Xav txos tas shông 2019, tas nro tỉnh Điện Biên muôx 1.700 ntâu lênhx nhân viên y têr thiêz nênhs paz txêik mê nhuôs xênhz zus ntơưv têx jêx jok zos nganhx Y têr sêiz car thiêz muôz nhiêx hli. Lơưr thôngz sâu, chor nhân viên y têr no tưz kriz uô  cxax yuôx phax moz, njuôk shuôk mê nhuôs trâu 6.700 ntâu lênhx nênhs iz shông; hêik pâuz tsoz phưz têx nhuôs tsênhv xênhz hâur chêr trâu 6.400 ntâu lênhx nênhs iz shông; paz txêik mê nhuôs zus ntơưv tsêr zar muôx 1.100 lênhx niêv iz shông; tsoz phưz, hêik pâuz đas jos đhâu zus mê nhuôs trâu lênhx niêv, nhuôs zâu xar muôx 4.000 lênhx nênhs iz shông…đhâu co paz uô tâu jông hâux lưv tsoz phưz thiêz por vêv đas jos trâu pêx xênhv ntơưv tiv phaz, tiv zix zos thax tsav tsôngv box mênhx cxưx tsơưs nênhs, nhoz đêz, tox siêz, ntus đriv./.

(Báo ĐB-Lik Thox cxêik nhênhv)

Hâur 2 hnuz 17 thiêz 18/6, tỉnh Sơn La tưz tsưr tsix tos zuôr xar 1 cxênhz 400 lênhx shux xênhz nênhs Lào tsênhv cơưv ntơưr ntơưv têx tsêr cơưv Đại học thiêz cao đẳng sâuv thax tsav tror tuôx cơưv ntơưr. Ciês cxôngx sơưr nzor hnuz 17/6, têx lưx lươngv pênhz phax, y tế thiêz têx tsêr cơưv muôx shux xênhz Lào cơưv ntơưr tưz tuôx ntơưv thax tsav trôngx đriv Chiềng Khương, huyện Sông Mã uô têx tsưr ziv tos shux xênhz lơưr cui tênhv. Lơưr co. zuôr xar 350 lênhx shux xênhz tuôx cxôngx têx tỉnh Hủa Phăn, Xiêng Khoảng, Xay Sổm Bun tưz tâu qênhz yuôx y tế uô ntêx thâuv muk đhâu ntus đriv. Trung tá Hoàng Văn Giáp, chính trị viên Zênhx pênhz phax trôngx đriv Chiềng Khương, Bộ chỉ huiz bộ đội pênhz phax tỉnh Sơn La heik:

“Zênhx pênhz phax trôngx đriv Chiềng Khương tưz huiz tôngv tas nro lưx lươngv sik côngv đros têx chiz coaz muox txơưx jênhv uô jong côngz xưv pheiz, qênhz yuôx, njuôs siv y tế trâu têx shux xênhz nênhs Lào uô ntêx thâuv tuôx Việt Nam tror cơưv ntơưr”./.

(TTTB- Txâur Vax cxeik nhênhv)

Nhiv kruôr đhâu, Tổ Trinh sát Phongx Cảnh sát qênhz yuôx nênhs phamv cxâuv lok zax zênhz-Công an tỉnh Lào Cai pov thiêz cxov tâu Pao Xênhv Thox (zus shông 1994), nhoz jok Cửa Cải, thị trấn Phong Hải, huyện Bảo Thắng, tỉnh Lào Cai) tsênhv zuôr muôs tsik zos chêi zax zênhz. Têx sâu tâu zos 12.000 luz yuôx shơư zax zênhz. Nhiv no cơ quan txơưx jênhv tsênhv tror kriz đar qênhz yuôx txuz hâux lưv no, uô cov tsênhz mênhx./.

(An Kiên-Lik Thox cxêik nhênhv)

Phongx cảnh sát qênhz yuôx nênhs phamv cxâuv lok zax zênhz, Công an tỉnh Yên Bái nhiv kruôr ruôr yênhx chôngz chuyên án 620C, ntês tâu lênhx nênhs muôv muôs 4 đeiv zax zênhz. Co zos Cú Xênhv Tsaz xênhz shông 2001 nhoz xã Lóng Sập, huyện Mộc Châu, tỉnh Sơn La. Lưx lươngv công an tưz sâu tâu ntơưv qơư 4 đeiv zax zênhz hnhar 1 cxênhz 345 gram, 1 luz yêz meir thiêz iz cxiê chuôz zênhx muôx lênhx coaz. Nhiv no hâux lưv no tsênhv tror tâu qênhz yuôx uô tsênhz mênhx./.

(TTTB-Txâur Vax cxeik nhênhv)