Uô trơưk uỷ ban Thường vụ Quốc hội Nghị quyết, txix hnuz xiêz 1/3, tỉnh Laox cai zuôr muôx 9 đơn vị hành chính cấp huyện, 152 đơn vị hành chính cấp xã, phươngx. Tỉnh Laox Cai tưz hêik cxuô huyện, thành phố tsuv chox car uô truox cxuô luôs hâux lưv hêik sâu chiê hêik kriê lok cxuô njiêz luk, quy tênhv ntơưv Trung ương cov txos trâu tsôngv px thiêz cán bộ, tuz lênhv hâur hur si tỉnh pâuz thiêz tsuv uô cov tâu tiêr uo ntêx hnuz xiêz 1/3.

  Luôs hâux lưv njuôk hov cêx ciêv ntus đriv ntơưv chor huyện li: Bảo Thắng, Bát Xát thiêz đrôngl Laox cai tsuv nzor njuôk hov uô cov tâu tsênhz mênhx./.

                                                   (Tsu cxêik nhênhv-Thanh Thuỷ -Thào Ly)

Têx hnuz hâur shôngk shông yiêz, huôk njôngr six hơưv, têx hnuz ntux yar, tsôngv px hâur thax tsav huyện Điện Biên (tỉnh Điện Biên) tưz zênhx max uô têx hâux lưv tsêz chos kôngz, tu têx blêx thiêz jâuz tâuv chiv ntux tsâus yiêz. Shông no, huyện Điện Biên tsêz chos 4.800 ha ntâu blêx. Trơưk li pos Nguyễn Thị huyền, Phưv Tsar Phongx Kôngz nuv thiêz huôv tsar tox siêz huyện Điện Biên: Chiê chiv kôngz ntux tsâus yiêz shông 2020 uô tâu trơưk tsưr ziv thiêz sâu tâu nju, ngênhx kôngz nuv huyện Điện Biên cux tưz bax tsưr ziv nhênhz chơưv trâu cxuô cấp sir zôngv pênhr muôz uô têx liêx têz chos blêx; iz chas ntơư fuô uô tsưr ziv “Đras liêx tsêz chos iz zav nôngz blêx”, uô trơưk têx tsưr ziv yiêz hâur huôv tsar uô blêx sâuv têx đras liêx lox nhoz thax tsav đrak Mường Thanh./.

(Vũ Lợi-Riê Lâux cxeik, nhênhv)

Zar hnuz kêix hnuz 17/2, Đại sứ hlôngr njêx muôs cxuô têz qơưs Bắc Âu ntơưv VN zos: Phần lan, Đan Mạch, Na Uy, Thuỵ Điển tưz tuôx sêiz shuôk thiêz uô hâux lưv trâu ntơưv tỉnh Sơn La. Hâur jiês njiz uô hâux lưv no, zơưv Hoàng Quốc Khánh, chủ tịch uỷ Ban tỉnh Sơn La tưz jông siêz thiêz shir phaz lul tok Đại sứ hlôngr njêx muôs cxuô têz qơưs Bắc Âu tuôx sêiz shuôk thiêz uô hâux lưv txos trâu Sơn La thiêz zơưv Khánh chur tịch tỉnh Sơn la cux hêik lok luôs hâux lưv huov tsar kinh tế xã hội-huôv tsar du lix hauar thax tsav tỉnh Sơn La trâu cxuô lênhx Đại sứ pâuz. Đhâu ntơư, cxuô lênhx Đại sứ hlôngr njêx muôs cxuô têz qơưs Phần lan, Đan Mạch, Na Uy, Thuỵ Điển ntơưv VN cux xar zok nriêr cxuô thax tsav qơư huôv tsar cêr uô nox nhoz Sơn La đros trâu luôs hâux lưv uô tir thêir nênhs fêv zuôr muôs zax zênhz, têx nênhs fêv hâuz nziêk đas lênhx nênhs muôs thiêz cxuô faz tsưr ziv tir thêir tsik chiê ntux têz uô ruôr hiêv ntơưv tỉnh Sơn La./.

(Tsu cxêik nhênhv-Đắc Thanh -Thào Ly)

Caz moz corona lok zos Covid-19 tsênhv huôv xênhz ntơưv Trung Quốc thiêz zôngx ziv siz cik tâu lok hâur VN đhâu ntâu tỉnh ntus đriv, hâur co muôx Lai Châu. Nhoz thax tsav ntus đriv, têx tuz lênhv pênhz phax tsênhv hux jos đros lưv lươngv muôx vax huôv sir jos uô cxuô faz tsưr ziv qênhz yuôx shuôs jông têx cêr mê, cêr lus mul lok đhâu, trôngx đriv chiê phax tir thêir moz. Iz chas sir jos uô luôs hâux lưv yax kriê, têx ntâuz bos kror ndâux y tế cux tsênhv tâu muôz xa muk puz, txos trâu tsôngv px nhoz ntus đriv. Đại úy Phạm Tuân, Chính trị viên Phưv Zênhx pênhz phax Trôngx đriv Ma Lù Thàng, huyện Phong Thổ, tỉnh Lai Châu heik pâuz:

“Hâur ntu muôx moz huôv xênhz phiv liv mak px zuôr têx ntâuz bos kror ndâux njiz trâus lok six ntâu phiv liv. Zênhx pênhz phax trôngx đriv Ma Lù Thàng, pêz tưz muôz têx ntâuz bos kror ndâux tsi zuôr nhiêx puz trâu tsôngv px; chiê paz sik pheiz kênh iz phênhv tưs têx phiv liv đros px hâur phax tir thêir moz gênhs”./.

(Khắc Kiên-Riê Lâux cxeik, nhênhv)