Bôv Zoz zux-Thox cxov pêz têz qơưk nhiv kruôr sik côngv đros Bôv Zoz zux thiêz Thể thao Lào tsưr tsix uô tiêr, choz zok 4 côngz trinhx hâur dự án cxiv tsa thiêz kho đuô vax tsêr cxuô zav zoz zux ntơưv Lào. 4 côngz trinhx tâu uô tiêr jiês no muôx nhiêx uô zos 110 tiv đêiv ntâu. Hâur co phênhv ntâu zos Chính phủ Việt Nam li phênhv nhiêx paz tsik zuôr tror thêv. Hâux lưv choz zok têx côngz trinhx tưz cungz nzir zuôr xar 10.000 yiv ndis qơư cxiv uô thiêz zuôr xar 15.000 yiv ndis yar tiêx, paz trâu chor tsêr cơưv ntơưr jux juk hlôngr yiêz vax tsêr cxuô zav, tax tâu zoz qơưx kruôz kriê thiêz cơưv ntơưr hâur ntu yiêz./.

(BTS-Lik Thox cxeik, nhênhv)

Phuôx plov ntơưv phêv ziv ntâus grê 10 shông tsêr cơưv phổ thôngz mênhx cxưx nội trú ntu 2008-2018 tsưr tsix ntơưv Yên Bái tas cik hnuz đhâu, Bộ trưởng Bộ zaoz zux thiêz thox cxov Phùng Xuân Nhạ thix ziv têx teiv plor tsuv nhênhz chơưv, tso tơưv têx tsưr ziv muôz siêz tsơưr lươngv thox cxov, seiz shuôk têx tsưr ziv yiêz trâu trâur nuv tsêr cơưv mênhx cxưx nội trú hâur ntu yiêz. Bộ trưởng Phùng Xuân Nhạ xar tiêk six hơưv zuôr txos tsuv seiz car têx ploz tsênhr huv đros trâu tsêr cơưv mênhx cxưx nội trú; xeir iz cxiê trâur nuv muôx tsowur lươngv siêz krêz uô đêz đar, chiê cxix luôk tsêr cơưv mênhx cxưx nội trú yênhx qơư thox cxov lênhx nênhs muôx tsơưr lươngv trâu bộ meir cấp ủy chinhr quyênx cơ sở. Bộ trưởng cux khav tênhv lok hâux lưv uô cxâuv lok sưz xar li Hiệu trưởng tsêr cơưv mênhx cxưx nội trú nhoz tỉnh Phú Thọ tso tơưv vênhv thix tsuv chuôz tsar zaoz zux sưz xar, muôz siêz txơưx jênhv trâu têx cán bộ, cưk kriê têx tsêr cơưv mênhx cxưx nội trú ntâu đuô thiêz./.

(Tuấn Xuân- Txâur Vax cxeik nhênhv)

Tạp chí nto bê ntiêx têz National Geographic tưz tso thị trấn Sa Pa (Lào Cai) hâur bê ntơưr qơư tsuv tuôx ndis shuôk xuz thơưx sâuv ntiêx têz trâu shông 2019 đros muôx ntâu kror jông lok vênhx huôv thiêz ntâu zav mênhx cxưx muôx cêr nênhx vênhx huôv jông.

Tạp chí hêik tiêk: “Phênhv ntâu thax tsav tox siêz faz Tây Bắc no cux tsênhv jông li thâuv nzor, thiêz zos iz kror qơư txơưr ntâu pir li têx qơưk muôx chôngz nênhs xưk li Hà Nội, cêv kuôk muôx 300 ntâuk cêik cêr lok faz đông nam. Tsôngv kruô muk tơưv trơưk têx cêr zâuv hâur thiêz iz ndis luz vax têz qơưk Hoàng Liên thiêz vuôk har Mường Hoa nhoz iz saz co, đhâu co nhoz so ntơưv têx tsêr kruô so hâur têx jêx jok hêir nênhs Hmôngz, Cho Liêz, Tày, Giáy thiêz cxuô zav mênhx cxưx tsơưs nênhs txơưr đuô”./.

(VOV4-Lik Thox cxêik nhênhv)

Tsuôk cxôngx hâur shôngk shông txos nhiv no, ntơưv huyện tox siêz Điện Biên Đông, tỉnh Điện Biên muôx 305 gơưv siz zuôr mak hâur co muôx 130 gơưv siz zuôr thâuv tsi tâu txưv shông. Txơưv chinhr quyênx tiv phaz tưz muôx ntâu tsưr ziv yax mông, vênhv tôngv txos xưv bluô qênhx shênhx siz zuôr thâuv tsi tâu txưv shông têx shôngk đhâu sâuv thax tsav, taz sik tsi pov txu gris mak tsênhv chuôz ndê tuôx. Qir tiv siz zuôr thâuv tsi tâu txưv shông zos tiv siêz xar, cêr cor cav pôngz kaz, tsôngv box li yênhx tưv kis. Đrâuv co, nhiv no phênhv ntâu têx tiv phaz tsi muôx tsưr ziv yưr lir lok pháp luật, tsuôk zos yax mông, vênhv tôngv xưz. Iz cxiê cán bộ, đangv viên tsi tâu zos lênhx nênhs uô uô ntêx hâur uô trơưk cêr chei lok siz zuôr thiêz chuôz zis, lơưr li tuz nhuôs tsênhv siz zuôr  thâuv tsi tâu txưv shông viv li lax vênhv tôngv tâu têx lênhx nênhs txơưr uô trơưk cêr chei./.

(VOV4-Txâur Vax cxeik, nhênhv)