Huyện Mường La, tỉnh Sơn La nhiv kruôr tsưr tsix ntênhk chiv nhênhv 70 shông hnuz yênhx lix Đảng bôv huyện (15/6/1949-15/6/2019) thiêz 40 shông txar tsênhv qơư huyện lok xar Ít Ong, nhiv no zos thị trấn Ít Ong, huyện Mường La.

Đhâu 70 shông cxiv tsa, huôv tsar, đros 20 jiês Đại hôiv, Đảng bôv huyện Mường La txos nhiv no tưz muôx 6.200 ntâu đảng viên; tas nro têx jêx jok, tiểu khu, têx cơ quan, taz viv puôr lênhx muôx tsưr tsix Đảng, tsik yuôr kror tưs tsik muôx đảng viên, tsik muôx chi bộ. Đảng bôv tưz chox kriê, lênhx tov huôv tsar kinh têr-xar hôiv tax tâu ntâu chêx cur siêz; tiv zix zos uô yênhx côngz jiês txar qơư nhoz trâu pêx xênhv uô tsêr mêir đêx tênhv Sơn La, đros muôx 3.500 ziv chuôz zis, 16 cxênhz ntâu lênhx nênhs; suôv câuv shông 2018; tsêx trung lênhx tov chox kriê hlôngr yiêz tsoz chos, thax tsav ntông nox txir sâuv 5.200 ha./.

(Thu Thùy-Lik Thox cxêik nhênhv)

Lok hnuz 11/6, pos Ma Thị Dính, 80 shông, mênhx cxưx Hmôngz nhoz jos La Pán Tẩn, xã La Pán Tẩn, huyện Mường Khương, tỉnh Lào Cai thâuv mul pêv har jôngr txiêr tơưk tsi pov tror lok tsêr, chuôz zis thiêz tsôngv box hâur jos tưz sik đros mul nriêr taz sik tsi pov. Txos tar su hnuz 15/6 đhâu Bộ đội pênhz phax đros zuôr xar 100 lênhx tsôngv box tiv phaz li sir jos nriêr, tưz nriêr pov pos hâur iz luz kror jêz toz, kuôk qơư nhoz muôx nhos 5 cei cêr, pos tưz tuôs. Qir tiv tâu xav tênhv thâuv mul txiêr tơưk, pos môngr tsi jông plav tơư ntos trâu hâur kror jêz thiêz tuôs./.

(An Kiên- Txâur Vax cxeik nhênhv)

Bôv đôiv pênhz phax Điện Biên nhiv kruôr cxov tâu 3 lênhx nênhs Lào tsênhv muôl muôs, thâux gra tsik zos chêi 20 cir zax zênhz. 3 lênhx nênhs co trâus cxov ntơưv thax tsav nhoz jê ntus đriv huyện Điện Biên, tỉnh Điện Biên thiêz huyện Mường Mày, tỉnh Phong Sa Ly, Lào. Chor nênhs co hêik tiêk zuôr zax zênhz ntơưv thax tsav Tam giác vàng thiêz gra lok trâu ntơưv thax tsav ntus đriv chiê muôs trâu iz lênhx nênhs Việt Nam tưz tênhv zuôr uô ntêx co./.

(VOV4-Lik Thox cxêik nhênhv)

Nhiv kruôr đhâu, ntơưv thax tsav xã Bản Lầu, huyện Mường Khương, tỉnh Lào Cai, lưx lươngv trinh sát Công an huyện Mường Khương đros Zênhx pênhz phax Bản Lầu pov thiêz ntês tâu 2 lênhx nênhs tsênhv thâux 16 đeiv zênhz đơưz, 2 lênhx nênhs co zos Ký Xênhv Zax xênhz shông 1985 nhoz jos Nậm Pang, xã Bản Cầm, huyện bảo Thắng tỉnh Lào Cai thiêz Páo Xênhv Lir xênhz shông 1989 nhoz jos Km 15, xã Bản Lầu, huyện Mường Khương, tỉnh Lào Cai. 2 lênhx nênhs no jênhv tâu ntiêr thâux gra chor zax zênhz no đros nhiêx txiêx tâu thêv zos 500 tsov đeiv cxôngx Nghệ An mul Lào Cai chiê muôs./.

(An Kiên-Txâur Vax cxeik nhênhv)