Jiês tso ntơưr bo xeir teiv plor côx hôiv khóa 15 thiêz teiv plor HĐ cxuô cấp six cxiv 2021-2026, tỉnh Lai Châu muôx 274 cxênhz ntâu lênhx cử tri, cxaz chuôz bo xeir ntơưv 867 tuêv bo xeir. Hâur hnuz 23/5 zuôr txos, cử tri têx mênhx cxưx hâur tỉnh zuôr muk tso ntơưr bo xeir 6 teiv plor côx hôiv, 50 teiv plor HĐ tỉnh, zuôr xar 260 lênhx teiv plor HĐ huyện thiêz 2 cxênhz 200 ntâu teiv plor HĐ cấp xã. Zơưv Tống Thanh Hải, Phưv Chủ tịch Thường trực UB tỉnh Lai Châu, Phưv chủ tịch UB bo xeir tỉnh puz pâuz: “Tỉnh tưz chêx chôngk lok côngz xưv yax mông lok Luật thiêz bax cxix cxuô cơ sở cxuô zav muôx lênhx coaz txos jiês bo xeir. Côngz xưv bax trâu jiês bo xeir txos nhiv no tưz tâu krêz uô jông. Đros Lai Châu li theox chênhv hâur cheix ntux nas, pêz cux tưz bax têx tsưr ziv chiê tir tar ntux nas; tiv zix zos hâux lưv phax tar moz Covid-19; uô li chas chiê hnuz bo xeir tsưr tsix yênhx côngz”./.

(K.Kiên-Txâur Vax cxeik nhênhv)

Têx hnuz no, đros cử tri hâur thôngz têz qơưk, tsôngv box mênhx cxưx Hmôngz nhoz huyện tox siêz Mù Cang Chải, tỉnh Yên Bái tsênhv xar txos hnuz hôiv lox đros siêz njênhs njôngr. Lênhx tưs cux tok njôngr txos trâu hnuz muk tso ntơưr chiê xêir tsov tâu chor nênhs muôx txux chi, tsưr ziv, moz siêz, sir jos uô hâux lưv chiê nhoz trâu hâur Côx hôiv, Hôiv đôngx cxuô cấp six cxiv yiêz. Muôx 60 ntâu shông, ntâu jiês  tâu muk tso ntơưr bâux xêir chor têiv plor Côx Hôiv thiêz HĐ cxuô cấp, shông no, jiês xuz thơưx ciês zơưv Khua Xênhv Khang nhoz jok Dề Thàng, xar Chế Cu Nha pov muôx caz moz txơưr txar phiv liv ndax ciês trâu jiês bâux xêir. Taz sik, zơưv thiêz chor cử tri cux tsik cxơưx ntâu, viv pov muôx cxuô cấp chính quyền thiêz cxuô lưx lươngv li sir jos hâur côngz xưv phax, tar caz moz Covid-19, cux xưk li bax trâu côngz xưv bâux xêir lok six jông: “Cur vav tiêk cxuô cấp chính quyền zuôr tror sir jos uô jông đuô thiêz côngz xưv phax, tar caz moz thiêz bax jông tiv zix cxuô kror trâu jiês bâux xêir, chiê txos hnuz bâux xêir, cur cux xưk li chor cử tri tso siêz muk tso ntơưr, uô zuk têx vax huôv thiêz jênhv vưv”./.

(Thừa Xuân-Lik Thox cxêik nhênhv)

Tsâus ntux hnuz 17/5, zơưv Hoàng Quốc Khánh, Chủ tịch UB tỉnh Sơn La tưz lov lik jiês khiêz phêv krêz uô têx tsưr ziv tir tar moz viv sâuv thax tsav nhiv kruôr sâu jênhv 1 lênhx nênhs trâus moz Covid-19. Lênhx nênhs trâus moz nhiv kruôr sâu jênhv ntơưv SƠn La zos niêv lâuk M.T.T xênhz shông 1983, nhoz jos Nà Bó, xã Nà Bó, huyện Mai Sơn, Sơn La. Niêv lâuk M.T.T uô hâux lưv ntơưv Công ty TNHH Hosiden, nhoz ntơưv lô 1, KCN Quang Châu, huyện Việt Yên, tỉnh Bắc Giang, tâu cêv kuôk chêx chôngk thâuv lok tiv phaz. Thâuv xav tênhv nênhs moz Covid-19, chính quyênx tiv phaz thiêz nganhx muôx txơưx jênhv tỉnh Sơn La tưz ciêr chênhr cêv kuôk, qênhz yuôx, nriêr lênhx nênhs muôx lênhx coaz. Zơưv Hoàng Quốc Khánh, Chủ tịch UB tỉnh Sơn La heik pâuz: “Têx huyện, thành phố tsuv uô jông thiêz xav tênhv zuôr muôx têx lênhx nênhs F0 njuôs xav muôx yưv thâuv tưs. Pêz cux yax mông đros têx chuôz zis muôx mê nhuôs muk uô hâux lưv đêz ntu no tsênhv nhoz tưs mak nhoz tiz jông ntơưv co. Đrâuv co, pêz cux cxơưz cxiz heik kriê têx lênhx nênhs tsi muk heik kriê y tế; nganhx công an cux tsưv yưr lir txos qơư, muôx têx tsuv tik cêr cxâuv hình sự”./.

(Thu Thùy-Txâur vax cxeik nhênhv)

  Zar hnuz kêix 17/5, tỉnh Điện Biên tror pov muôx nzir 2 lênhx nênhs trâus moz Covid-19 cik txos qơư muôx caz moz ntơưv xar Si Pa Phìn, huyện Nậm Pồ.

Li co, ciês hâur hnuz 17/5, tỉnh Điện Biên muôx nzir 5 lênhx nênhs trâus moz Covid-19 yiêz, tas nro chor nênhs trâus moz hâur tỉnh xav txix hnuz 7/5 txos hnuz 17/5/2021 zos 26 lênhx; xav txix thâuv hâur shôngk shông txos nhiv no zos 29 lênhx (3 lênhx nênhs tưz jông moz). Chiê phax, tar jông caz moz, Ban chox kriê phax tar moz Covid-19 tỉnh Điện Biên hêik pêx xênhv tror uô truôx jông hêik pâuz y têr thiêz têx tsưr ziv phax tar caz moz Bôv Y têr tưz hêik kriê; nganhx Y têr sir jos uô njuôk shuôk caz moz trâu pêx xênhv nhoz xar Si Pa Phìn; njuôk shuôk caz moz sêiz trâu pêx xênhv nhoz chor phường thiêz xar Thanh Minh, thành phố Điện Biên Phủ./.

(Vũ Lợi-Lik Thox cxêik nhênhv)