Ndaz ndơưv chiv nhênhv hnuz di sản vênhx huôv Việt Nam 23/11, hnuz 17/11 cux zos hnuz so kaz ciêz, ntâu lênhx nênhs, tsôngv box thiêz têx mê nhuôs shux xênhz nhoz hâur thiêz đrâuv tỉnh Sơn La tâu cxaz chuôz tsaz yênhx “Vênhx huôv mênhx cxưx Cho” zos Bảo tàng tỉnh Sơn La tsưr tsix. Tuôx seiz shuôk tsaz yênhx, tsôngv kruô thiêz sđ zuôr tâu cxaz chuôz ntâu huôx tôngv vênhx huôv mênhx cxưx Cho nhoz Sơn La li: seiz ntênhs tsưr tsix côngz jênhv hluôk tuz hloz tiêr nênhs, đhiê pax vuôs cho chưz, zôngv chiêz mur cok uô têx pax sâuv ntâuz, krưr nduôr blâuv chax chês, uô chơưr, uô greix kâuz, sik lâuz pak, sik truz hluô....Pos Lưu Thị Hải Anh, Giám đốc Bảo tàng tỉnh Sơn La puz pâuz: Huôx tôngv nriêr pâuz vênhx huôv têx mênhx cxưx tâu Bảo tàng tỉnh SƠn La tsưr tsix cxôngx shông 2018. No zos huôx tôngv tsênhv tsênhz muôx ziz njiêz chiê sđ tâu nriêr pâuz lok vênhx huôv mênhx cxưx:

“Tsênhz mênhx cxôngx thâuv krêz uô huôx tôngv zaoz zux nriêr pâuz vênhx huôv mênhx cxưx mak tưz zaz zâuv tâu chôngz tsôngv kruô nhoz đêz tuôx bảo tàng, tiv zix zos têx mê nhuôs shux xênhz. Cxôngx co gôngr phênhv muôz siêz siêz xar txơưx jênhv đros côngv thôngx xã hội tuôr tsês phuôx huiz vênhx huôv mênhx cxưx jông”./.

(Thiều Nghiệp- Txâur Vax cxeik nhênhv)

Xưk li tưz xa mông, Cơ quan Cảnh sát qênhz yuôx, Công an tỉnh Lai Châu tưz cir quyết tinhv xơưz xưv thiêz ntêk cxov 2 lênhx nênhs trâul cxâuv zos: Nguyễn Thị Minh Liễu, kế toán trưởng thiêz Trần Thị Huệ, zos lênhx nênhs tuôr tsês nhiêx (Phongx Zoz zux huyện Sìn Hồ) lok uô tuôr xuôv têz qơưk têx nhiêx txiêx. Hâur co, Nguyễn Thị Minh Liễu tâu xav zos lênhx xar tơưv tsưr ziv uô têx cêr cxâuv sâuv, Trần Thị Huệ zos lênhx cxơưz paz tsưr ziv trâu Liễu. Chor nhiêx 2 lênhx nênhs heik sâuv tưz gra lok sir zôngv tas zos 26,5 tỷ đeiv, txix têz qơưs têx nhiêx côngz pheiz trâu shuv xênhz nhoz cxuô luz tsêr cơưv, hâur co phênhv ntâu zos chor nhiêx têz qơưk muôz trâu shux xênhz heir nênhs tsơưs... Zơưv Bùi Văn Tuấn, Phưv Bí thư Huyện ủy Sìn Hồ heik pâuz: Đhâu thâuv muôx yưv têx tsi jông li co, Ủy ban qênhz yuôx Huyện ủy tưz qir qênhz yuôx shuôs têx cêr cxâuv ntơư, xav tinhv chor nênhs cik txos:

