Bộ Zoz thôngz nhiv kruôr muôx ntơưr sôr 10047, hnuz xiêz 6/9/2018 heik tỉnh Điện Biên hux jos truôx đros Tổng cục cêr ar VN phênhz pheiz têx pênhr nhiêx, tsưr ziv cxiv uô qox hla đhâu đêx Nậm Chim, chiê tsôngv box, têx nhuôs shux xênhz hâur thax tsav jok Huổi Hạ thiêz nhoz jê iz ndis zôngx ziv mul lok đhâu.

Tsênhv njiêz heik mênhx: Đhâu thâuv txeik tâu têx cơ quan ntơưr pov tsir, yax xa mông li têx mông heik txos hâur hnuz xiêz 5/9/2018 lok qênhx shênhx cux tsênhv yuôr shux xênhz ntơưv jok Huổi Hạ, xã Na Sang, huyện Mường Chà, tỉnh Điện Biên tsuv gak hâur hnaz tax chiê hla đhâu đêx Nậm Chim muk tsêr cơưv tiv tsi tâu cxiv uô tâu qox hla đhâu đêx. Bộ Zoz thôngz tưz chox kriê Tổng cục Cêr ar VN hux jos đros hâu nov cxuô cấp ntơưv qơư chiê qênhz yuôx shuôs luôs hâux lưv co./.

(Vũ Lợi-Riê Lâux cxeik, nhênhv)

Ciês thâuv muôx yưv txuz txiêz nanv zov chênhr uô 13 lênhx nênhs tuôs thiêz 3 lênhx trâus saz, nhiv no chiz coaz muôx txơưx jênhv tỉnh Lai Châu tsênhv tror chox kriê têx lưx lươngv chuôz tsar seiz car, yưr lir txos qơư têx yêz uô cxâuv chiê taz por zaoz thôngz sâuv thax tsav. Thiếu tá Đỗ Tú Anh, Phưv phongx canhv sát zaoz thôngz, Công an tỉnh Lai Châu puz pâuz: Hâux lưv qênhz yuôx zuôr tâu seiz car lok yêz, thâuv cxaz chuôz zaoz thôngz yêz pok thâux hnhar....Thiếu tá Đỗ Tú Anh heik:

“ Đhâu txuz txiêz nanv zaoz thôngz no, lưx lươngv cảnh sát zaoz thôngz zuôr chêx chôngk yax mông sâuv têx qơư. Têx tuêv cảnh sát zaoz thôngz zuôr chuôz tsar seiz car, qênhz yuôx chiê đhâu co heik têx lênhx nênhs tsar yêz tsưv ziv mul lơưr cui tênhv. Thiêz thâuv tsar yêz grês trôngz tsuv seiz car seiz yêz pok taz por chiê mul, tsi chiê muôx yưv txiêz nanv zaoz thôngz li nhiv kruôr đhâu”.

Txuz txiêz nanv zaoz thôngz ntơưv thị trấn huyện Tam Đường tỉnh Lai Châu tưz uô 13 lênhx nênhs tuôs, 3 lênhx trâus saz hnhar tsênhv tâu chơưv kho ntơưv tsêr kho moz đa khoa tỉnh Lai Châu. Txos zar hnuz keix hnuz đhâu, 3 lênhx nênhs trâus saz no tưz tâu xa mul tsêr kho moz Việt Đức- Hà Nội chiê tror chơưv kho./.

(TTTB- Txâur Vax cxeik nhênhv)

Ủy ban tỉnh Lào Cai nhiv kruôr tso tơưv quyết tinhv xưv bluô 150 tsov đeiv trâu iz lênhx nênhs krêz yâu suôz jêz tsi trơưk cui tinhv; iz chas ntơư sâu tsês hur si cxuô zav chuôz zênhx uz no cik txos.

Uô ntêx ntơư, hnuz 28/8, thâuv tsênhv muk uô hâux lưv qênhz yuôx, shuôs 2 ntus đêx Chảy, ntu ntưk đhâu thax tsav jok 2A, thị trấn Phố Ràng, huyện Bảo Yên, tỉnh Lào Cai, lưv lươngv cảnh sát tênhx qơư, Công an tỉnh Lào Cai tưz qênhz pov iz qơư tsênhv taz tov krêz yâu suôz jêz tsi trơưk cui tinhv. Ntơưv thax tsa qơư co, lưv lươngv muôx vax huôv tưz heik cov tso tsês luôs hâux lưv krêz yâu suôz jêz thiêz uô ntơưr xưv bluô, sâu tsês têx chuôz zênhx cik txos zos iz luz fuôx hlâu, iz luz meir khơưz ar thiêz iz cxiê zav chuôz zênhx txơưr đuô phưx vưv khơưz yâu suôz jêz.

Đhâu qênhz yuôx tso pov, thax tsav qơư krêz yâu suôz jêz tsi trơưk cui tinhv no qir uô hâux lưv txix hli 7/2018 lok, zos Tiêu Thị Tám, nhoz thị trấn Phố Ràng, huyện Bảo Yên uô tsưr./.

(An Kiên-Riê Lâux cxeik, nhênhv)

Tập đoàn Mường Thanh nhiv kruôr krêz huôx tôngv tsêr so Mường Thanh Grand Sơn La ntơưv thành phố Sơn La, chuôz ndê tập đoàn Mường Thanh li chor tsêr so txos 50 luz sâuv tas nro têz qơưk. Mường Thanh Grand Sơn La muôx 150 qar so đros têx qar so lok six jông, yiêz, uô trâu lênhx nênhs so pov lok six jông nhoz. Nhoz ciês hâur tsêr so muôx tsêr uô mor Pha Luông phưx vưv têx xiv huv thiêz zav nox Tây Bắc đros têx zav nox nto bê Á Âu kaz./.

( Trấn Long- Txâur Vax cxeik nhênhv)