Jiês cơưv tiv 2, Hôiv đôngx tỉnh Lào Cai khóa 16, ntu 2021-2026 tâu kriz cơưv hâur oz hnuz 15 thiêz 16/7 tưz thôngz đhâu iz cxiê Nghị quyết kho đuô phênhv sâu têx nhiêx phí sâuv thax tsav thâuv moz Covid-19 tsênhv lok six phiv liv. Lơưr co, jiês cơưv thôngx ziv lav tso tsês hâux lưv sâu têx nhiêx phí ntơưv têx qơư du lịch nhoz thị xar Sa Pa, zos: Qơư du lịch jok Sín Chải, qơư du lịch xar Tả Phìn thiêz qơư Du lịch Thung lũng Mường Hoa. Six hơưv tsik sâu nhiêx txos tas hnuz 31/12/2021. Hâux lưv HĐND tỉnh Lào Cai kho đuô têx phênhv sâu tâu chôngz lênhx nênhs thôngx ziv; hêik tơưv Lào Cai li moz siêz sir jos phêiz kênh đros têx doanh nghiệp uô công nghiệp, muôs tơưv saz đrâuv tez qơưk thâuv njiz ntâuz phiv liv txix moz Covid-19; paz uô tâu truôx jông tsưr ziv cê phax tar tâu jông caz moz, cê huôv tsar tâu kinh têr-xar hôiv./.

(An Kiên-Lik Thox cxêik nhênhv)

Chiê truôx siêz tir tar cxuô hâux lưv tsi jông muôx yưv, phưx vưv zoz qơưx thâux lênhx nênhs thiêz hax huv, chuôz zênhx cux xưk li uô jênhv vưv nriêr, cêv kuôk phax tar moz Covid-19, huyện Văn Yên, tỉnh Yên Bái tưz tso tơưv tuêv chor yêz ô tô truôx siêz phax tar moz Covid-19. No zos chor yêz huôx tôngv sâuv chinhz yênhx txưv zênhv. Hâur 4 hnuz cxôngx 15/7 txos 18/7, tưz muôx 268 lênhx nênhs nhoz 17 xã, thị trấn nhoz 10 chiz coaz, taz viv txưv zênhv uô ntơưr cxaz chuôz Tuêv chor yêz truôx siêz phax tar moz no, hâur co muôx 3 lênhx tsar yêz zos pox niêv. Txơưv nhoz ntâu hov hnuz nhôngs, ntâu zav mênhx cxưx, tôn giáo txơưr, taz sik cxuô lênhx nênhs puôr lênhx muôx chinhz yênhx gôngr côngv chiê phax tar moz. Hâux lưv tso tơưv Tuêv tsar yêz txưv zênhv muôx ziz njiêz lok six coaz tsôngv, khav tênhv têx tsưr tsix, lênhx nênhs thiêz tas nro cxix luôk chính trị sâuv thax tsav huyện Văn Yên, tỉnh Yên Bái li chinhz yênhx “tir tar moz zov chênhr chuôk li tir tar tros châuz”./.

(Đinh Tuấn-Txâur Vax cxeik nhênhv)

Txix hnuz no 19/7, tỉnh Lai Châu kriz uô cxax 2.500 côngz yuôx vắc xin trâu pêx xênhv uô nênhx nhoz ntơưv chor xar ntus đriv. Lơưr co, cơ quan Y têr ntơưv cxuô thax tsav qơư zuôr kriz uô 7 kror qơư cxax yuôx, hâur co muôx iz kror qơư nhoz tỉnh, 6 kror qơư ntơưv têx trạm y têr nhoz chor thax tsav qơư li: Sì Lở Lầu, Pa Vây Sử, Vàng Ma Chải, Mù Sang, Ma Ly Pho thiêz Huổi Luông huyện, Phong Thổ. Hâur co, côngz iz zuôr tâu cxax txix hnuz 19 txos 24/7; côngz oz txix hnuz 9 txos 14/8; chor nênhs nhoz ntơưv 22 jêx jok chor xar ntus đriv zuôr tâu cxax tas nro oz côngz yuôx, đros tas nro muôx 2.500 côngz yuôx. Zơưv Bùi Tiến Thanh, Giám đốc Sở Y têr tỉnh Lai Châu puz pâuz:

“Tỉnh Lai Châu nhiv no tưz txeik tâu iz chor yuôx vắc xin chiê cxax trâu pêx xênhv cux xưk li chor lưx lươngv uô têx hâux lưv no. Sở Y têr cux tưz kriz uô cxax yuôx trâu chôngz lênhx nênhs, đros tsưr ziv kriz uô sêi, taz sik tsuv ngaz tuk chiê txo grêk tsơưs tiv zix têx phiv liv muôx yưv. Nganhx Y têr cux tưz bax cxuô zav chiê chơưv paz tsuv muôx trâu chor đôiv chơưv paz…”./.

                                     (Khắc Kiên-Lik Thox cxêik nhênh

Ban chox kriê phax tar moz Covid-19 tỉnh Sơn La tưz tso tơưv ntâuz ntơưr số 30/CV-BCĐ lok hâux lưv hlôngr yiêz six hơưv cêv kuôk y tế chêx chôngk hâur phax tar moz Covid-19. Lơưr co, uô Bộ y tế li ntâuz ntơưr lok hâux lưv txu grês six hơưv cêv kuôk, uô siv hâux lưv cêv kuôk y tế F1 ntơưv tsêr, coar lik kho moz trâu nênhs moz Covid-19, Ban chox kriê phax tar moz Covid-19 tỉnh SƠn La hlôngr txu grês six hơưv cêv kuôk y tế cxôngx 21 hnuz yuôr 14 hnuz trâu têx lênhx nênhs cêv kuôk y tế chêx chôngk sâuv thax tsav tỉnh; thôngx cxix, tsuv njuôs siv tsơưs tiv zix 3 jiês lok hnuz xuz thơưx, hnuz tiv 7 thiêz hnuz tiv 14 hâur six hơuv cêv kuôk chêx chôngk. Đhâu six hơưv cêv kuôk chêx chôngk 14 hnuz, zuôr tror seiz njuôs đas jos ntơưv tsêr, qơư nhoz 14 hnuz thiêz, njuôs siv 2 jiês lok hnuz tiv 7 thiêz hnuz tiv 14 hâur ntu seiz njuôs đas jos ntơưv tsêr, qơư nhoz uô nênhx./.

(TTTB-Txâur Vax cxeik nhênhv)