10 cxênhz 800 lênhx muôx côngz trâu têz qơưs hâur thax tsav, zuôr tâu têz qơưs muôz nhiêx paz cxiv uô tsêr nhoz hâur shông no. Ntơư zos iz luôs hâux lưv zov chênhr tưz tâu hâu nov tỉnh Sơn La hêik  ntơưv hội nghị “Fuô uô luôs hâux lưv paz cxiv uô tsêr trâu chor nênhs muôx côngz trâu têz qơưs nhoz”, zos uỷ ban tỉnh tsưr tsix cơưv trâu hnuz 17/1. Ntơưv jiês cơưv no, cxuô lênhx đại biểu cux sik thav lok uỷ ban tỉnh luôs hâux lưv paz cxiv uô tsêr trâu chor nênhs muôx côngz têz qơưs hâur thax tsav shông 2018. Njuôk xav, hâur shông, zuôr sir jos cxiv uô cov tâu 10.800 luz tsêr trâu chor nênhs muôx côngz têz qơưs; hâur ntơư, cxiv uô yiêz 3.700 luz tsêr; 7.100 luz zos tror cxiv kho đuô./.

                                                       (Tsu cxêik nhênhv-Hoàng Long)

Qênhx shênhx nênhs phamv cxâuv muôv muôs lênhx nênhs sâuv thax tsav tỉnh Điện Biên tror phưx txuôx thiêz chuôz ndê, tiv zix zos ntơưv thax tsav tox siêz, thax tsav tsôngv box mênhx cxưx tsơưs nênhs nhoz uô nênhx nhoz têx huyện: Mường Chà, Điện Biên Đông, Mường Nhé, Nậm Pồ, thị xã Mường Lay....Hâur shông 2017 nhiv kruôr đhâu, têx lưx lươngv muôx txơưx jênhv tưz pov thiêz krêz tik cêr cxâuv 15 txuz muôv muôs pox niêv, mê nhuôs zâu; muôx 32 lênhx nênhs phamv cxâuv, 23 lênhx nênhs trâus chox mul muôv muôs. Đại tá Lê Công Bính, Phưv giám đốc Công an tỉnh Điện Biên puz pâu:

“ Cur xar mak iz hâur têx qir tiv uô nênhs phamv cxâuv muôv muôs lênhx nênhs ziv phưx txuôx zos tiv tsôngv box li jênhv pâuz. Chênhr viv li, hâux lưv yax mông lok cêr chei chiê muôz siêz jênhv pâuz trâu tsôngv box têx mênhx cxưx zos lok six coaz tsôngv. Cur xar no zos tsưr ziv cuiz tênhv”./.

( Thu Thùy-Txâur Vax cxeik nhênhv)

Têis cik hnuz 17/1, ntơưv jos Sảng Phìn tưz muôx yưv iz txuz uô hluôr tơưk cuz tsêr, Uô trâu Tix lâus Hạng A Chảng xênhz shông 1982, nhoz xã Sà Dề Phìn, huyện Sìn Hồ, cxuô chuôz zênhx chuôz tav, blêx, poz cưk hâur tix chuôz zis trâus cuz hnhiêz puôk tsuôx tas hur tiz si. Qir tiv uô hluôr tơưk txêik cuz tsêr, zos xor tênhv tênhz cuz chis txêik trâu luz tsêr. Zơưv Nzơưs x shôngx, chủ tịch uỷ ban xã Sà Dề phìn hêik pâuz tiêk: Tix lâus Chảng chuôz zis zos iz chuôz zis pluôs, tsêr trâus cuz hnhiêz tas cux tsênhv zuôr trâus njiz cêr txov nhêv đuô. Chênhr zos li hêik ntơư, uỷ ban xã tưz muôz mê njik quiv nhiêx pluôs hâur xã paz zuôr iz cxiê chuôz zênhx chuôz zis sir zôngv uô ntêx thiêz xã cux muôx luk yax kriê côngv thôngx sđ đros côngv paz zơưv Chảng chuôz zis cov muk đhâu têx cêr txov nhêv hêik sâu, nzor muôx luz nênhx truôx tuk./.

                                                    (Tsu cxêik nhênhv-Khắc Kiên)

Nhiv kruôr đhâu, Tuêv côngz xưv Công an huyện Mù Cang Chải, tỉnh Yên Bái tưz ntês tâu iz lênhx nênhs muôv muôs zax zênhz ntơưv thax tsav tuêv 3, thị trấn Mù Cang Chải, tỉnh Yên Bái; sâu tâu 1 đeiv zênhz đơưz. Lênhx nênhs co zos Mùa A Tu, xênhz shông 1986, nhoz jos Háng Sung, xã Mồ Dề, huyện Mù Cang Chải. Đhâu qênhz yuôx, Mùa A Tu jênhv zuôr chor zax zênhz cxôngx iz lênhx nênhs tâu pâuz bê nhoz Ngã Ba Kim ( huyện Mù Cang Chải) đros chor nhiêx zos 30 tsov đeiv chiê chox mul muôs. Nhiv no hâux lưv no tsênhv tâu Công an huyện Mù Cang Chải tror qênhz yuôx uô tsênhz mênhx./.

( Đinh Tuấn- Txâur Vax cxeik nhênhv)