Hâur hnuz nhôngs nhiv kruôr đhâu tsik ntêr no, Đoanx đại biểu hội đôngx tỉnh, zos zơưv Bùi Từ Thiện-uỷ viên Ban Thường vụ tỉnh uỷ, phó chủ tịch hội đôngx tỉnh Lai Châu, uô thơưx chox đoanx muk njiz cử tri xã Tà Hừa, Pha Mu, huyện Than Uyên, tỉnh lai Châu. Ntơưv cxuô jiês njiz cử tri no, Đoanx đại biểu Hội đôngx tỉnh tưz hêik trâu cxuô lênhx cử tri pâuz lok luôs hâux lưv hâur jiês cơưv tiv 6, hội đôngx tỉnh, ntu 2016-2021. Zơưv Vương Thế Mẫn-phó chủ tịch Hội đôngx huyện Than Uyên tưz têz cử tri têx luk nus thiêz iz cxiê njiêz luk cử tri nus, Đoanx đại biểu zuôr hêik trâu hâu nov thênhv siêz chiê uô cov huv đros thiêz muôx liv trâu cử tri sđ./.

                                                                   (Tsu Vưx cxêik nhênhv-KT)

         Txos tas cik hnuz 17/10 19.000 ntâu ziv chuôz zis nhoz 21 xã thiêz thị trấn huyện Phù Yên, tỉnh Sơn La tưz tror tâu cungz tênhv tênhz sir zôngv, gôngr phênhv ngaz tul xênhz huôx thiêz luz nênhx trâu tsôngv box, cux xưk li krêz uô côngz xưv khưx phưx têx trâus ruôr hiêv ntơưv tiv phaz. Jiês ntux nas hâur 2 hnuz xiêz 10 thiêz 11/10 tưz uô ruôr hiêv hnhar txos cxix luôk tênhv tênhz nhoz Phù yên, njuôs xav ruôr hiêv lok kinh têr zuôr xar 6 tỷ đeiv. Nhiv no, 6 xã trâus mul tsi tâu kror tưs zos Mường Bang, Suối Tọ, Sập Xa, Suối Bau, Tường Tiến thiêz Tường Phong li cxix luôk tênhv tênhz tsi tâu tâu khưx phưx tâu. Tênhv jos Phù yên tsênhv krêz uô côngz xưv seiz shuôk, nzor muôx tsưr ziv khưx phưx chiê ngaz tul luz nênhx xênhz huôx thiêz uô xênhz yar trâu tsôngv box./.

(H.Việt-Txâur Vax cxeik nhênhv)

         Tuz lênhv Biên phôngx tỉnh Laox cai tưz đros tuz lênhv Biên phôngx Trung Quốc paz chơưv tâu oz lênhx nxêik chox tror lok đros chuôz zis huôv tsar cêr uô nênhx nhoz. Oz lênhx nxêik ntơư zos Giàng Huấn P, hêir nênhs Phù Lá, xênhz shông 2001, nhoz huyện Bắc Hà, tỉnh laox cai thiêz Vàng Thị H, hêir nênhs Nùng, xênhz shông 1996, nhoz đrôngl Mường Khương, tỉnh laox cai. Đhâu qênhz yuôx, yơưz phơưz,  lực lươngx công an tưz cxov tâu 3 lênhx, xav zos hâuz nziêk đas lênhx nênhs chox muk muôs trâu oz chas têz qơưs. Ntơư zos Cư Seo Trang, xênhz shông 1990, nhoz huyện Xi Ma Cai; Ma Seo Sàng, xênhz shông 1993, nhoz huyện Mường Khương; Giàng Thị Tùng, xênhz shông 1988, nhoz huyện Bắc Hà, 3 lênhx hêik ntơư puôr lênhx zos nhoz tỉnh laox Cai. Nhiv no, cơ quan muôx vax huôv tsênhv taz tov qênhz yuôx thiêz uô cov cxix cxuô ntâuz ntơư chiê muôz 3 lênhx nhiês nênhs muôs hêik sâu tik cêr cxâuv cov zos đrêiv chêi têz qơưs tso tơưv./.

                                                      (Tsu Vưx cxêik nhênhv-An Kiên)

         Công an huyện Mường Ảng, tỉnh Điện Biên nhiv kruôr ruôr yênhx côngz chuyên án zax zênhz số MS1991, ntês tâu 2 lênhx nênhs muôv muôs zax zênhz. Ntơưv chiz coaz công an, 2 lênhx nênhs tâu xav jênhv zos Phôngx Xênhv Vưx xênhz shông 1995, nhoz jos Huổi Hương, xã Mường Nhà, huyện Điện Biên, tỉnh Điện Biên thiêz Suôr Xênhv Muôs xênhz shông 1991 nhoz jos Nà Nếnh B, xã Pú Hồng, huyện Điện Biên Đông, tỉnh Điện Biên. Đhâu seiz shuôk, lưx lươngv muôx txơưx jênhv sâu tâu 20 hnaz njuôz ntiv 4 cxênhz njiêr zax zênhz, 3 luz điện thoại tuôr tês thiêz iz cxiê chuôz zênhx muôx lênhx coaz. Qir thơưx 2 lênhx nênhs no jênhv zuôr chor zax zênhz ntơưv ntus đriv, tsênhv chox mul muôs txơưv trâus ntês cxov. Nhiv no chuyên án tsênhv tâu công an huyện Mường Ảng tror krêz đar tơưv txênhz ./.

(CTV- Txâur Vax cxeik, nhênhv)