Đại tướng Tô Lâm, Ủy viên Bộ chính trị, Bộ trưởng Bộ công an nhiv kruôr xa ntơưr kruôk txos Công an tỉnh SƠn La thiêz chuôz zis tix lâuk Quàng Văn Xôm, Công an viên jos Lĩnh Luông, huyện Thuận Châu, tỉnh Sơn La tâu tas siv nênhx thâuv uô jênhv vưv. Tix lâuk Quàng Văn Xôm li hâux lưv uo tưz tso pov siêz sir jos tơưv txênhz, tir tar nênhs phamv cxâuv, zos lênhx chiến sĩ Công an nhân dân li têx siêz jông, viv tsôngv box phưx vưv.

Hlôngr njêx muôs Đảng ủy Công an trung ương, Bộ Công an, Bộ trưởng Tô Lâm kruôk txos cán bộ, chiến sĩ Công an tỉnh Sơn La li chinhz yênhx tir tar nênhs phamv cxâu. Bộ trươngv pheiz kênh cêr pôngz siêz lox đros chuôz zis đồng chí Quàng Văn Xôm. Đ/c Quàng Văn Xôm tưz sir jos tơưv txênhz tir tar nênhs fêv, tâu tas siv nênhx chiê por vêv tsôngv box li luz nênhx, tso pov Công an nhân dân Việt Nam li cêr chax chês zênhz shông./.

(VOV-Txâur Vax cxeik nhênhv)

Ndaz ndơưv chiv nhênhv 75 shông Cách mạng Hli 8 thiêz hnuz xiêz 2/9 (1945-2020) thiêz bax kriz uô đại hôiv chor đảng bộ nhoz Trung ương ndar txos Đảng li Đại hôiv 13, Tổng Bí thư, Chủ tịch têz qơưk Nguyễn Phú trọng tưz muôx jax sâu zov chênhr, đros tsênhv njiêz “Bax thiêz kriz uô lok six jông Đảng li Đại hôiv 13, chox têz qơưk hla trâu iz ntu huôv tsar yiêz”. Zơưv Lê Huy Hợp, cán bộ so lâul, 60 shông ntâu nhoz hâur Đảng, nhiv no nhoz ntơưv phường Minh Tân, Thành phố Yên Bái, tỉnh Yên Bái hêik tiêk, Tổng Bí thư, Chủ tịch têz qơưk li têx ntâuk gri lok six zov chênhr  hâur ntu nhiv no:

“Tổng Bí thư, Chủ tịch têz qơưk hêik tơưv 5 jênhv vưv, tsưr ziv, hâur co cur ndo tiv zix zos kho đuô Đảng, cxiv tsa Đảng hur jông thiêz hênhr. Đảng pêz tsik so sir jos đros đrêiv pêx xênhv, tas nro zos pêx xênhv li, viv pêx xênhv, viv li pêz Đảng tsuv moz siêz txos paz trâu luz nênhx cxuô zav thiêz vênhx huôv trâu pêx xênhv. Xar uô tâu li co tsuv phuôx huiz tas nro pêx xênhv kror liv, cxuô zav chiê zos yênhx kror đas jos lox. Tổng Bí thư hêik jông hênhr, chor cán bộ lênhx tov khóa 13 zuôr txos no thiêz khóa 19 tỉnh Yên Bái tsuv ndo njôngr txos têx kror co”./.

(TTTB-Lik Thox cxêik nhênhv)

Tsêr meir tsiv uô txir ntông nhôngs thiêz yuôx njuôz Vân Hồ Công ty cổ phần tsiv uô zav nox hur Vân Hồ (nhoz Tập đoàn TH) nhiv kruôr huôx tôngv siv qơư tsiv uô ntơưv jos Co Chàm, xã Lóng Luông, huyện Vân Hồ, tỉnh SƠn La. Tsêr meir lox 14 hecta ntâu, tas nro pênhr yưv uô zos 3 cxênhz 500 tỷ đeiv. Hâur ntu 1, phênhv yưv pênhr zos 1 cxênhz 200 tỷ đeiv, công suất tsiv uô 300 tênhr jâuz, txir ntông, yuôx njuôz iz hnuz. Tsêr meir tsiv uô txir ntông nhôngs thiêz yuôx njuôz Vân hồ huôx tôngv zuôr gôngr phênhv car chêx sâu zuôr xiv huv kôngz nuv thiêz njênhr njôngr zuôr tror paz ntâu trâu xiv huv kôngz nuv Sơn La; car chêx hâux lưv uô trâu zuôr xar 200 nênhs lox tôngv tiv phaz ntơưv tsêr meir thiêz yênhx châuv cxênhz nênhs lox tôngv sâuv thax tsav tỉnh./.

(Báo Sơn La- Txâur Vax cxeik nhênhv)

Sâuv thax tsav thị xar Sa Pa, tỉnh Lào Cai nhiv kruôr muôx yưv iz txuz txiêz nanv zoz thôngz zov chênhr, uô oz lênhx hluôk nênhs trâus tuôs.

Txuz txiêz nanv zoz thôngz muôx yưv thâuv 1 six ntâu iz tas hmo hla trâu hnuz 17/9, sâuv txos cêr Ngũ Hành Sơn, ntơưv tôv 2, phường Sa Pa, thị xar Sa pa.

Thâuv six hơưv co, luz yêz mêir muôx biển số 24P1-7353 zos L. L. L (zus shông 2004, nhoz ntơưv xar Tả Phìn, thị xar Sa Pa) tsar thiêz siz yiêr đros yêz mêir muôx biến số BKS 89F1-0384 zos N.V.C (zus shông 2004, nhoz ntơưv xar Quang Kim, huyện  Bát Xát) tsar.

Jiês siz yiêr tưz uô L. L. L trâus tuôs ntơưv qơư, N. V. C tâu chox muk chơưv paz taz sik cux trâus tuôs đhau co. Ntơưv qơư oz luz yêz mêir trâus puôk tsuôx hnhar.

Nhiv no, cơ quan txơưx jênhv tsênhv tror qênhz yuôx nriêr pâuz tsênhz mênhx txuz hâux lưv no./.

(An Kiên-Lik Thox cxêik nhênhv)