Txos six hơưv no, huyện tox siêz Văn Yên, tỉnh Yên Bái tưz bax tiêr cxuô hâux lưv trâu hnuz bâux xêir têiv plor Côx hôiv thiêz têiv plor Hôiv đôngx cxuô cấp ntu 2021-2026. Huyện tưz sir jos kriz uô têx tsưr ziv đros phax tar jông caz moz Covid-19 sâuv thax tsav, taz por phax tar tâu jông caz moz hâur jiês bâux xêir zuôr txos. Zơưv Hà Đức Anh, Chủ tịch UBND huyện Văn Yên, tỉnh Yên Bái puz pâuz: Huyện kriz uô phax tar jông caz moz Covid-19, tsik tso siêz, kriz uô jông ntâu faz tsưr ziv chiê taz por ngaz tuk trâu pêx xênhv, ngaz tuk phax tar caz moz trâu jiês bâux xêir zuôr txos: “Chiê kriz uô jông hâur côngz xưv phax tar caz moz Covid-19, đros uô jông hâux lưv bâux xêir, pêz tưz qênhz shuôk đuô tas nro têx tsưr ziv uô chiê xưv lik tâu zos muôx yưv phiv liv hâur phax, tar caz moz, tsik chiê muôx yưv têx phiv liv lox”./.

(Trịnh Xuân-Lik Thox cxêik nhênhv)

Hâur hnuz 16/5, tỉnh Điện Biên sâu jênhv cxaz 7 lênhx nênhs trâus caz moz SARS Cov-2, chuôz ndê têx lênhx nênhs trâus moz zos 17 lênhx, hâur co muôx 5 lênhx nhoz xã Si Pa Phìn. Li ntơưv txos zar hnuz keix hnuz đhâu, tỉnh Điện Biên tưz sâu jênhv tas nro 20 lênhx nênhs trâus moz Covid-19 (3 lênhx tưz tâu kho jông moz).

Lơưr Tsênhv qơư seiz car moz tỉnh Điện Biên (CDC) li pov cov sei, 7 lênhx nênhs trâus moz yiêz tâu sâu jênhv muôx 2 lênhx nhoz TP Điện Biên Phủ, 5 lênhx nhoz xã Si Pa Phìn. Nhiv no, tas nro 7 lênhx nênhs no tưz tâu xa muk kho moz ntơưv tsêr kho moz Điện Biên Phủ. Ban chox kriê heik tsêr kho moz tror chuv tôngv tso lênhx nênhs, bax chuôz zênhx cxuô zav taz por lơưr cui tênhv chiê tos thiêz kho moz trâu têx lênhx nênhs trâus moz COvid-19 zos têx lênhx nênhs trâus moz tror chuôz ndê hâur têx hnuz zuôr txos. Muôx lênhx coaz txos qênhx shênhx moz Covid-19 huôv xênhz sâuv thax tsav, tỉnh Điện Biên tưz tso 3 lênhx cán bộ, viên chức so hâux lưv viv muôx lênhx coaz txos qênhx shênhx moz huôv xênhz ntơưv xã Si Pa Phìn, Nậm Pồ thiêz tsênhv chêx chôngk tas nro lưx lươngv cêv kuôk, phax tuô moz./.

(Vũ Lợi-Txâur Vax cxeik nhênhv)

 Tỉnh Sơn La tưz hêik pâuz phax tar caz moz ndê trâu thênhv siêz tiv zix thiêz chox kriê têx yêz so tsik thâuv xa kruô muk trâu 19 tỉnh.

Tỉnh tưz bax tsưr ziv cxax yuôx vắc xin phax tar caz moz Covid-19 jiês 2; chox kriê têx taz viv y têr cxaz nzir nênhs trâus têx qơư sêiz jor njuôk shuôk caz moz Covid-19, tiv zix zos ntơưv qơư sêiz jor Vân Hồ. Thôngx cxix hêik Sở Zoz thôngz Vận tải tỉnh Sơn La chox kriê cxuô taz viv tso tsês tsik thâux xa kruô muk trâu 19 tỉnh, hâur co muôx: Nghệ An, Hà Tĩnh, Thanh Hóa, Hải Phòng, Quảng Ninh, Lào Cai, Yên Bái, Phú Thọ, Lạng Sơn xav txix iz tas hmo hnuz 15/5. Uô ntêx co, Sở  Zoz thôngz Vận tải tỉnh Sơn La cux tưz tso tơưv công văn số 1296 lok tso tsês tsik thâux xa kruô txix Sơn La muk 2 luz tỉnh muôx nênhs trâus moz Covid-19 zos Hòa Bình thiêz Điện Biên./.

(Trấn Long-Lik Thox cxêik nhênhv)

Đhâu iz ntu tso shux xênhz so ntơưr chiê phax tar moz Covid-19, tỉnh Yên Bái tưz cuiz tênhv tso shux xênhz cxênhx 1, cxênhx 2, cxênhx 3, shux xênhz têx tsêr cơưv Cao Đẳng sâuv thax tsav tỉnh tror muk cơưv ntơưr lok hnuz no 17/5. Tsênhz mênhx, shux xênhz khối lớp 9, lớp 12 têx tsêr cơưv cxênhx 2, cxênhx 3, Tsênhv qơư zaoz zux yax six tỉnh, têx Tsênhv qơư zaoz zux hâux lưv uô- zaoz zux yax six, têx tsênhv qơư trung cấp sâuv thax tsav tỉnh tror muk cơưv ntơưr cxôngx hnuz 17/5, tsuv uô jông Bộ y tế li cui tênhv 5K thiêz têx heik kriê muôx lênhx coaz txos phax tar moz Covid-19.

Đros shux xênhz cxênhx 1, cxênhx 2, cxênhx 3, zaoz zux yax six thiêz shux xênhz têx tsêr cơưv cao đẳng sâuv thax tsav tỉnh thâuv tsưr tsix tror muk cơưv ntơưr chiê qênhz yuôx học kỳ lơưr tsưr ziv cêv kuôk, tsưr ziv thik lơưr yênhx khối lớp cơưv (đros têx shux xênhz tsuv cêv kuôk, thâuv cêv kuôk tas zuôr tsưr tsix thik tov kaz). Thâuv thik tas, shux xênhz cơưv trực tuyến ntơưv tsêr txos thâuv suôv câuv tsaz yênhx shông cơưv 2020-2021 chiê phax tar moz covid-19.

Đros zaoz zux cxênhx mê nhuôs zâu mak suôv câuv shông cơưv cxôngx hnuz 17/5./.

(Thừa Xuân-Txâur Vax cxeik nhênhv)