Nhiv kruôr đhâu, ntơưv thành phố Lào Cai, Bộ vênhx huôv, thể thao thiêz Du lịch thiêz UBND tỉnh Lào Cai tsưr tsix ntênhk suôv câuv shông Du lịch têz qơưk 2017 đros tsênhv njiêz “cxuô zav jông Tây Bắc”. Zos tiv phaz sơưr tsưr tsix shông du lịch têz qơưk 2017, hâur 1 shông đhâu, tỉnh Lào Cai tưz hêik tơưv tâu tas nro Tây Bắc li pưk txux zov chênhr hâur du lịch; cxiv tsa tâu sik côngv truôx nhoz chor tỉnh hâur thax tsav sik đros paz thơưz huôv tsar nganhx “công nghiệp tsik muôx pa”; tsưr tsix yênhx côngz 40 ntâu huôx tôngv, xor xưv lox, paz muôx ntâu chêx cur jông. Khov shông du lịch têz qơưk 2017, Tây Bắc tưz zos yênhx qơư du lịch hâur têz qơưk; Lào Cai thiêz chor tỉnh Tây Bắc tưz zaz zâuv tâu tas nro muôx 24 triệu lênhx kruô tuôx ndis shuôk, ndê 33% ntâu pir li shông 2016. Phênhv sâu du lịch txix tas nro thax tsav muôx 18 cxênhz tiv đêiv, ndê 20% pir li shông 2016./.

(TTT-Lik Thox cxêik nhênhv)

Hnuz 17/12, Công ty tênhv tênhz Yên Bái tsưr tsix ntênhs lênhk txeik côngz mênhx uô tâu nuv jông hov 2.

Công ty tênhv tênhz Yên Bái tâu yênhx lix shông 1979, pheiz txix xí nghiệp tênhv tênhz Yên Bái thiêz tsêr meir tênhv tênhz Lào Cai lok. Đhâu 38 shông cxiv tsa thiêz huôv tsar, canr bôv, công nhân ngênhx tênhv tênhz Yên Bái tưz sir jos hla đhâu ntâu phiv liv, uô tiêr tâu jông têx luôs hâux lưv zok muôz. Txos nhiv no, 100% xã, phường, thị trấn; 97% ntâu chuôz zis tsôngv box hâur tỉnh tưz tâu sir zôngv tênhv tênhz têz qơưk; 140 hâur 180 xã hâur tỉnh uô tâu 4 luôs hâux lưv lok tênhv tênhz hâur cxiv tsa jêx jok yiêz. Thôngz sâu txos tas shông 2017 no, tênhv tênhz sir zôngv hâur thax tsav tas 720kw iz six hơưv, sâu tâu muôx 1.150 tỷ đeiv ntâu, tsar ndê 45 bâus lok sâuv tênhv tênhz, 100 ntâu bâus lok phênhv sâu tâu pir li hnuz xuz thơưx nhiv kruôr yênhx lix. No zos têx jông chiê tập thêr canr bôv, công nhân viên chức ngênhx tênhv tênhz Yên Bái tror sir jos lês uô jông têx luôs hâux lưv zok muôz, taz por ngaz tuk thiêz truôx, paz cxơưz trâu kinh tế-XH ntơưv qơư huôv tsar./.

(Tuấn Xuân-Riê Lâux cxeik, nhênhv)

Lơưr Đaix njuôk xav qiv hơưv Điện Biên li hêik pâuz, hâur chor hnuz txix 17 txos 21/12, jêx tưv sâuv thax tsav zuôr grêk lok six kik, zôngx ziv muôx yưv ntux no chênhr, no njiv nhoz tox siêz, hêik pâuz phiv liv tiv ntux têz uô hiêv nhoz thênhv iz. Tiv phiv liv txix qiv hơưv txiêk tror chuôz ndê, viv li njuôk xav jêx tưv hâur iês no sâuv thax tsav tỉnh Điện Biên zuôr txix 13 txos 15 tưv, ciês ntơưv Pha Đin thiêz chor thax tsav tox siêz, jêx tưv zuôr grêk kik đuô 3 tưv, zôngx ziv muôx yưv no njiv.

Đros qênhx shênhx ntux no chênhr, no njiv têx jâuv zuôr phiv liv tsik jông txos pêx xênhv li đas jos, Ban sêiz car phax tar ntux têz uô hiêv thiêz zok nriêr chơưv paz tỉnh Điện Biên tror hêik trâu chor tiv phaz hâur tỉnh kriz uô chor tsưr ziv tir tar ntux no njiv; Hêik pêx xênhv chuôz cxaz chor tsưr ziv phax tar ntux no trâu tsiêx cxu, sir zôngv chor tsưr ziv tau kruôz kriê tsoz phưz tsoz chos chiv ntux tsâus, ntông nox txir thiêz cxuô zav tsoz chor txơưr đuô cov taz por thiêz huôv tsar jông./.

(Vũ Lợi-Lik thox cxêik nhênhv)

Uô lơưr jiês tsav txênhz phax tir thêir têx nênhs fêv, por hưv tsiêz têz quưk 2018, thâuv 3 six 30 phênhz sơưr nzor hnuz 16/12/2017, Công an huyện Mai Sơn đros Phòng Cảnh sát qênhz yuôx têx nênhs nhiês zuôr muôs, uô luôv zax zênhz Công an tỉnh Sơn La tưz ruôr por tsês tâu txuz nhiês zuôr muôs, uô luôv zax zênhz lox, ntêk tâu 2 lênhx nênhs zuôr muôs, thâux gra zax zênhz tsi trơưk chei.

2 lênhx nênhs trâul ntêk tâu co zos: Dình Xênhv Tsaz, 37 shông thiêz Chính Xênhv Shôngx, 28 shông, puôr lênhx nhoz uô cê ntơưv huyện Trạm Tấu, tỉnh Yên Bái. Têx chuôz zênhx sâu tâu muôx 20 cir zênhz đuz, 3 cxênhz njiêr yuôx shơư zênhz thiêz iz cxiê zav chuôz zênhx txơưr đuô cik txos. Xuz thơưx, 2 lênhx nênhs no krêz lênhk tiêk, tưz zuôr chor zax zênhz sâuv ntơưv iz lênhx txir nênhx tsi pâuz tsênhz bê nhoz thax tsav đriv têz xã Chiềng Khương, huyện Sông Mã, tỉnh Sơn La lok chiê muôs zuôr nhiêx. Thâuv thâux gra lok txos trâu ntơưv jok Nà Ớt, xã Nà Ớt, huyện Mai Sơn txơưv trâus lưv lươngv muôx vax huôv qênhz pov, ntêk tâu. Nhiv no txuz plâuz co tsênhv tâu tror qênhz yuôx, uô tsênhz mênhx./. 

(Tuyến Lan-Riê Lâux cxeik, nhênhv)