Hnuz đhâu 16/3, zos hnuz xuz thơưx uô hâux lưv tsuv chox đeiv bos kror ndâux ntơưv qơư muôx chôngz lênhx nênhs. Txơưv zos cui tênhv yiêz, zos hnuz xuz thơưx tsuv uô, taz sik phênhv ntâu tsôngv box Yên Bái uô trơưk jông. Lơưr sâu jênhv ntơưv qar yêz hlâu, qar yêz kruô cux xưk li ntâu qơư muôs hax huv thiêz ciêz nhoz Yên Bái, phênhv ntâu lênhx tưs cux chox đeiv bos kror ndâux y tế, đeiv ntâuz bos kror ndâux. Thâuv tâu nus, lênhx tưs cux thôngx ziv lok cui tênhv yiêz no. Niêv lâuk Nguyễn Phương Thảo, nhoz thành phố Yên Bái, tỉnh Yên Bái heik: “Cur pov cui tênhv no lok six zuôr trâus, viv paz cxuô lênhx nênhs tâu taz por thiêz txu gris qênhx shênhx moz siz cik. Cur cux xưk li ntâu lênhx nênhs txơưr nhoz Yên Bái mak tưz uô jông hâux lưv chox đeiv bos kror ndâux uô ntêx thâuv muôx cui tênhv no. Heik cxuô thâuv muôx moz huôv xênhz ntơưv Việt Nam cur puôr lênhx chox đeiv bos kror ndâux thâuv tơưv mul đrâuv jôngr”./.

(Thừa Xuân- Txâur Vax cxeik nhênhv)

Cui tinhv tsuv chox ntâuz bos kror ndâux thâuv muk trâu têx qơư côngz côngv tâu tsôngv px Sơn La sir jos uô jông trơưk. taz sik, hâur hnuz xuz thơưx uô lơưr cui tinhv no, tsi tsơưs lênhx tsênhv tsi ndo kaz chox têx ntâuz bos kror ndâux, lar heik zos hâur têx ciêz đrôngs. Ntơưv chor qơư muôx chôngz nênhs li: Tsêr kho moz, qơư tsav yêz, lok sik tsêr nhiêx têx qơư uô hâux lưv, qơư muôs hax huv.....cux tsênhv muôx tsi tsơưs lênhx li heik sâuv, txơưv tiêk pâuz txix hnuz 16/3 cui tinhv sđ tsuv chox ntâuz bos kror ndâux, lok sik tso siêz tsi chox viv chox tsi cav..... Lar heik, muôx têx lênhx tsôngv box nhoz hâur têx jêx jok, hâur xã tsênhv tsi tâu pâuz txos têx li heik no, viv li muk tâus cêr cux tsi chox ntâuz bos kror ndâux. Chox ntâuz bos kror ndâux nhoz têx qơư chôngz nênhs zos iz hâur têx tsưr ziv zuôr trâul txos chiê bax phax tir thêir moz Covid-19 siz cik, tsôngv px sđ tsuv tiz jông uô trơưk./.

(Đắc Thanh-Riê lâux cxeik, nhênhv)

Hnuz đhâu 16/3, ntơưv qơư cêv kuôk Trung đoàn 754 (bộ chỉ huiz quân sự tỉnh Sơn La), Ban chox kriê phax tar moz cô vít 19 tỉnh Sơn La tưz choz 35 lênhx tsôngv box thiêz ntơưr côngz jênhv six hơưv cêv kuôk y tế chêx chôngk trâu têx lênhx tsôngv box no. Tas nro 35 lênhx tsôngv box heik sâuv tâu chox tuôx cêv kuôk chêx chôngk ntơưv Trung đoàn 754 cxôngx hnuz xiêz 2/3 viv mul cxôngx thax tsav muôx moz cô vít 19 huôv xênhz lok. Ntơưv no, têx lênhx tsôngv box tưz tâu taz por qơư nox nhoz lơưr ploz tsênhr đros lênhx nênhs cêv kuôk y tế chêx chôngk. Đhâu coar lik, seiz car, txos nhiv no tas nro 35 lênhx tsôngv box no puôr lênhx muôx jông đas jos, tsi pov trâus moz cô vít 19, viv li tâu tso mul tsêr. Zơưv Nguyễn Ngọc Minh, nhoz tuêv 3, phường Tô Hiệu, thành phố Sơn La, 1 hâur 35 lênhx nênhs tâu cêv kuôk nhiv kruôr tâu tso mul tsêr heik: “Hâur 14 hnuz đhâu, pêz tâu tsoz phưz jông. Cán bộ chiến sĩ thâuv tưs cux taz por tas nro têx zoz qơưx xênhz huôx lơưr cui tênhv trâu pêz. Nhiv no cêv kuôk tiêr, pêz lok six jông siêz, tsi pâuz heik li chas, uô tsâus ntâu txos tas nro cán bộ chiến sĩ nhoz Trung đoàn 754”./.

(Việt Anh-Txâur Vax cxeik nhênhv)

Tas cik hnuz 16/3, Tòa án tỉnh Điện Biên qir tu trôngx plâuz Xênhz Xênhv Shôngx đros chor nênhs uô têx nuv tsi trơưk chei lok sâuv yax kriê, hâuz zâuv luôs lưv tus uô têx zav tsik jông ruôr hiêv txos têz qơưk muôx yưv trâu huyện Mường Nhé, tỉnh Điện Biên hâur kaz shông 2018 txos hâur shôngk shông 2019. Chor nênhs uô cxâuv chêi ntơư muôx 14 lênhx thiêz trâul Viện kiểm sát tỉnh Điện Biên yơưz phơưz têx uô zuôv chiê muôz tik cêr cxâuv lok sâuv: Yax kriê, hâuz zâuv luôs lưv tus đros uô têx hâux lưv tsi trơưk chei chiê tsa iz luz têz qơưk Hmôngz..... Chor nênhs trâul cxâuv heik sâuv li têx hâux lưv uô co zos uô tsi jông trâu XH, uô ruôr hiêv txos têz qơưk VN li chei chox kriê, car têz qơưk tâu hiến pháp cui tinhv. Chor nênhs no muôx txâuk ntâuz ntơưr chiê muôz tik cêr cxâuv uô zuôv chei. Thiêz trôngx plâuz no zuôr tu hâur 3 hnuz, txix hnuz 16-18/3/2020./.

(Vũ Lợi-Riê Lâux cxeik, nhênhv)