“Huyện tsưr ziv zos đhâu thâuv cơ quan qênhz yuôx qênhz shuôs tưz pâuz tsênhz mak zuôr qir muôz tik cêr cxâuv trơưk đreiv li chei têz qơưk cui tinhv thiêz zos đảng viên mak tsuv tik cêr cxâuv trơưk đreiv li cui tinhv đảng. Huyện zuôr sir jos uô luôs hâux lưv phax tar nox nhiêx têz qơưk, lar heik zos nhoz têx taz viv cik txos lok kinh tế. Chox kriê têx cơ quan lês car uô đreiv têx luôs hâux lưv sâuv, lar heik zos sir jos uô hâux lưv qênhz yuôx, seiz kaz chor canr bôv, đảng viên uô trơưk Đảng cui tinhv”./.  

(TTTB-Riê Lâux cxeik, nhênhv)

  Zơưv Phạm Văn Nam, Chánh án tòa án tỉnh Điện Biên puz pâuz: tsov lơưr Viện kiểm soát tỉnh Điện Biên li cáo trạng lok hâux lưv krêz tik cêr cxâuv 4 lênhx nênhs cxaz chuôz đros pos Trần Thị Hiền muôv muôs tsi trơưk chei zax zênhz zos:Vì Thị Thu- Vì Văn Toán (puôr lênhx xênhz shông 1982); Bùi Văn Công xênhz shông 1975 thiêz Lường Văn Hùng xênhz shông 1991 nhoz ntơưv huyện Điện Biên, tỉnh Điện Biên, tòa án tỉnh Điện Biên tưz heik tơưv six hơưv chiê tik cêr cxâuv zos hnuz 27/11/2019. Taz sik no zos txuz án muôx lênhx coaz txos muôv muôs zax zênhz, tsi reik đros hâux lưv tuô tuôs lênhx nxeik Cao Mỹ Duyên./.

(Vũ Lợi-Txâur Vax cxeik nhênhv)

Iz luz tsêr tsar lơưx nhoz xã Vĩnh Kiên, huyện Yên Bình, tỉnh Yên Bái nhiv kruôr trâus cuz hnhiêz.

Tsênhv tsênhz, txuz uô tsêr cuz hnhiêz co zos ntơưv pos Hoàng Thị Hàm, heir nênhs Cao Lan nhoz jok Chanh Yên, xã Vĩnh Kiên, huyện Yên Bình chuôz zis. Qir tiv tâu xav zos tiv kror chuz zôngv trox ga trâus điv pa, uô hluôr tơưk txeil chis cuz lox thâuv tsênhv sir zôngv luz kror chuz co uô jâuz mor.

Đhâu ciês thâuv qênhz pov muôx li ntơư, tsôngv box sđ hâur jok tưz zok nriêr cxuô faz tsưr ziv chiê tuô hluôr tơưk, taz sik tiv chis cuz lox hênhr, viv li tsuôk njêik yêv tâu iz cxiê hnaz blêx thiêz mê njik têx chuôz zênhx xưz; hok luz tsêr đros trâu ntâu zav chuôz zênhx, ntâuz ntơưr uz no mak tưz trâus cuz hnhiêz tas. njuôk xav cxuô chuôz zênhx đros trâu luz tsêr trâus cuz hnhiêz hêik sâu muôx nhos 100 tsov đeiv. Ntơưv qơư tưz chiê pos Hàm chuôz zis (muôx 6 lênhx nênhs) nhoz pư ntơưv tsêr vênhx huôv jok; hu sđ ntơưv qơư thiêz têx cưr tix nênhx tsa hâur jok siz chos paz, tuôx đros pos Hàm chuôz zis uô iz luz tsêr nhoz tax jê luz tsêr trâus cuz hnhiêz ntơư.

Chênhr zos li hêik ntơư, tsôngv box sđ tsuv chênhr phax, ndo njôngr sêiz shuôk têx kror chuz sir zôngv trox ga uô jâuz mor, tsi chiê muôx yưv têx tsi jông li heik sâuv./.

(TTTB-Riê Lâux cxeiv, nhênhv)