Uô UB tỉnh Sơn La li tsưr ziv lok hâux lưv tos shux xênhz Lào tror tuôx cơưv ntơưr ntơưv têx tsêr cơưv Đại học, Cao đẳng sâuv thax tsav tỉnh, hnuz 17/6 ntơưv trôngx đriv Chiềng Khương (huyện Sông Mã, tỉnh Sơn La), Zênhx pênhz phax trôngx đriv Chiềng Khương nhoz Bộ đội pênhz phax tỉnh Sơn La sik côgnv đros têx lưx lươngv muôx txơưx jênhv tưz tsưr tsix tos, uô ntâuz ntơưr trâu 342 lênhx shux xênhz 3 tỉnh nhoz têz qơưk Lào li Hủa Phăn, Xiêng Khoảng, Xay Sổm Bun. Côngz xưv tos jênhv, qênhz yuôx y tế tâu uô jông, trơưk têx cui tênhv lok phax tar moz Covid-19./.

(CTV TB- Txâur Vax cxeik nhênhv)

Têx shông đhâu, hâux lưv uô miến lok zos cuz thaz kruôr nhoz xar Bình Lư, huyện Tam Đường, tỉnh Lai Châu tưz paz muôx hâux lưv uô thiêz phênhv sâu truôx, paz txo grêk tsơưs chor chuôz zis pluôs, jux juk gra siêz luz nênhx trâu pêx xênhv. Nhiv no Bình Lư muôx 35 ha têx kok tsơưz đros xar muôx 125 ziv chuôz zis chos thiêz zuôr xar 80 ziv chuôz zis uô têx cuz thaz kruôr no. Iz shông, tas nro xar muôs tâu muôx 170 tấn cuz thaz kruôr đros gri zos 45.000-50.000 đêiv iz cir, sâu tâu lok muôx 7 tiv đêiv ntâu. Khov co, pêx xênhv hâur xar li phênhv sâu tâu truôx tuk, luz nênhx ziv hnuz ziv tâu hlôngr yiêz ntâu./.

(DTMN-Lik Thox cxêik nhênhv)

Nhiv kruôr đhâu, ntơưv huyện Thuận Châu, tỉnh Sơn La tưz muôx yưv iz txuz trâus tưx tiv nox caz trâuk uô 19 lênhx nênhs tsuv muk tsêr kho moz chơưv kho tiv pov moz plaz, ntuôr ntâu, tơưv trôngx, ruôr hiêv txos siêz. Nhiv no têx lênhx nênhs no đas jos tưz ngaz tul, zơưv Cầm Kiên nhoz jos Khiêng, xã Mường Khiêng, huyện Thuận Châu puz pâuz: Uô ntêx co, muôx tas nro 19 lênhx nênhs đros nhoz jos Khiêng zos cưr tix nênhx tsa sik paz max muk uô liêx, tưz ntês caz trâuk lok uô nox, txos tas cik hnuz tov kaz txơưv muôx têx moz yưv li heik sâuv./.

(Thanh Thủy- Txâur Vax cxeik nhênhv)

Têis cik 17/6, ntơưv tỉnh Điện Biên, Tóa án thênhv siêz ntơưv Hà Nội tưz hêik pâuz têx cêr cxâuv hâur txuz án uô hiêv txos lênhx nhuôs nxêik Cao Mỹ Duyên nhiv kruôr đhâu. Hội đồng xết xử tuôr truôx jông kror cxâuv hâur jiês xết xử sơ thẩm, 6 lênhx nênhs tsuv tuô por tsês đros chor nênhs: Vì Văn Toán; Bùi Văn Công; Vương Văn Hùng; Phạm Văn Nhiệm; Lường Văn Hùng; Lường Văn Lả. Xưv bluô Phạm Văn Dũng 10 shông nhoz tux lok kror cxâuv muôz lênhx nxêik co zuôv uô đaz uô tuôs, six hơưv nhoz tux xav txix thâuv trâus cxov. Xưv bluô Cầm Văn Chương 9 shông nhoz tux lok kror cxâuv zuôv lênhx nênhs uô đaz uô tuôx, six hơưv nhoz tux xav txix thâuv trâus cxov. Xưv bluô Bùi Thị Kim Thu 3 shông nhoz tux lok kror cxâuv tsik hêik pâuz, pênhr chor nênhs uô cxâuv./.

(Vũ Lợi-Lik Thox cxêik nhênhv)