Têis cik 16/10, Ủy ban Mặt trận têz qơưk Việt Nam tỉnh Điện Biên tsưr tsix phuôx tôngv hli sik paz trâu cuiv “Viv nênhs pluôs” shông 2018. 120 ntâu tập thể, tiz nênhs tưz đăngk cir paz đros nhiêx xar muôx 5,8 tiv đêiv. Đros muôx 51.00 ziv chuôz zis pluôs thiêz xar muôx 12.000 chuôz zis zuôr xar pluôs, chôngz lênhx pêx xênhv sâuv thax tsav tỉnh Điện Biên cux tsênhv lok six tsuv tâu paz lok tsêr nhoz, cơưv ntơưr, zuz nôngz tsoz chos, tsiêx zus chiê huôv tsar kinh tế, gra siêz luz nênhx, njuôk kho moz…Shông no, Ủy ban mặt trận têz qơưk Việt Nam tỉnh Điện Biên zuôr tror hêik chor tsưr tsix, taz viv, nênhs siêz jông hâur thiêz đrâuv tỉnh tror paz trâu nênhs pluôs nhoz tỉnh Điện Biên chiê lơưr muôx tsar tov đuô hâur luz nênhx. Pos Nguyễn Thị Kim Nga, Phưv chủ tịch thường trực Ủy ban mặt trận têz qơưk Việt Nam tỉnh Điện Biên hêik:

“Hâur ntu zuôr txos pêz zuôr tror sir jos uô têx tsưr ziv vênhv tôngv, paz trâu nênhs pluôs cov muôx tâu têx pênhr jos txix chor tsưr tsix, doanh nghiệp, chor nênhs siêz jông hâur thiêz đrâuv tỉnh chiê paz trâu nênhs pluôs lok hâux lưv uô, huôv tsar kinh tế, chuôz ndê phênhv sâu hlôngr yiêz luz nênhx, paz trâu nênhs pluôs muôx tsar tov đuô hâur uô xênhz yar thiêz buôs ti tâu ciêz đrôngs muôl muôs hax huv”./.

(Vũ Lợi-Lik Thox cxêik nhênhv)

Hnuz 16/10, ngênhx y tế tỉnh Sơn La tsưr tsix “hội thik yax kriê lok sâuv tsoz phưz đas jos trâu nênhs lâuk hnuz nhôngs siêz” tỉnh Sơn La shông 2018. Cxaz chuôz tưr thik muôx 12 paz zos têx nênhs lâuk hnuz nhôngs siêz nhoz 12 huyện, TP hâur tỉnh tuôx. Nhiv no tas nro tỉnh Sơn La muôx zuôr xar 85 cxênhz lênhx nênhs lâuk hnuz nhôngs siêz txix 60 shông tror zar sâuv, tsav xar muôx 7% jênh sôr hâur tas nro tỉnh. Hội thik zos chiê gra siêz đuô thiêz cxuô cấp ủy Đảng, hâu nov, ban ngênhx, đoanx thêv, tsưr tsix XH, lênhx nênhs thiêz chuôz zis txux chi tsưr ziv jênhv pâuz lok tsoz phưz đas jos trâu têx nênhs lâuk hnuz nhôngs siêz. Iz chas ntơư yax kriê trâu têx nênhs lâuk hnuz nhôngs siêz, chor nênhs tsênhv tu, tsoz phưz têx nênhs lâuk hnuz nhôngs siêz pâuz tsênhz đuô lok têx moz gênhs chor lâuk nênhs khênhr njiz trâus thiêz tsưr ziv phax thêir têx moz tâu jông đuô. Zơưv Trần Đình Thuận Chi cục tsar Chi cục jênh sôr tỉnh Sơn la, Phưv ban tsưr tsix hội thik heil pâuz:

“Hội thik hnuz no tsưr tsix chiê yax kriê hur tiz si têx txux chi tsưr ziv trâu nênhs lâuk hnuz nhôngs siêz chiê lơưr pâuz tu zuk tul tiz nênhs jông đuô, cux li têx lênhx cxaz chuôz hội thik pâuz tâu têx txux chi tsưr ziv ntơư. Lar heik zos têx moz chor lâuk nênhs khênhr njiz trâus chiê muôx tsưr ziv tsoz phưz đas jos, nox hâuk li chas cov huv đros chiê por hưv đas jos trâu nênhs lâuk hnuz nhôngs siêz”./.

