Zar hnuz keix hnuz 16/8, ntơưv Hội trưởng Công an tỉnh, UB tỉnh Lào Cai tsưr tsix phêv ziv njiz njêx muôs, kruôk têx lênhx nênhs jông hâur phongz yaox “ Tas nro tsôngv box por vêv txiv ngaz têz qơưk” ntu 2013-2018.

Hâur 5 shôngk đhâu, têx lênhx nênhs jông tưz phuôx huiz pưs txux zos lênhx nênhs uô ntêx nyuôk hâur cxuô côngz xưv phongz yaox “ tas nro tsôngv box por vêv txiv ngaz têz qơưk” nhoz cơ sở. Thôngz đhâu côngz xưv cxiv tsa, tsôngv box tưz gôngr phênhv hlôngr yiêz cxix luôk chinhr trị nhoz cơ sở ; chuôz tsar cêr coaz siv hâur tsôgnv box thiêz chinhr quyênx, chiê pâuz thiêz car chêx txos qơư têx vênhv thix muôx yưv hâur luz nênhx, muôz siêz chêx cuk côngz xưv vênhv tôngv tsôngv box cxaz chuôz por vêv txiv ngaz têz qơưk./.

(KT- Txâur Vax cxeik nhênhv)

Tiv phiv liv txix coz chuô số 4, txix hmo 15/8 txos têis cik sơưr nzor 16/8, tỉnh Điện Biên muôx ntux nas sâuv thax tsav đar uô 4 luz tsêr ntơưv xar Hua Thanh, huyện Điện Biên trâus ar poz lok cxuz, tsuv txar sêi đrơưv muk trâu qơư ngaz tuk đuô.

Thiếu tá Trần Anh Tuấn, chính trị viên Đônx pênhz phax Mường Pồn puz pâuz: đhâu ciês thâuv jênhv tâu xor mông iz cxiê luz tsêr sâuv thax tsav trâus ar poz lok cxuz, taz viv tưz sêi đrơưv sik côngv đros chính quyền tiv phaz paz njêis txar cxuô zav muk trâu qơư ngaz tuk đuô. Thiếu tá Trần Anh Tuấn hêik:

“Ciês luz tsêr nhoz cur đraz kâuv no đhâu iz hmo ntux lok nas lox tưz muôx xưz poz, ar zuôr poz lok cxuz thâuv tưs cux tsik pâuz. Viv li têis cik no pêz tưz sêiz lax đros cấp ủy, chính quyền tiv phaz huiz tôngv lưx lươngv dân quân xã sik côngv đros chor lưx lươngv hâur taz viv tuôx paz thiêz txos nhiv no mak cux tưz njêis yêv cxuô zav muk trâu qơư truôx tuk đuô. Thiêz thax tsav txos nhiv no tsik tâu muôx trâus hiêv lok lênhx nênhs”./.

(Vũ Lợi-Lik Thox cxêik nhênhv)

Lol nas ntêr cxôngx hmo 15/8 txos zar tar su hnuz 16/8 ntơưv ntâu tiv phaz nhoz tỉnh Sơn La tưz trâus zênhr shar lox txos hâux lưv tsiv uô xênhz yar thiêz tsôngv box li luz nênhx. Ntơưv xã Tông Lạnh, huyện Thuận Châu, ntux lol nas ntâu uô 30 hecta ntâu liêx trâus đêx ngaz; hâur co muôx 12 hecta khưx phưx tsi tâu, 8 hecta pas njês trâus đêx cuôr yôngz; 3 chuôz zis li tsêr nhoz trâus zênhr shar. Ciês hâur hnuz co, chinhr quyênx xã Tông Lạnh tưz huiz tôngv cxuô lưx lươngv mul paz tsôngv box khưx phưx têx trâus ruôr hiêv. Lol nas lox cux uô tốngv box mul lol njiz ntâu phêv liv. Thâuv zar hnuz keix hnuz 16/8, iz luz yêz ô tô teiv gra biển 29C.541.21 tsênhv mul sâuv niêv cêr 6 ntu đơưv Mường Hồng, huyện Mai Sơn, tỉnh Sơn La bluô thiêz đrâu trâu ntơưv lax caz their cêr. Môngr jông nênhs tsar yêz tsi uô li chas, taz sik txiêz nanv no cux uô zaoz thôngz mul lol tsi tâu hâur ntâu six hơưv./.

(Thu Thùy-Txâur Vax cxeik nhênhv)

Đhâu 12 hnuz muk lok tsik tâu, zar hnuz kêix 15/8, qơư ar poz ntơưv cêik cêr 34+210, txos cêr 279D thax tsav xar Chiềng Lao, huyện Mường La, tỉnh Sơn La tưz tâu khưx phưx; têx yêz zuôr muk lok đhâu tâu.

Zơưv Phạm Hồng Tuyến, Giám đốc Công ty cổ phân sêiz car cxiv tsa zoz thôngz I tỉnh Sơn La-taz viv tâu choz zok taz por zoz thôngz sâuv ntu cêr no puz pâuz: Tiv chor ar poz jêz poz lok hâur cêr lok six ntâu, txix siêz zuôr xar 7 thiêr thiêz ntêr 150 thiêr, qơư poz cux phiv liv, viv li hâux lưv khưx phưx, taz por zoz thôngz ntơưv kror qơư no hax zav phiv liv đuô. Taz sik, đhâu 12 hnuz sir jos, tas nro têx ar, poz jêz poz co tưz tâu thoz huk thôngz, têx yêz txix Sơn La muk chor tỉnh Lai Châu, Lào Cai tưz muk lok tâu đhâu ntơưv ntu cêr no./.

(Thu Thùy-Lik Thox cxêik nhênhv)