“60 shông Yên Bái cơưv shâuv thiêz uô lơưr zơưv hloz Hôx” zos tsênhv njiêz tâu Tỉnh ủy Yên Bái tsưr tsix hnuz 18/9, ndaz ndơưv chiv nhênhv 60 shông hnuz hloz hôx tuôx chuôr yuô Yên Bái (25/9/1958-25/9/2018). Tsênhv njiêz têx sêiz lax tưz uô zos li tsênhv njiêz hội thảo, hêik tơưv tâu chor nganhx, hâux lưv uô thiêz cxuô tiz nênhs li sir jos hâur ntâuk gri, sâu chênhz zênhv lok cơưv shâuv thiêz uô lơưr zơưv hloz Hôx hâur ntu đhâu; hêik mênhx, uô jông lok têx jênhv vưv, tsưr ziv hâur ntu zuôr txos.

Hội thảo “Yên Bái 60 shông cơưv shâuv thiêz uô lơưr zơưv hloz Hôx” tâu tsưr tsix chiê tror xar txos hloz hôx li luk kriê đros Đảng bộ, chính quyền, pêx xênhv cxuô mênhx cxưx tỉnh Yên Bái. No zos jiês chiê tỉnh Yên Bái ntâuk gri lok têx chêx cur mak Đảng bộ, chính quyền, pêx xênhv cxuô mênhx cxưx hâur tỉnh tưz sik tưr, sir jos tax tâu hâur ntu nhiv kruôr đhâu./.

(Tuấn xuân-Lik Thox cxêik nhênhv)

Hmo 18/9, ntơưv TP Điện Biên Phủ, tỉnh Điện Biên, ntơưr pov tsir Nhân dân Cuiv nhiêx hux jos đros Tập đoanx Mường Thanh tsưr tsix ntênhs muôz học bổng trâu iz cxênhz lênhx shux xênhz pluôs sir jos cơưv ntơưr hênhr nhoz 10 tỉnh thax tsav Tây Bắc.

Ntơưv ntênhs, iz cxênhz poz học bổng, iz poz tsiv grê nhos 3 tsov đeiv tưz tâu muôz trâu têx nhuôs shux xênhz pluôs sir jos cơưv ntơưr hênhr nhoz 10 tỉnh thax tsav Tây Bắc zos: Sơn La, Điện Biên, Lai Châu, Lào Cai, Hà Giang, Cao Bằng, Lạng Sơn, Tuyên Quang, Yên Bái, Bắc Kạn. No zos têx lênhx shux xênhz muôx luz nênhx txov nhêv, sir jos hâur cêr cơưv txux. Cuiv nhiêx heik sâu tâu ntơưr pov tsir Nhân dân yênhx lix txix shông 2012, txos nhiv no, Cuiv nhiêx tưz muôz yênhx châuv cxênhz poz học bổng trâu shux xênhz pluôs sir jos cơưv ntơưr hênhr./.

(Vũ Lợi-Riê Lâux cxeik, nhênhv)

Zar hnuz kêix 18/9, Phongx cảnh sát zoz thôngz, Công an tỉnh Lai Châu hêik pâuz tsênhz lok chêx cur xav jênhv, qênhz yuôx txuz txiêz nanv zoz thôngz muôx yưv sâuv thax tsav huyện Tam Đường, tỉnh Lai Châu hnuz 15/9 nhiv kruôr đhâu, uô 13 lênhx nênhs tuôs, 3 lênhx nênhs trâus saz. Cơ quan Cảnh sát qênhz yuôx li chêx cur qênhz yuôx puz pâuz, 2 lênhx nênhs tsar yêz puôr lênhx muôx txâuk tsar tov lok ntâuz ntơưr chiê tsar oz luz yêz thâux kruô thiêz yêz tải; 2 luz yêz cux tsênhv jông. Qênhz yuôx camera muk trơưk cêr zos Sở zoz thôngz vận tải tỉnh Lai Châu cungz puz pov, thâuv 2 luz yêz co muk txos six hơưv muôx yưv txiêz nanv, thâuv 9 six 10 phênhz, luz yêz tải muk chênhr muôx 109 cêik cêr iz six hơưv thiêz yêz kruô zos muk muôx 51 cêik cêr iz six hơưv./.

(Khắc Kiên-Lik Thox cxêik nhênhv)

Chiê por hưv tênhx qơư, gra siêz tsôngv box txux chi tsưr ziv jênhv pâuz hâur sir zôngv yuôx por hưv đrox tsuôs, Chi cục tsêz chos kôngz thiêz por hưv đrox tsuôs tỉnh Sơn La tsưr tsix yax kriê lok sâuv tsôngv box li txơưx jênhv hâur por hưv tênhx qơư, khơưk sâu têx hnaz, hưx yuôx tsuôs tuô đrox, caz hmoz cov trơưk tsưr ziv, cui tinhv. Chi cục tsênhv heik kriê tsưr ziv sir zôngv cov zos yuôx, trơưk cui tinhv, trơưk six hơưv thiêz tsưr ziv chiê por hưv tâu jông têx kôngz, tsoz chos thiêz tênhx qơư.

Iz chas ntơư, pâur mì chính, trox nox thiêz suz thax trâu tsôngv box chiê zuôr têx hnaz, hưx yuôx tuô đrox tưz sir zôngv chiê khơưk sâu, hlơưr por tsês trơưk cui tinhv. Đhâu iz hlik fuô kriê, txos hnuz 15/9, Chi cục Tsêz chos kôngz thiêz por hưv đrox tsuôs tỉnh Sơn La tưz khơưk sâu tâu 8 tênhr têx hnaz, hưx yuôx trâu yuôx li heik sâuv chiê muôz hlơưr por tsês./.

(VOV4-Riê Lâux cxeik, nhênhv)