Công an tỉnh Điện Biên hêik pâuz, nhiv kruôr ntêk cxov tâu nzir 3 lênhx nênhs fêv tâu xav zos cik txos txuz tuô lênhx nxêik cao Mỹ Duyên nhoz đội 5, Xã Thanh Hưng, huyện Điện Biên, xav hur si chor nênhs fêv cik txos txuz tuô lênhx nxêik  Cao Mỹ Duyên zos 5 lênhx. 3 lênhx nênhs fêv nhiv kruôr trâus ntêk cxov tâu zos Phạm văn Nhiệm, xênhz shông 1972, ; Lường Văn Lả tsik tâu pâuz tsênhz hnuz xênhz zus, puôr lênhx nhoz uô cê đội 16, xã Thanh Nưa, huyện Điện Biên; Lường Văn Hùng, nhoz xã Hua Thanh, huyện Điện Biên, tỉnh Điện Biên.

5 lênhx nênhs fêv hêik ntơư puôr lênhx zos chor nênhs muôx zênhk zax zênhz thiêz tưz traus tik ntâu cêr cxâuv. Nhiv no công an tỉnh Điện Biên tsênhv taz tov qênhz yuôx uô cov tsênhz mênhx, chiê muôz chor nênhs fêv no tik cêr cxâuv cov zos đrêiv chêi têz qơưs tso tơưv./.

                                                     (Tsu cxeik nhênhv-BTS)

Hnuz 17/2, lok lơưk, chuô lox pov muôx yưv nhoz ntâu tiv phaz hâur tỉnh Lào Cai. Tsênhz mênhx, ntơưv huyện Sa Pa, lok lơưk đros lok nas lox thiêz chuô lox ntơưv têx xã Tả van, Tả Giàng Phình thiêz thax tsav tsôngv box nhoz Ô Quý Hồ ( thị trấn Sa Pa). ntơưv têx phường Kim Tân, Bắc Cường- đrôngs Lào Cai cux pov muôx lok lơưk hâur iz ntu. Đrâuv co, ntơưv xã Y Tý ( huyện Bát Xát) pov muôx chuô lox ntêr 15 phênhz uô iz pưv phênhv tsôngv box trâus zênhr shar. No zos jiês xuz thơưx pov lok lơưk đros chuô lox li ntơưv ntơưv têx tiv phaz nhoz Lào Cai hâur shông 2019. Uô ntêx, chiz coaz muôx txơưx jênhv tiv phaz tsênhv ciêr chênhr thôngz sâu têx trâus ruôr hiêv đhâu jiês lok lơưk thiêz chuô lox no./.

( An Kiên- Txâur Vax cxeik nhênhv)

Hnuz 17/2, sâuv thax tsav iz xã tox siêz, huyện Tam Đường thiêz thax tsav đrôngl lai Châu tưz muôx yưv iz coz nas lok shơư lơưs, uô puôk tsuôx tas ntâu tsoz chos. Đros trâu ntux lok nas shơư lơưs thiêz muôx chuô yơưx uô ntâu tsoz txir ntông trâus lor trâus đav thiêz iz cxiê tsêr vor vuôk pờ rô xi măng trâus zơưk, trâus tơưs puôk tsuôx tas./.

  (Tsu cxêik nhênhv-Khắc Kiên)

Ntơưv xã Púng Luông thiêz iz cxiê thax tsav huyện Mù Cang chải, tỉnh Yên Bái tưz pov muôx ntux lok lơưk uô zênhr shar txos tsôngv box luz nênhx. Lơưr zơưv Vàng Bua Tủa, chủ tịch UB xã Púng Luông mak ntux lok lơưk tsi uô zênhr shar ntâu txos tsôngv box luz nênhx taz sik chuô lox tưz uô 14 luz tsêr nhoz jos 4 trâus zơưk trur. Xã tưz mul qênhz yuôx, thôngz sâu têx trâus ruôr hiêv, chox kriê tsôngv box kho đuô vax tsêr, ngaz tul luz nênhx. Lơưr tsôngv box tiv phaz, lok nas, chuô lox đros lok lơưk cux tưz uô hiêv txos tsôngv box li iz cxiê mênhv chêx jâuz tâuv cxuô zav./.

(Đinh Tuấn- Txâur Vax cxeik nhênhv)