Xav cxôngx hâur cheix ntux no txos nhiv no, sâuv thax tsav tỉnh Lào Cai tsi tâu sâu jênhv têx ruôr hiêv lok lênhx nênhs thiêz tsoz chos, taz sik tưz muôx tas nro 76 tul tsiêx cxu trâus tuôs no, njuôs xav ruôr hiêv ndê txos zuôr xar 1 tỷ đeiv. Chor tsiêx cxu trâus tuôs no chêx chôngk ntơưv têx huyện Sa Pa, Văn Bàn. Hâur co 60% zos têx tul tsiêx tsi tâu muôx 1 shông hnuz nhôngs. Cxôngx Đeix njuôs pov qiv hơưv tỉnh Lào Cai li njuôs pov; thôngx cxix canhv pov cheix ntux no shông no zuôr tror muôx têx jiês no njiv; viv li, Sở kôngz nuv thiêz huôv tsar nôngx cxênhz tỉnh Lào Cai tưz muôx ntâuz ntơưr chox kriê têx tiv phaz cxơưz tiês côngz xưv phax tar no trâu tsiêx cxu, tsoz chos thiêz shuôz njês. Têx tiv phaz muôx têx trâus ruôr hiêv tsuv vênhv tôngv tsôngv box ciêr chênhr khưx phưx, ngaz tul uô xênhz yar, tror seiz car têx trâus ruôr hiêv chiê ciêr chênhr muôx tsưr ziv yưr lir./.

(An Kiên- Txâur Vax cxeik nhênhv)

6.800 ziv chuôz zis nhoz Sơn La tưz hux thôngx cir jênhv uô xênhz yar đros Công ty cổ phần thax njêr Sơn La hâur chiv uô xênhz yar 2017-2018.

Shông no thax tsav kuôr njuôk lok zos caz tsiz tror tâu chos trâu iz cxiê xã nhoz chor huyện Bắc Yên, Mường La, Thuận Châu, gra chor thax tsav chor ndê xar muôx 8.000 hec ta, ndê 1.700 hec ta pir li chiv uô ntêx.  Chiê huôv tsar thax tsav chos truôx tuk, công ty tưz uô chor tsưr ziv sik côngv truôx đros pêx xênhv chos kuôr njuôk lok sik caz tsiz. Lơưr co, tưz uô ntâu tsênhv chêi paz li: Paz txêik thêv kênhz zuz kuôr njuôk, caz tsiz, qir zuôv, paz uô ar chos kuôr njuôk, xêir tsov chor kuôr njuôk lok zos caz tsiz huv đros qiv hơưv, đêx ar, tir tar tâu caz hmoz, tsơưr lươngv siêz chiê muôz lok chos. Zơưv Trần Ngọc Hiếu, Tổng giám đốc công ty Cổ phần thax njêr Sơn La puz pâuz:

“Pêz tưz muôx têx tsưr ziv tsênhv tsênhz chiê cêv kuôk, thâux xa thiêz thêv nhiêx kuôr njuôk lok zos caz tsiz trâu pêx xênhv. Pêz cux tưz cxiv tsa tâu tsưr ziv no lơưr tsưr ziv chos chiv 2017-2018 zos pêz zuôr jov 5.000 tấn kuôr njuôk iz hnuz”./.

(Hồng Việt-Lik Thox cxêik nhênhv)

Hnuz 17 thiêz 18/12 đoanx jông siêz zos cưk yuôx Nguyễn Trọng Hùng đros têx lênhx nênhs jông siêz ntơưv Hà Nội tưz đros têx zênhx pênhz phax : Dào San, Vàng Ma Chải, Sì Lở Lâù, bộ đội pênhz phax Lai Châu khơưk muôz 366 phênhv huv tsiêz trâu tsôngv box 3 xã ntus đriv huyện Phong Thổ, tỉnh Lai Châu. Iz phênhv muôx 1 đeiv pav, 10 poz thax njêr, 3 cir lôngx xôngz, 2 huv trox nox tsiv grê 600 cxênhz. Đrâuv co, đoanx jông siêz tsênhv khơưk muôz 250 cxênhz nhiêx txiêx trâu iz chuôz zis tsôngv box tâu jênhv huv jiês no. Tas nro tsiv grê huv khơưk muôz hâur jiês no zos 220 tsov đeiv./.

(KT-Txâur Vax cxeik, nhênhv)

Lơưr pêx xênhv hêik pâuz, jê lok no, sâuv thax tsav jok 10, xã  Xuân Long, huyện Yên Bình, tỉnh Yên Bái muôx yưv iz cxiê qơư tsês chiê thiêz thâux xa khoangr yax tsik zos chêi sâuv pak đêx Thác Bà, uô tsik ngaz tuk zoz thôngz, tsik hur tênhv qơư thiêz phiv liv txos phênhv đêx. Lơưr pêx xênhv tiv phaz, chor qơư no muôx yưv kuôk no iz đraz shông. Iz cxiê chuôz zis tưz uô plas, kriz uô iz txox cêr lox txuôk trâu txox cêr 170 txos pak đêx Thác Bà chiê phưx vưv trâu thâux xa chor khoangr yax co./.

(Tuấn Xuân-Lik thox cxêik nhênhv)