Zơưv Trần Huy Tuấn, Chủ tịch UBND tỉnh Yên Bái puz pâuz, tas nro xar muôx 15.400 ziv chuôz zis pluôs nhoz tỉnh zuôr tâu khơưk muôz huv hâur jiês tsiêz tưv shông 2021. No zos jiês xuz thơưx ciês tỉnh Yên Bái kriz uô khơưk muôz huv tsiêz txos tas nro chor chuôz zis pluôs  sâuv thax tsav hâur jiês tsiêz. Lơưr co, iz kror huv zuôr tâu khơưk muôz txix nhiêx txiêx lok sik têx hax huv uz no, tsiv gri tsơưs tiv zix zos 500.000 đêiv, tâu muôz txix têx phênhv paz xar hôiv. Hâur co, cấp tỉnh hêik paz tas nro tsơưs tiv zix 9.300 kror hax huv paz zos txix têx Ủy viên Ban Thường vụ tỉnh ủy; ủy viên Ban chấp hành Đảng bộ tỉnh; chor sở, ban, nganhx, đoanx thêv thiêz chor doanh nghiệp hâur thiêz đrâuv tỉnh li nhiêx txiêx, hax huv muôz paz. Cấp huyện hêik sơưr đơưk paz tsơưs tiv zix 6.072 kror huv txix nhiêx txiêx lok sik têx hax huv uz no. Nhiêx txiêx chiê uô hâux lưv no njuôk xav muôx 8,2 tiv đêiv. Chủ tịch UBND tỉnh Yên Bái Trần Huy Tuấn puz pâuz nzir: “Shông no, đrâuv sêiz nus, phôngv tsiêz trâu chor nênhs tâu sơưv cêr chêi, nênhs muôx côngz hâur jiês tsiêz mak tỉnh Yên Bái tsênhv muôx tsưr ziv khơưk muôz huv paz trâu tas nro chor ziv chuô zis pluôs, chiê iz chuôz zis pluôs cux muôx tâu iz kror hax huv. Phênhv mak zos têx thax tsav qơư paz, phênhv mak zos hêik chor doanh nghiệp, tsưr tsix, tiz nênhs siêz jông muôz paz, cux zos tiêk tas nro xar hôiv sik đros paz chiê muôx cxơưx luz tsiêz trâu chor chuôz zis pluôs. Shông no, tỉnh cux hêik cxuô thax tsav qơư tiêk kror qơư tưs muôx txâuk thiêz bax tâu mak zuôr tuô tâu fov ntơưr…”./.

(Đinh Tuấn-Lik Thox cxêik nhênhv)

Tiv têx chuô txiêk uô hiêv txos, uô trâu ntux lok nas, pok huôz, no njiv nhoz cxuô thax tsav qơư hâur tỉnh Lào Cai.

Trơưk li qơư njuôk ntux yar ntux nas tỉnh Lào Cai, cux tsênhv zuôr tror muôx chuô txiêk, uô no njiv nhoz thax tsav qơưk kis, no chênhr hênhr trâu tox siêz thiêz tox siêz muôx têx lol đâuk tê. Uô ntêx ntơư, jiês ntux no njiv hênhr txix hnuz xiêz 08-14/01, đros trâu lol đâuk tê nhoz têx thax tsav tox siêz hâur Lào Cai tưz uô 100 ha blêx, jâuz tâuv trâul ruôr hiêv, zuôr xar 250 tus tsiêx trâul tuôs no, njuôk xav têx trâul uô hiêv tas muôx nhos 6,4 tyv đeiv./.

(An Kiên-Riê Lâux cxeik, nhênhv)

Jiês ntux no chênhr, no njiv nhiv kruôr đhâu tưz uô hiêv lox txos trâu pêx xênhv tỉnh Sơn La. Lơưr thôngz sâu, tas nro chor tsiêx cxu thiêz tsiêx tu zus trâus tuôs no zos zuôr xar 400 tuk, phênhv ntâu zos têx mê nhuôv nhux, tưv, buô. Xav mak tas muôx 5 tiv đêiv ntâu.

Chiê bax tir tar jiês ntux no no, Ban sêiz car ntux têz ruôr hiêv thiêz zok nriêr chơưv paz tỉnh Sơn La tưz muôx ntơưr hêik Ban sêiz car ntux têz ruôr hiêv thiêz zok nriêr chơưv paz têx huyện, thành phố tsik so nriêr pâuz lok ntux yar ntux nas li txơưr txar chiê pêx xênhv pâuz, bax têx tsưr ziv phax tar. Tror hêik chor chuôz zis tu zus thêir vor têx tsêr guôx; chox têx tsiêx cxu lok cơư chiê tir tar ntux no; bax tsês chiê cxix cxuô têx zav nox trâu chor tsiêx cxu. Têx huyện, thành phố tror tso chor đoanx mus qênhz yuôx, hêik kriz uô jông têx tsưr phax tar ntơưv têx thax tsav qơư; thâuv pov muôx yưv trâus hiêv mak sêi đơưv nriêr pâuz, xav jênhv lok têx trâus hiêv co chiê hêik trâu UBND tỉnh pâuz chiê kriz uô têx tsưr ziv chơưv paz trâu pêx xênhv nzor uô tâu nox thiêz truôx tuk luz nênhx./.

(Thu Thùy-ik Thox cxêik  nhênhv)

Ntơưv jok Co Phày, xã Mường Cang, huyện Than Uyên (Lai Châu) nhiv kruôr muôx iz txuz tuô tuôs nênhs. Tsênhv tsênhz, Lường Văn Sáu (muôx iz luz bê hu txơưr zos Inh), xênhz shông 1993, nhoz jok Co Phày, xã Mường Cang, huyện Than Uyên (Lai Châu) tưz zôngv triêv, tuô chor nênhs hâur tsêr, zos: Sáu lênhx niêv, lênhx txir thiêz tus cưr. Lênhx nênhs trâul tuôs zos zơưv Lường Văn Phơi, xênhz shông 1968, pos Vax Thị Sương, xênhz shông 1968 (Sáu txir thiêz niêv) tưz trâul tuôs thiêz tus cưr zos Lường Văn Hậu, xênhz shông 1999 tsênhv trâul Sáu tuô lok six saz. Đhâu thâuv tuô nênhs tas li heik sâuv, Sáu tưz tror muk hâur tsêr thiêz zôngv triêv zuk lêis zuk chax đaz, txơưv tưz tâu chor lưv lươngv sir jos qênhv thiêz chox muk chơưv kho trâu Tsênhv qơư Y tế huyện Than Uyên, taz sik viv trâul saz hênhr, Sáu tưz trâul tuôs thâuv zuôr luôs muôx 5 six tas cik đros hnuz. Trơưk li chor nênhs hâur tsêr heik pâuz, hâur 2, 3 hnuz jê lok no, Sáu tsi thôngx li cxiê hnuz, jông xưk lênhx tiz nênhs vưv.

Nhiv no txuz nuv co tsênhv tâu cơ quan Cảnh sát qênhz yuôx, Công an tỉnh Lai Châu qênhz yuôx, uô tsênhz mênhx./.

(Khắc Kiên-Riê Lâux cxeik, nhênhv)