Tror muôx têx chuô txiêk uô ruôr hiêv txos, têx thax tsav hâur tỉnh Yên Bái zuôr lok nas trâu iz cxiê suôv qơư, ntux no njiv, muôx têx jiês nhoz thax tsav tox siêz zuôr lol đâuk tê. Chiê por hưv 650 cxênhz ntâu tus tsiêx lox đros trâu yênhx tsov tus keiz ok, cxuô thax tsav qơư hâur tỉnh Yên Bái tưz heik tsôngv px sđ sox seiz njôngr ntux txơưr txar thiêz bax fuô uô  têx tsưr ziv phax tar no njiv trâu tsiêx cxu. Zơưv Zax Xênhv Vax, Chủ tịch Ủy ban xã Túc Đán, huyện Trạm Tấu, tỉnh Yên Bái heik pâuz:

“Têx hnuz ntux no njiv hênhr, pêz chox kriê tsôngv px sđ tsi tso têx tsiêx muk nox jâuz pêv yar thiêz chaz têx nhux tưv lok khi lêis tâux puz. Canr bôv xã muk têx jêx jok yax kriê, heik tsôngv cưr tix nênhx tsa cov xor thêir ntov têx qơư tsiêx nhoz tsi chiê chuô txiêk yâu thiêz nzaz nzơưv têx jâuz tâux kruôr, kuôr blêx uz no....muôz trâu tsiêx nox”./.

(Thừa Xuân-Riê Lâux cxeik, nhênhv)

Công an tỉnh Lai Châu nhiv kruôr hênhr kruôk, khơưk kruôk trâu tập thể, tiz nênhs uô tâu hâux lưv jông hâur tir tar 2 chuyên án zax zênhz, cxov tâu 3 lênhx nênhs, sâu tsês 6,5 cir zax zênhz thiêz 6.000 njiêr yuôx shơư zax zênhz. Đại tá Phạm Hải Đăng, Phưv giám đốc Công an tỉnh Lai châu puz pâuz, no zos hâux lưv uô tâu jông hâur jiês sơưr tơưv txênhz tir tar chor nênhs phamv cxâuv, tuôr truôx ngaz tuk, por vêv Đại hôiv Đảng tas nro têz qơưk jiês tiv 13 thiêz tsiêz têz qơưs shông 2021. Hâur ntu zuôr txos, Công an Lai Châu tror chox kriê lưx lươngv sik côngv tsav txênhz đros chor nênhs phamv cxâuv, sir jos tir tar tsik chiê chor nênhs phamv cxâuv khiêr điv, tiv zix zos chor nênhs phamv cxâuv lok zax zênhz./.

(Khắc Kiên-Lik Thox cxêik nhênhv)

Đhâu 3 hnuz uô jông hâux lưv zok muôz lok taz por txiv ngaz truôx tuk zoz thôngz phưx vưv Đại hội Đảng tas nro têz qơưk jiês tiv 13 thiêz tsiêz têz qơưk shông 2021, lưv lươngv Cảnh sát zoz thôngz, Công an tỉnh Sơn La qir qênhz yuôx zuôr xar 700 luz yêz muk lol tâus cêr. Đhâu ntơư, tưz xưv bluô 113 lênhx nênhs, hâur co muôx 14 lênhx trâul bluô lok sâuv hâuk chơưr bia uô ntêx thâuv zuôr tsar yêz muk lol tâus cêr, iz lênhx tsar yêz kruô tâu xav zos muôx zax zênhz hâur têx trox nyar đhâu seiz njuôk shuôs đas jos, bluô tâu 160 tsov đeiv nhiêx trâu têz qơưk. Trung tá Nguyễn Trung Kiên, Phưv Phongx Cảnh sát zoz thôngz, Công an tỉnh Sơn La heik pâuz:

“Tiv iz zos lưv lươngv Cảnh sát zoz thôngz zuôr sir jos xưv bluô têx lênhx thiêz chor yêz li: Yêz lox thâux xa kruô, yêzmeir thiêz lox thâux hax huv; lar heik zos xưv bluô têx buôk ti uô yêz siz yar siz tsông tâus cêr iz zav tsar yêz muk chênhr, tso yêz muk tsi zos zuk saz cêr, sir zôngv chơưr bia thiêz têx zav cxiz uô muôx zênhk li: Zax zênhz thâuv tsar yêz muk lol tâus cêr. Tiv 2 zos chuôz tsar lênhx nênhs, yêz muk qênhz yuôx shuôs têx cêr muk lol tsi so thiêz hux jos đros têx taz viv muôx vax huôv sơưr tơưv txênhz, tir thêir têx nênhs fêv uô cxâuv chei têz qơưk liv zôngv têx cêr lox chiê uô têx nuv tsi trơưk chei li: Thâux gra, zuôr muôs zax zênhz....”./.

(TTTB-Riê Lâux cxeik, nhênhv)

Văn phòng cơ quan Cảnh sát qênhz yuôx, Công an tỉnh Yên Bái nhiv kruôr cxov tâu Trần Thị Anh Ngọc, zus shông 1975, nhoz ntơưv tôv 2, phường Đồng Tâm, thành phố Yên Bái lok “Liv zôngv siêz njênhs chiê nziêk đas zuôr nhiêx txiêx cxuô zav”. Zos cán bộ Tsênhv qơư huôv tsar cuiv ar tỉnh Yên Bái, Ngọc tưz hêik trâu iz cxiê lênhx nênhs nhoz huyện Yên Bình (tỉnh Yên Bái) thiêz thành phố Lai Châu (tỉnh Lai Châu) tiêk tsênhv muôx iz chor ar zuôr xar muôs; thôngx cxix cux zuôr paz zuôr iz cxiê ar ntơưv qơư đô thị tôv 6, thị trấn Yên Bình, huyện Yên Bình. Ngọc tưz txêik chor nênhs no têx nhiêx muôz uô ntêx zos 6 tiv đêiv ntâu, taz sik đhâu co, Ngọc cux zênhx zuôr tsik tâu iz kror ar tưs hlo thiêz cux tsik pov muôz chor nhiêx co tror trâu sơưr đơưk. Muôx iz cxiê ar Ngọc tưz txêik iz cxiê lênhx nênhs  têx nhiêx uô ntêx, taz sik ho tror muôz muôs trâu têx nênhs txơưr đuô…/.

(Đinh Tuấn-Lik Thox cxêik nhênhv)