Txix Ban chox kriê phax tar moz Covid-19 tỉnh Điện Biên mông heik pâuz, 3 lênhx nênhs tâu tso nưk nhoz nưk iz kro ntơưv Bôv đôiv li qơư seiz njuôk shuôs, kho moz D40, Bộ chỉ huy Quân sự tỉnh Điện Biên tưz pâuz tsênhz zos tsi trâul moz caz moz SARS-Cov-2. Hur si 3 lênhx nênhs no nhiv nor puôr lênhx tsênhv tâu tso nưk nhoz nưk iz kro ntơưv qơư seiz njuôk shuôs, kho moz heik sâuv, đas jos truôx tuk, tsi pov muôx têx txơưr txar li: Hnôngk, uô cuz uô no.... hlo. Hâur hmo 18/3, Bộ Chỉ huy Quân sự tỉnh Điện Biên cux tưz lênhk txeil 37 lênhx tsôngv box (16 lênhx pox niêv, 21 lênhx txir nênhx) lok nhoz kuôk cêv ntơưv Trường Quân sự tỉnh Điện Biên li qơư cêv chor nênhs tâu xav tiêk zôngx ziv trâul cik tâu moz ntơư. No zos têx lênhx px nênhs VN muk txix Lol Tsuôk lol hâur têz qơưk đhâu Trôngx đriv ntiêx têz Tây Trang./.

                                    (Vũ Lợi-Riê Lâux cxeik, nhênhv)

Hnuz 18/3, Chor huyện Mộc Châu thiêz Vân Hồ, tỉnh Sơn La tsưr tsix cơưv shâuv phax, tar moz Covid-19, đros muôx chor thành viên Ban chox kriê phax, tar moz Covid-19 tỉnh Sơn La, Tsênhv qơư qênhz yuôx caz moz tỉnh, Tsêr kho moz Đa kho huyện Mộc Châu, Tsêr kho moz Đa khoa Thảo Nguyên, Tsênhv qơư Y têr têx huyện, thành phố, chor trạm y têr sâuv thax tsav 2 huyện Mộc Châu, Vân Hồ. Chiê tir tar têx phiv liv txix caz moz, chor taz viv tưz cxiv uô oz kror chiê xưv lik: Thâuv nênhs xav tiêk muôx moz trâus moz lok sik tsik moz Covid-19. Tiv zix chor taz viv txơưx jênhv tsênhv kriz uô zos ntu chơưv kho, nênhs moz muôx zav moz tsuv tâu fêik kho mak tsuv uô jông thiêz fêik kho ciês; zos tiêk tsêr kho moz muôx tsik txâuk chiê fêik kho mak tsuv yêv muk trâu thênhv siêz đuô lơưr cui tênhv. Zơưv Vi Hồng Kỳ, Giám đốc tsêr kho moz Đa khoa huyện Mộc Châu, tỉnh Sơn La hêik: “No zos zav moz phiv liv thiêz siz cik moz sêi, viv li côngz xưv qênhz yuôx caz moz tsuv tâu uô jông. Đhâu jiês cơưv shâuv hnuz no mak tưz kriê trâu pêz pâuz lok six ntâu kror thiêz  tiv zix pêz cux pâuz  tâu ntâu chênhz zênhv chiê uô zuk têx hâux lưv cov truôx jông, ngaz tuk trâu nênhs moz thiêz nhân viên y têr”./.

(Trấn Long-Lik Thox cxêik nhênhv)

Chiê muôx cov txâuk têx hax huv phưx vưv tsôngv px hâur thax tsav tỉnh Sơn La, lar heik zos truôx tuk tus grê muôs, phax tir thêir moz Covid-19 cov tâu truôx, tỉnh Sơn La tưz chox kriê cxuô ngênhx cik txos uô lơưr jông têx tsưr ziv kriê. Iz chas ntơư, têx hax huv kôngz krâur, zav nox tưz tâu bax thiêz muôz cxix cxuô, phưx vưv tsôngv px zoz qơưx sir zôngv. Ciês têx grêix buô, tiv moz ơưk buô châu Phi uô hiêv txos, viv li txos nhiv no gri têx buô nox krâur têz qơưk cux tsênhv civ, 86 cxênhz iz cir. Zơưv Nguyễn Thành Công, Giám đốc Sở Kôngz nuv thiêz huôv tsar tox siêz heik pâuz: Txix gri têx buô nox krâur têz qơưk ndê siêz, sở tưz đros têx qơư tu zus ntâu buô hâur tỉnh sir jos uô hâux lưv truôx tuk gri, co zos txo grêk gri têx grêix buô nox krâur têz qơưk yuôr 75 cxênhz iz cir. Têx qơư tu zus ntâu buô no zuôr côngz trâu hâur ciêz đrôngs têx buô tưz lox, jông muôs, iz tus muôx nhos iz puôk ntâu ntơư. Sơn La têx buô nox krâur têz qơưk nhiv no muôx 556 cxênhz tus, zuôr txâuk muôx têx grêix buô, zav nox phưx vưv trâu tsôngv px hâur thax tsav tỉnh Sơn La./.

(Tuyết Lan-Riê Lâux cxeik, nhênhv)

  Sâuv mạng xar hôiv phêiz kênh têx đuôz cxêik njêl hồi nhoz iz qơư tu zus njêl tox siêz Lào Cai trâus tuôs chuôs tsi đhâu ntux lok nas, thâuv muôz lok sâuv ntus, tâu pox nhuôs mênhx cxưx tsơưs nênhs lav tuô nox, uô trâu chôngz nênhs cux pôngz siêz đros. Qơư tu zus no tâu pêx xênhv chiv chir zus nhoz jok Kin Chu Kìn 2, xar Nậm Pung, huyện Bát Xát, tỉnh Lào Cai. Tâu pâuz hmo 17/3, ntơưv nậm Pung muôx ntux nas lox, tiv zos tox trôngz siêz viv li muôx đêx huôv lox lok trâu hâur têx pak zus njêl hồi. Thâuv pêx xênhv pâuz chêk xưv lik tsik zênhx, đêx hâur pak njêl đro njêl uô tsik tâuk pa thiêz trâus tuôs. Njuôk xav trâus hiêv muôx 2 tấn njêl, xav tas nro nhiêx txiêx tu zus thiêz nhiêx liv tas muôx 500-600  triệu đêiv.

Hâur hnuz 18/3, pêx xênhv muôz chor njêl fêik sêi chiê tses hâur tuv txiêk muôs trâu têx qơư zuôr paz sâu nzir nhiêx txiêx đros gri muôs tsuôk bâuv 1/3 pir li cxiê hnuz. Đhâu trâus hiêv, hlôngr njêx muôs xar cux tưz tuôx sêiz nus pox nhuôs. Taz sik, lơưr cui tênhv tiv qơư tu zus no zos chiv chir zus, tsik tâu nhoz hâur cêv kuôk tu zus njêl hồi viv li tsik tâu thôngz sâu chiê tâu paz lơưr chêi trâus ntux têz uô hiêv./.

(An Kiên-Lik Thox cxêik nhênhv)