Lơưr Ban sêiz car zok nriêr chơưv paz ntux têz uô hiêv tỉnh Yên Bái li hêik pâuz yiêz tiv zix, ntux nas chuô txix hmoz txos têik cik hnuz 18/2 tưz uô 270 ntâu luz tsêr trâus vâu, puôk tsuôx. Nhiv no têx tiv phaz tsênhv sêi đrơưv paz pêx xênhv khưx phưx têx trâus hiêv. Njuôk xav trâus hiêv tiv ntux nas chuô ntơưv têx tiv phaz nhoz tỉnh Yên Bái zos xar muôx 1,7 tiv đêiv. Đros ntux têz uô hiêv txos pêx xênhv luz nênhx, Ban sêiz car Phax tar ntux têz uô hiêv thiêz zok nriêr chơưv paz têx huyện tưz chox kriê paz pêx xênhv khưx têx trâus hiêv, kho đuô vax tsêr, truôx tuk luz nênhx. Zơưv Nguyễn Đức Điển, Phưv chủ tịch UBND huyện Yên Bình, tỉnh Yên Bái puz pâuz:

“Uô ntêx mak taz por qơư nox, nhoz trâu chor nênhs trâus hiêv, vax tsêr tsik jông cov luz nênhx tror truôx tuk. Pêz tsênhv tso tas nro chor nênhs nhoz têx cơ quan lok phax tar ntux têz uô hiêv thiêz chor xar muk sêiz shuôk têx qơư trâus hiêv thiêz nriêr tsưr ziv chiê khưx phưx”./.

(Đinh Tuấn-Lik Thox cxêik nhênhv)

VN têx txir mo môngk tưz qir tâu tso chei muôs muk trâu têz qơưk Mỹ đhâu zuôr xar 10 shông sik seiz lax. Đhâu têx zav txir ntông li: Txir lưv tsiz, txir thanh long, chôm chôm...., no zos VN zav txir ntông tiv 5 muôs tâu trâu hâur ciêz đrôngs MỸ. Thiêz li ntơư, Mỹ yênhx ciêz đrôngs tiv 40 muôs VN têx txir mo môngk. Têx txir mo môngk nhôngl VN zuôr muôs hâur ciêz đrôngs Mỹ đros thiêz cui tinhv tsuv tâu qênhz shuôs ntov jông txix têx ntâuz ntơưr, lênhx nênhs chos, qơư krưr ntiv têx txir, qênhz shuôs caz hmoz....ntơưv trôngx đriv. No zos mông    jông trâu tsôngv box, hâur co muôx hur si têx lênhx tsôngv box cxuô heir nênhs tsơưs nhoz ntâu thax tsav chos txir mo môngk to bê lus li: Yên Châu, Mường La (Sơn La), Lạng Sơn, têx tỉnh tiêx đras niêv đêx Cửu Long..../.

(VOV4-Riê Lâux cxeik nhênhv)

Xar muôx 8 six 30 phênhz têis cik hnuz 18/2, txơưv ntux yar cuz sor muôx yưv ntơưv ntâu tiv phaz hâur tỉnh Lào Cai, taz sik ntơưv hâur trôngz Fansipan (Sa Pa-Lào Cai), bu cux tsênhv pôngz đơưz vos chuôs tsi. Chôngz lênhx kruô thâuv ndê txos sâuv hâur trôngz Fansipan cux xar tsik txos muôx txơưr txar li no. zơưv Lưu Minh Hải, Giám đốc Đaix njuôk ntux yar ntux nas tỉnh Lào Cai puz pâuz: Đros jêx tư ntơưv trôngz Fansipan li nhiv no mka zuôr tsik muôx bu pôngz, viv kik tiv zix cux zos txix 1-2 tưv xưz.

Chor bu pôngz co piz muôx txix faz Bắc nhoz saz Trung Quốc, thâuv njiz chor chuô siêz trâus yuô za lok faz Nam, txos trâu Lào Cai trâus lênhx trôngz Hoàng Liên Sơn thêir viv li pôngz ciês lok trâu sâuv hâur trôngx Fansipan./.

(An Kiên-Lik Thox cxêik nhênhv)

Công an huyện Mộc Châu, tỉnh Sơn La heik pâuz, hâur hnuz 17/2, tổ côngz xưv Công an huyện Mộc Châu tưz qênhz pov, ntêk tâu Lương Văn An, xênhz shông 1984, nhoz ntơưv Kim Ngạn, Thạch Thất, Hà Nội lok sâuv zuôr muôs zax zênhz tsi trơưk chei, sâu tsês tâu 2.280 njiêr yuôx shơư zênhz. Đros hnuz, ntêk tâu Khay Xênhv Zax, xênhz shông 1983, nhoz ntơưv jok Ông Lý, xã Chiềng Khừa, huyện Mộc Châu, Sơn La lok sâuv zuôr muôs tsi trơưk chei zax zênhz; sâu tsês tâu iz luz hnar tax đuz, saz hâur ntiv muôx 1.980 njiêr yuôx shơư zênhz, đros trâu iz cxiê zav chuôz zênhx txơưr đuô cik txos.

Nhiv no, Cơ quan Cảnh sát qênhz yuôx Công an huyện Mộc Châu tsênhv tror qênhz yuôx chiê muôz tik cêr cxâuv trơưk đreiv li chei têz qơưk cui tinhv./.

(CTV Đức Cường-Riê Lâux cxeik, nhênhv)