Ntơưv tỉnh Sơn La, UBND tỉnh Sơn La thiêz Hòa Bình nhiv kruôr sik côngv tsưr tsix jiês cơưv chiê thôngz ziv iz cxiê tsênhv njiêz tsưr tsix kriz uô dự án yưv pênhr cxiv tsa uô ntu cêr muk chênhr Hòa Bình-Mộc Châu. Ntơưv jiês cơưv, chor têiv plor tưz sêiz lax, tso ziv chênhv uô cxuô ntu cêr, tsưr ziv paz, pâux nzir kriz uô cêr thiêz thôngx ziv têx tsênhv njiêz chiê kriz uô ntu cêr muk chênhr Hòa Bình-Mộc Châu. Zơưv Hoàng Quốc Khánh, Phưv Bí thư tỉnh ủy, Chủ tịch UBND tỉnh Sơn La hêik txos kror zov chênhr hâur kriz uô dự án cêr muk chênhr Hòa Bình-Mộc Châu đros huôv tsar kinh têr xar hôiv tỉnh Sơn La txuôk đros têx tỉnh Tây Bắc. Đros co cux hêik Sơn La zuôr bax cxuô luôs hâux lưv kriz uô ntu cêr muk chênhr; sik côngv jông đros tỉnh Hòa Bình, sik đros sêiz lax, tso tơưv têx tsưr ziv huv đros chiê kriz uô tâu ntu cêr muk chênhr no nzor tiv zix./.

(Đắc Thanh-Lik Thox cxêik nhênhv)

Sở zaoz zux thiêz thox cxov tỉnh Yên Bái puz pâuz: UB tỉnh Yên Bái li ntâuz ntơưr chox kriê tso shux xênhz sâuv thax tsav tỉnh Yên Bái so ntơưr cxôngx hnuz 17/2 txos tas hli 3/2020 zos tsi muôx tsênhz li ntơưv. Ntâuz ntơưr no hlôngr trâu UB tỉnh li ntâuz ntơưr tso tơưv hnuz 14/2/2020 chiê kriê shux xênhz so ntơưr. Tsênhz mênhx, hlôngr ntâuz ntơưr tso tơưv hnuz 14/2/2020 yênhx hnuz 17/2; hlôngr six hơưv so ntơưr zos tas hli 2 yênhx tas hli 3/2020. Pos Tô Thị Ánh, Phưv giám đốc Sở zaoz zux thiêz thox cxov tỉnh Yên bái puz pâuz:

“Sở zaoz zux thiêz thox cxov khav tênhv no tsi zos sở li ntâuz ntơưr. Sở zaoz zux thiêz thox cxov tỉnh Yên Bái thix ziv têx qơư zaoz zux thiêz shux xênhz li niêv txir tsuv tsưv ziv đros têx xor mông tsi muôx tsênhz tiês; pâuz tsênhz shux xênhz li six hơưv so lơưr cui tênhv thiêz tsi pheiz kênh têx xor mông tso tơưv tsi muôx tsênhz tiês muôx lênhx coaz txos moz cô vít 19. Sở zaoz zux thiêz thox cxov cux thix ziv công an tỉnh thiêz Sở thôngz xor mông qênhz yuôx, yưr lir txos qơư têx lênhx nênhs tưz tso mông tsi zos sâuv mạng xã hội”./.

(Thừa Xuân- Txâur Vax cxeik nhênhv)

Hâur jiês cxax yuôx phax moz trâu nhuôs zâu nhiv kruôr đhâu, sâuv thax tsav têx tiv phaz tỉnh Sơn La tưz muôx iz cxiê lênhx nhuôs njiz trâus phiv liv thâuv cxax yuôx tas. Đhâu ciês muôx yưv li no, Sở Y têr tỉnh Sơn La tưz hêik trâu Bôv Y têr, Viện vêv xênhz dịch tễ Trung ương pâuz thiêz hêik chor nênhs nhênhz chơưv tuôx qênhz yuôx, ntâuk gri qênhx shênhx thiêz nriêr pâuz qir tiv uô muôx yưv têx phiv li hêik sâu. Uô ntêx Sở Y têr Sơn La tưz tso tsês tsik cxax zav yuôx vắc xin no. Đhâu nriêr pâuz ntơưv têx qơư cxax, puz pov chor y, bác sỹ li tsưr ziv cxax yuôx tâu uô zos li cui tênhv. Đoanx côngz xưv Viện vêv xênhz dịch tễ Trung ương, Văn phongx cxax yuôx phax moz têz qơưk, Văn phongx cxax yuôx phax moz faz Bắc, tsêr kho moz nhuôs zâu trung ương zuôr uô hâux lưv đros Sở Y têr tỉnh Sơn La chiê nriêr pâuz qir tiv./.

(Tuyết Lan-Lik Thox cxêik nhênhv)

Cxôngx hnuz xiêz 8/2, huôx tôngv mul lok, tiv zix zos muôs tơưv hax huv đhâu trôngx đriv ntus đriv Lào Cai tưz tâu krêz chiê huôx tôngv đhâu jiês zênhr shar lox tiv caz moz cô vít 19. Taz sik, đrâuv chêx cuk krêz trôngx đriv huôx tôngv mak têx phêv liv nhiv no zos chor yêz thâux hax huv kôngz nuv chuôz ndê siêz hâur yênhx hnuz.

Nhiv no, ntơưv trôngx đriv ntiêx têz cêr số 2 Kim Thành- đrôngs Lào Cai tsênhv muôx 200 ntâu yêz tos chiê tâu mul đhâu trôngx đriv, phênhv tnâu zos yêz container thâux txir thanh long cxôngx têx tỉnh tuôx. Iz hnuz trôngx đriv car chêx muôx nhos 100 ntâu yêz mul lok đhâu trôngx đriv, taz sik tsênhz mênhx tsuôk mul đhâu tâu trôngx đris saz Việt Nam, yuôr txos saz Trung Quốc mak ho tror tos ntêr. Lơưr zơưv Hà Đức Thuận, Phưv tsar Ban coar lik qơư kinh têr tỉnh Lào Cai, tiv moz huôv xênhz txơưr txar, viv li saz Trung Quốc tsi chiê lênhx nênhs mul lok ntâu đhâu, iz yêz thâux hax huv tsuôk tso 2 lênhx nênhs mul đhâu, uô pôngz ntâu six hơưv...Têx doanh nghiệp tsưv tror seiz njôngr txos hâux lưv mul lok đhâu trôngx đriv chiê seiz shuôk hâux lưv thâux hax huv./.

(An Kiên- Txâur Vax cxeik nhênhv)