Xav tinhv tsênhz mênhx tsưr ziv cxiv tsa jêx jok yiêz zos têx jông thiêz muôx liv lok chính trị XH, lar heik zos ntơưv thax tsav ntus đriv, six hơưv đhâu, tỉnh Điện Biên tưz moz siêz txos chox car, chox kriê uô lơưr jông Thủ tướng Chính phủ Quyết tinhv số 1573 hnuz xiêz 9/8/2016 thôngz đhâu đêx anr cxiv tsa jêx jok yiêz thax tsav tsôngv box heir nênhs tsơưs nhoz ntus đriv  tỉnh Điện Biên, chiê huôv tsar kinh tế-XH thiêz taz por txiv ngaz, côx phax ntu 2016-2020. Iz chas ntơư, Điện Biên tưz cxơưz tiês yax kriê paz cấp ủy, hâu nov ntơưv qơư thiêz tsôngv box cxuô heir nênhs pâuz tâu hâux lưv cxiv tsa jêx jok yiêz li tsưr ziv, zoz qơưx thiêz têx jông, muôx liv./.

(KT-Riê Lâux cxeik, nhênhv)

Quiv chơưv paz px tỉnh Sơn la nhiv no tưz muôx nzir 44 tỷ 700 triệu đêiv nhiêx. Txix quiv nhiêx no, hâur 5 shông đhâu, cxuô cấp hội tưz muôz trâu 1.400 chuôz zis kir txêik huôv tsar uô kôngz lôngk, huôv tsar cêr uô nox; đhâu kir txêik têx pênhr nhiêx hêik ntơư, tsôngv px tưz cxiv uô tâu 200 ntâu thax tsav qơư huôv tsar cêr uô nox. Đhâu ntơư, cxuô chuôz zis tâu kir txêik têx pênhr nhiêx heik sâu tưz pov muôx luz nênhx hlôngr yiêz jux juk; paz pênhv uô tiêr luôs hâux lưv bcxiv tsa jêx jos yiêz.

Đhâu hâur niêx shông, cxuô dự án tưz fuô uô, muôz têx pênhr nhiêx hêik co trâu px kir txêik ntâu jux juk thiêz huôv tsar cêr uô tâu truôx, muôx liv trâu sđ. Zơưv Lò Văn Khặn, zos iz lênhx px kir txêik pênhr nhiêx uô kôngz lôngk nhoz Quỳnh Nhai hêik pâuz:

“Ntu đrav ntêx, cur chuôz zis tsik tâu kir txêik hội kôngz nuv têx pênhr nhiêx chox lok huov tsar uô nox mak cux chuôz zis cux tsênhv uô nênhx pluôs; taz sik txix ciês thâuv kir txêik tâu nhiêx, cux tưz chox lok zuôr tâu nôngz nhux zus. Kror tiv oz, zos khơưz pak đêx huôv tsar tu zus shuôz njêk. Txix ntơư txos trâu nhiv no, xav hâur iz shông cur chuôz zis cux sâu tâu 500 triệu đêiv nhiêx”./.

                                         (Tsu cxêik nhênhv-Thừa Xuân)

  Hnuz 17/9, hâu nov Công an tỉnh Lai Châu heik pâuz, taz viv tưz tso tơưv quyết tinhv xơưz xưv txuz plâuz hâur txuz yêz lox thiêz yêz kruô siz yar, uô 16 lênhx trâul tuôs thiêz trâus saz, ntơưv txox cêr lox 4D, ntu muk đhâu thax tsav thị trấn huyện Tam Đường, tỉnh Lai Châu hnuz 15/9 nhiv kruôr đhâu. Txơưv tiêk hur si 2 lênhx tsar yêz puôr lênhx trâul tuôs, taz sík cơ quan cảnh sát qênhz yuôx, Công an tỉnh Lai Châu   cux quyết tinhv xơưz xưv, viv no zos txuz yêz siz yar siz đrâul lox thiêz riêz nênhs. Đại tá Bùi Xuân Phong, Phưv Giám đốc Công an tỉnh Lai Châu heik pâuz: Nhiv no, cơ quan qênhz yuôx nhiv kruôr pâuz tâu 8 luz los luz yêz lox, yuôr têx meir thiêz tâuz hâu yêz mak tsênhv tâu qênhz yuôx chiê pâuz tsênhz mênhx. Nhiv no luôs hâux lưv qênhz yuôx qir tiv txuz yêz siz yar siz đrâul co tsênhv tror tâu cơ quan cảnh sát sir jos fuô uô. Đại tá Bùi Xuân Phong heik:

“Nhiv no Công an tỉnh tsênhv chox kriê hur tiz si têx taz viv tsênhv zênhx max qênhz yuôx chiê pâuz tsênhz qir tiv zos li chas. Đhâu ntơư, cơ quan Cảnh sát qênhz yuôx zuôr krêz đar qênhz yuôx chiê xav tinhv qir tiv têx uz no txơưr đuô cik txos, sêiz pok muôx đaz tsi nzir thiêz”./.

(Khắc Kiên-Riê Lâux cxeik, nhênhv)

Ciêz vênhx huôv du lix Mường Lò thiêz ntênhk hội blêx liêx tơư ntêir jông jav Mù Cang Chải shông 2018, zuôr kriz uô trâu hnuz 21/9.  Ntơư zos cxuô luôs hâux lưv jông tâu tsưr tsix hâur niêx shông thiêz ntơư zos hêik kriê cxuô cêr nênhx vênhx huôv jông hâur thax tsav huyện thiêz tỉnh Yên Bái trâu tsôngv kruô sđ pâuz txos.

Cxuô luôs hâux lưv uô no, zos cxươz cxiz huôv tsar du lix trâu cxuô tsênhv qơư thiêz cux zos cxuô luôs hâux lưv uô hơưv tok chiv nhênhv 60 shông hnuz zơưv hloz Hôx tuôx sêiza shuôk txos Yên Bái./.

                                          (Tsu cxêik nhênhv-VOV4)