa huyện Sông Mã thâuv 1h tas hmo hnuz 11/2, txos 9h tas cik đros hnuz txơưv tuôs tiv trâus saz hlưz tâuz hâu. Kror mak chuôz zis Lò Văn Bó tsi jông siêz zos: têx lênhx nênhs jor ntơưv tsêr kho moz pok tâu uô tas lơưr li txơưx jênhv chơưv kho thâuv nênhs moz tâu chox tuôx mak tos iz hmo thiêx li tâu tsov CT mak tsi puz xa trâu tsêr kho moz lox? Ciês thâuv muôx yưv hâux lưv co, tsêr kho moz đa khoa huyện Sông Mã tưz hu công an huyện thiêz pháp y tỉnh tuôx chiê muôx têx chêx cuk tsênhz mênhx uô tix lâuk Lò Văn Bó tuôs. Thâuv hội đồng chuyên môn khiêz phêv chiê ntâus grê hâux lưv chơưv kho đros nênhs moz, zos uô cxâuv hâux lưv tưs, lênhx nênhs co zuôr trâus yưr lir txos qơư lơưr cui tênhv./.

(TTTB- Txâur Vax cxeik nhênhv)