Hnuz 16/5, Đoanx côngz xưv Ban tuyên giáo Trung ương zos zơưv Nguyễn Quốc Trung, Vụ trưởng Vụ chor vênhv thix xar hôiv uô trưởng đoanx uô hâux lưv đros Ban tuyên giáo Tỉnh ủy Lào Cai lok tsênhv njiêz hêik pâuz ntâuk gri 10 shông tsưr tsix kriz uô lơưr Ban Bí thư li Chỉ thị số 24, hnuz 4/7/2008 lok huôv tsar Đông y Việt Nam thiêz Hôiv Đông y Việt Nam hâur qênhx shênhx yiêz. 10 shông đhâu, hâux lưv kriz uô Ban Bí thư Trung ương Đảng li Chỉ thị số 24 lok huôv tsar Đông y VIệt Nam thiêz Hôiv Đông y Việt Nam hâur qênhx shênhx yiêz muôx ntâu kror yiêz jông. Vax tsêr cxô zav, pênhr jos phưx vưv trâu njuôk kho moz txix y học cổ truyền ntơưv chor tsêr kho moz ziv hnuz ziv tâu uô truôx jông, gra siêz, tax tâu pêx xênhv liz zoz qơưx njuôk kho moz./.

(KT-Lik Thox cxêik nhênhv)

Uô tổng công ty tênhv jos faz Bắc li chủ trương lok sik côngv nganhx tênhv tênhz đros chiz coaz coar lik têz qơưk, Công ty tênhv jos Sơn La nhiv kruôr krêz uô hâux lưv tos jênhv thiêz car chêx lênhx nênhs zôngv tênhv li têx zoz qơưx lok jix vuv tênhv ntơưv tsênhv qơư hành chính côngz tỉnh SƠn La. Huôx tôngv no chiê hlôngr yiêz chỉ số tâu zôngv tênhv, txu grês six hơưv uô ntâuz ntơưr cungz tênhv trâu lênhx nênhs sir zôngv, thôngx cxix muôz siêz đuô thiêz nênhs sir zôngv li jông siêz. No  cux zos jiês paz cán bộ công nhân viên Công ty hlôngr yiêz tsưr ziv uô hâux lưv jông đuô, muôx txơưx jênhv đuô. Zơưv Trần Duy Trinh, Phưv giám đốc Công ty tênhv jos Sơn La puz pâuz:

“ Hâux lưv tos jênhv car chêx zoz qơưx lok jix vuv tênhv ntơưv tsênhv qơư hành chinhs côngz têx cấp zos Công ty li iz sir jos lox hâur hâux lưv hlôngr yiêz chỉ số tâu zôngv tênhv, muôz siêz pênhr xưv tơuv txênhz lơưr chinhr phuv li chủ trương. Công ty tênhv jos Sơn La tưz truôx siêz uô tsênhz mênhx, seiz nênhs sir zôngv zos tsênhv qơư, seiz nênhs sir zôngv li jông siêz zos traz yiv chiê njuôs xav taz viv li têx huôx tôngv”./.

(Thanh Thủy- Txâur Vax cxeik nhênhv)

Xar Đại Minh, huyện Yên Bình, tỉnh Yên Bái muôx chor txir bưởi tiến vua kaz nto bê, paz muôx phênhv sâu siêz trâu pêx xênhv. Têx shông jê lok no, ntâu thax tsav ar, hâur co muôx thax tsav chos txir bưởi ntêr shông nhoz oz luz jok Khả Lĩnh thiêz Quyết Tiến 12, xã Đại Minh tưz thiêz tsênhv trâus tuk đêx Chảy ruôr hiêv, uô trâu pêx xênhv pôngz plox ntâu lok kinh tế. Pôngz plox ar, trâus hiêv lok kinh tế, tưz muôx chôngz lênhx pêx xênhv hêik trâu huyện, tỉnh. Taz sik, txos nhiv no pêx xênhv li ziv chênhv cux tsik tâu tâu cêir chêx cov huv đros. Chôngz lênhx pêx xênhv hêik pâuz lơưr tưz pôngz siêz tas lơưv, thiêz tsuôk pâuz nhoz njiê zuk têx ar têz thiêz tsoz chos trâus đêx cuôr yôngz muk…/.

(Tuấn Xuân-Lik Thox cxêik nhênhv)

Hnuz 16/5, Công an tỉnh Lai Châu puz pâuz, taz viv nhiv kruôr ruôr yênhx côngz chuyên án 418L, ntês trâu 2 lênhx nênhs zos zơưv txir thiêz vâur muôv muôs zax zênhz. Co zos Lâux Xênhv Vax nhoz jos Huổi Dên, xã Pú Hồng, huyện Điện Biên Đông, tỉnh Điện Biên tưz jênhv zuk li hâux lưv uô cxâuv. Krêz đar qênhz yuôx, đros hnuz chiz coaz công an tror ntês Lâux Chưr Zênhz zos Lâux li zơưv txir, xênhz shông 1963 nhoz jos Tìa Dình B, xã Tìa Dình, huyện Điện Biên Đông, tỉnh Điện Biên. Nhiv no hâux lưv no tror tâu qênhz yuôx, uô tsênhz mênhx./.

( Khắc Kiên- Txâur Vax cxeik nhênhv)