Txos nhiv no, tas nro tỉnh Lai Châu tưz muôz tâu 120 tỷ đeiv trâu 155 cxênhz ntâu lênhx tsôngv box njiz phêv liv tiv moz Covid-19 huôv xênhz thiêz côngz xưv muôz nhiêx txiêx tâu uô lơưr tsưr ziv taz por trơưk lênhx nênhs. Têx lênhx nênhs tâu sơưv zos nênhs muôx côngz tâu sơưv phênhv paz txưv yênhx hli, nênhs tâu sơưv paz txưv xã hội, ziv chuôz zis pluôs, chuôz zis zuôr xar pluôs; nênhs lox tôngv trâus tso tsês hôx thôngx lox tôngv, so hâux lưv tsi muôx nhiêx shar; ziv chuôz zis muôv muôs; nênhs lox tôngv tsi cir hôx thôngx trâus tsi muôx hâux lưv uô; nênhs lox tôngv trâus tso tsês hôx thôngx uô hâux lưv taz sik tsi muôx txâuk theox chênhv tâu jênhv phênhv paz txưv tsi muôx hâux lưv uô./.                               

(VOVTB- Lan dịch đọc)

Xar muôx 1 six 13 phênhz zar hnuz kêix 16/6, ntơưv huyện ntus đriv Mường Tè, tỉnh Lai Châu thiêz TP Lào Cai (tỉnh Lào Cai) muôx yưv iz jiês ntux kênhs 4,9 tưv rích te, uô kênhs tas thax tsav đar thiêz tưz muôx têx trâus  ruôr hiêv. Ntơưv huyện Mường Tè, Lai Châu, ntux kênhs tưz uô oz lênhx nhuôs zâu ntơưv tsêr cơưv nhuôs zâu Bản Giẳng, xar Mường Tè trâus saz zâu tiv vuôk vor tsêr pôngz lok trâus. Đuô li, muôx ntâu qơư uô côngz xưv, tsêr cơưv ntơưr thiêz pêx xênhv têx vax stêr trâus xưz, tơưs plêz./.

(Khắc Kiên-Lik Thox cxêik nhênhv)

Ntơưv xã Nậm Búng, huyện Văn Chấn, tỉnh Yên Bái, iz lênhx tsôngv box muk zok har jôngr tsi pov lok tsêr, thâuv nriêr tâu tưz pov trâus tuôs lơưv. Đinh Tuấn nênhs sâu xor xưv nhoz Đeix nta suôz VN iz suôv faz Baz tso mông: 3 lênhx tsôngv box zos Bàn A Sâu xênhz shông 1994, Bàn A Pù xênhz shông 2000 thiêz Triệu A Phấy xênhz shông 1996 puôr lênhx nhoz jos Nậm Pươi, xã Nậm Búng, huyện Văn Chấn sik đros muk zok har jôngr Lũng Tràm, jos Nậm Pươi. Muk zok jôngr lok 2 lênhx tror lok tsêr, yuôr Bàn A Sâu mak tsi pov tror lok. 2 lênhx nênhs no muk tsêr nus Sâu pox niêv mak nưs heik tsi pov Sâu lok tsêr. Đhâu co tix lâuk Sâu chuôz zis thiêz tsôngv box tưz muk nriêr thiêz pov Sâu tuôs pêv jôngr. Nhiv no chiz coaz muôx txơưx jênhv tsênhv qênhz yuôx, uô tsênhz mênhx qir tiv txuz hâux lưv no./.

(Đinh Tuấn- Txâur Vax cxeik nhênhv)

Nhiv kruôr no, sâuv ntu cêr Võ Nguyên Giáp đhâu thax tsav tôv 27, phường Bắc Cường, thành phố Lào Cai muôx iz txuz sik yiêr oz luz yêz biển số njuôz, nênhs tsar yêz trâus saz hnhar, tâu chox ciês muk chơưv paz. Nênhs tsar luz yêz zâu zos Phạm Hoàng Long, zus shông 1981, nhoz ntơưv luz tsêr số 054, cêr Trần Đăng Ninh, phường Cốc Lếu, thành phố Lào Cai, zos nênhs tsar yêz Phòng Hậu cần-Công an tỉnh Lào Cai. Yêz ô tô tải zos Bùi Văn Huyện, zus shông 1978, nhoz ntơưv tổ dân phố Phú Thành 3, thị trấn Phố Lu, huyện Bảo Thắng, tỉnh Lào Cai tsar, sâuv yêz thâux nzir oz lênhx nênhs zos Đặng Hoàng Minh, zus shông 1996, nhoz ntơưv qơư tập thể Công an huyện Bảo Thắng thiêz Lương Văn Đức, zus shông 1995, nhoz ntơưv qơư  tập thể Tsêr cơưv Trung cấp Cảnh sát nhân dân 1, Hà Nội. Nhiv no, txuz hâux lưv tsênhv tror tâu cơ quan txơưx jênhv qênhz yuôx, uô cov tsênhz mênhx./.

(An Kiên-Lik Thox cxêik nhênhv)

Nhiv kruôr đhâu, ntơưv jos Nà Cẩu, xã Mường Bám, huyện Thuận Châu, tỉnh Sơn La, Phòng cảnh sát qênhz yuôx nênhs phamv cxâuv lok zax zênhz, Công an tỉnh Sơn La sik côngv đros Công an huyện Thuận Châu, bộ đôi pênhz phax Sơn La, tổng cục Hải quan thiêz Cục hải quan tỉnh Điện Biên ruôr yênhx côngz chuyên án zax zênhz lox, ntês tâu Tà Xênhv Vưx 33 shông, nhoz xã Xa Dung, huyện Điện Biên Đông, tỉnh Điện Biên. Sâu tâu 17 đeiv zênhz đơưz, 1 luz yêz meir thiêz ntâu chuôz zênhx txơưr muôx lênhx coaz. Ntơưv chiz coaz CÔng an, Tà jênhv muôx lênhx nênhs zuôr zax zênhz, viv li muk THuận Châu, SƠn La zuôr 17 đeiv zax zênhz cxôngx iz lênhx nênhs tsi pâuz bê chiê gra lok muôv muôs. Nhiv no txuz hâux lưv no tsênhv tror tâu qênhz yuôx uô cov tsênhz mênhx./.

(CTV TB-Txâur Vax cxeik nhênhv)