(Thào Ly-Riê Lâux cxeik, nhênhv)

9 luz hli ntâu hâur shông no, sâuv thax tsav tỉnh Yên Bái tưz muôx yưv 25 txuz tơưs cuz; uô 3 lênhx nênhs tuôs, 11 lênhx nênhs trâus saz; pôngz plox lok kinh têr xar muôx 4 tiv đêiv. Pir li six chênhz shông uô ntêx, txơưv chor txuz grêk tsơứ, taz sik ho chuôz ndê chor nênhs trâus tuôs thiêz trâus saz. Jênhv pâuz qênhx shênhx tơưs cuz tsênhv zuôr txơưr txar phiv liv, tiv zix zos tsênhv piz hla trâu chêix ntux kruôr gis, lưx lươngv cảnh sát phax cuz tuô cuz thiêz chơưv paz, Công an tỉnh Yên Bái tưz bax kriz uô ntâu tsưr ziv chiê txo grêk tsơưs chor txuz tơưs cuz muôx sâuv thax tsav. Đại tá Tạ Khắc Hồng, Trưởng phongx cảnh sát phax cuz tuô cuz thiêz chơưv paz, Công an tỉnh Yên Bái puz pâuz:

“Tiv iz mak hêik trâu cxuo cấp, cxuô nganhx pâuz chiê kriz uô côngz xưv phax cuz, tuô cuz nhoz cxuô cấp, cxuô nganhx. Gra siêz jênhv pâuz lok phax cuz tuô cuz txos trâu yênhx lênhx pêx xênhv pâuz. Tsưr tsix kruôz kriê lưx lươngv  phax cuz hoz tiv phaz chiê  thâuv tưs muôx yưv qênhx shênhx mak zuôr chơưv paz tâu ciês, uô chak chiê txo grêk tsơưs tiv zix têx trâus hiêv tiv tơưs cuz uô muôx yưv”./.

(Thừa Xuân-Lik Thox cxêik nhênhv)

Ủy ban tỉnh Lào Cai nhiv kruôr tso tơưv quyết tinhv xưv bluô hành chính hâur ngênhx khoar cxax, tênhx qơư trâu Công ty Khai Phát, ntơưv xã Thái Niên, huyện Bảo Thắng, tỉnh Lào Cai, đros thiêz 250 tsov đeiv nhiêx.

Iz chas ntơư, hâur six hơưv krêz uô dưv anr khơưz yâu khoar cxax hâur thax tsav, Công ty Khai Phát tưz tsi uô trơưk cui tinhv, têx tsênhv njiêz thiêz   Sở Đêx ar, tênhx qơư tỉnh Lào Cai heik hâur qênhz yuôx suô luk, uô trâu muôx yưv têx tsi jông zos njưs thêir têx ar, poz jêz trâul tơưs uô ar, poz jêz ntưk lol cxuz, tsuôv tas tsôngv box xã Thái Niên zuôr xar 4 ha liêx têz kôngz lôngk. Iz chas bluô nhiêx, Công ty Khai Phát tsênhv tâu uô lơưr têx cui tinhv taz por njưs thêir têx ar, poz jêz ntơư khor truôx thiêz tsiv uô, yâu têx khoar cxax tsi uô hiêv li chas txos tênhx qơư; iz chas ntơư tsuv khưx phưx têx tsi jông, cux li pâux nzir têx trâus uô hiêv trâu têx chuôz zis tsôngv box./.

(An Kiên-Riê Lâux cxeik, nhênhv)