Txơưv shông cơưv 2020-2021 tsưr tsix cơưv hâur ntu muôx moz Covid-19 huôv xênhz phiv liv, taz sik tỉnh Sơn La têx lênhx shux xênhz cơưv coz cấp têz qơưk cux tưr thik tâu 15 giải; chor shux xênhz tưr thik tâu cơưv tiêr ntơưr lớp 12 shông 2021 tax 98% ntâu, tsar ndê zuôr xar 3% pir li shông uô ntêx; ntâu đuô 300, hâur hur si xar muôx 600 luz tsêr cơưv uô tâu jông luôs hâux lưv kriê txux chi. Sơn La tưz tuôr truôx, cxiv kho, gra siêz tsưr ziv kriê txux chi trâu têx nhuôs zâu 5 shông tax 100% thiêz chor nhuôv shux xênhz cxênhx iz, cxênhx 2, kriê hâur pâuk ntơưr…. Zơưv Nguyễn Văn Chiến, Phưv Giám đốc Sở Zoz zux tỉnh Sơn La heik pâuz, muôx tâu têx li heik co zos khov cxuô luz tsêr cơưv hâur tỉnh tưz uô lơưr jông têx tsưr ziv yiêz hâur kriê txux chi huv đros trâu tsênhv tsênhz ntơưv qơư; cxiv kho cui tinhv ntâuk grê kaz shông cơưv huv đros têx muôx tsênhz./.

 (Trấn Long-Riê Lâux cxeik, nhênhv)

Shông cơưv no, tỉnh Yên Bái muôx zuôr xar 7.000 lớp cơưv, đros muôx 226 cxênhz ntâu lênhx shux xênhz, hâur chor no muôx 94 cxênhz ntâu shux xênhz nox txix 1 txos 3 pluôs ntơưv tsêr cơưv ntơưr (xav tas nro 5 cxênhz ntâu lênhx shux xênhz gra jâuz mor txix tsêr tuôx chiê nox pluôs su ntơưv tsêr cơưv ntơưr). Chiê taz por ngaz tuk vêv xênhz zav nox trâu yênhx châuv cxênhx lênhx shux xênhz, Sở Zoz zux tỉnh Yên Bái tưz hêik chor tsêr cơưv ntơưr sir jos yax kriê, gra siêz jênhv pâuz, txơưx jênhv trâu chor cán bộ sêiz car, cưk kriê ntơưr, nhân viên, shux xênhz lok taz por vêv xênhz ngaz tuk zav nox, phax, tar trâus tưx zav nox; chuôz cxaz uô vêv xênhz têx qơư uô jâuz mor, nox hâuk, chuôz zênhx uô thiêz trâu têx zav nox…. Đros co zos yax kriê, hêik chor shux xênhz, tiv zix zos chor shux xênhz tox siêz tsik nox têx zav jâuz txir ntông muôx hâur har jôngr; têx zav ndêz kuz mak pâuz tsik tsênhz, tsik chiê muôx yưv trâus tưx xưk li têx ntu uô ntêx tưz zênhx muôx yưv ntơưv thax tsav tox siêz…Zơưv Đào Anh Tuấn, Phưv Giám đốc Sở Zoz zux tỉnh Yên Bái puz pâuz:

“Ntơưv jiês cơưv kriz uô oz kror jênhv vưv hâur shông cơưv, Sở tưz hêik tas nro chor tsêr cơưv ntơưr tsuv muôx hux thôngx zuôr zav nox trâu tsêr uô jâuz mor; hêik cov qênhz shuôk jông cxuô zav nox; chor tsêr uô jâuz mor tsuv tsưr tix tsês chiê têx zav jâuz mor nox yênhx hnuz lơưr cui tênhv; taz por muôx qơư thêir nhoz qơư uô jâuz mor thiêz qơư nox, qơư tsês chiê. Sik côngv đros cơ quan y têr ntơưv thax tsav qơư muôx tsưr ziv xưv lik têx phiv liv thiêz muôx yưv trâus tưx”./.

(Thừa Xuân-Lik Thox cxêik nhênhv)

Txos tar su hnuz 18/11, tỉnh Điện Biên tror muôx nzir 24 lênhx nênhs trâul moz yiêz Covid-19, tsar ndê hur si têx lênhx trâul moz hâur tas nro tỉnh  txix hâur hlik hli 11 txos nhiv no muôx 255 lênhx nênhs. Ciês TP Điện Biên Phủ tưz  muôx 31 lênhx trâul moz Covid-19, hâur co muôx ntâu lênhx cưk kriê ntơưr, viv li chor tsêr cơưv hâur thax tsav TP tưz tax nduô tsês tsi chiê têx nhuôs shux xênhz tuôx tsêr cơưv, cơưv ntơưr. Nhiv no têx lưv lươngv muôx vax huôv hâur TP cux tsênhv sir jos uô luôs hâux lưv qênhz shuôs chor nênhs tâu nhoz jê đros lênhx nênhs moz thiêz têx lênhx cik txos tâu nhoz jê đros chor nênhs nhoz jê tus nênhs moz ntơư. Chiê taz por hâux lưv phax tar moz, txo grêk tsơưs phiv liv trâu têx qơư cêv kuôk chor nênhs moz, hâu nov hâur TP njuôk xav zuôr tso têx lênhx tâu nhoz jê đros lênhx nênhs moz cêv kuôk hâur vax tsêr, taz sik, tsuv taz por trơưk đreiv li cui tinhv./.

(Vũ Lợi-Chia dịch đọc)

Tỉnh Sơn La nhiv kruôr pov muôx nzir 8 lênhx nênhs trâus moz Covid-19 yiêz ntơưv têx huyện Mai Sơn, Thuận Châu thiêz Phù  Yên. Hâur 8 lênhx nênhs no muôx 4 lênhx nhuôs zâu txix 1 txos 7 shông puôr lênhx nhoz ntơưv jok Sơn Tra, xar Nà Bó, huyện Mai Sơn. Chor nênhs moz no puôr lênhx txix têx qơư muôx caz moz tror lok, tâu pov trâus moz thâuv nhoz ntơưv qơư cêv kuôk tsêx trung thiêz thâuv tsênhv uô lơưr sêiz shuôk đas jos ntơưv tsêr. Taz sik, chor nênhs chêix yêz đros uô cê txix ntơưv têx qơư muôx caz moz tror lok thiêz chor nênhs nhoz jê, njiz tâu zuôr zôngx ziv trâus cik tâu caz moz siêz; ciês lênhx nênhs moz N.H.P mak tiv nhiv kruôr xênhz zus mê nhuôv viv li zôngx ziv uô cik tâu caz moz trâu chor nênhs hâur chuôz zis. Li co, xav txix hnuz 5/10 txos nhiv no, tỉnh Sơn La tưz pov muôx 84 lênhx nênhs trâus moz Sát-Covi-2. Hâur co, 38 lênhx nênhs moz tưz tâu kho jông moz; 46 lênhx nênhs tsênhv tror tâu chơưv kho. Moz Covid-19 cux tsênhv txơưr txar phiv liv, pox nhuôs sơưr đơưk tsuv uô jông lơưr têx tsưr ziv phax tar caz moz tưz tâu hêik kriê cov tsik trâus cik moz./.

(Thu Thùy-Lik Thox cxêik nhênhv)