Hâur ntu no, côngz xưv qênhz yuôx, sêiz kaz luôs hâux lưv bax trâu jiês bâux xêir, tưz tâu UB MTTQVN cxuô cấp thiêz hâu nov cxuô tsênhv qơư hâur thax tsav tỉnh laox cai uô tâu truôx jông. Nhiv no, Ban Thường trực uỷ ban MTTQVN tỉnh laox cai tưz uô tiêr luôs hâux lưv qênhz yuôx, sêiz kaz jiês 2 trâu ntơưv 9 huyện, thành phố, thị xã hâur thax tsav tỉnh. Đhâu qênhz yuôx, 39 thax tsav qơư tso ntơưr bâux xêir ntơưv 23 xã, phươngx, đrôngl huyện puôr lênhx uô tâu truôx jông đros trâu luôs hâux lưv tir thêir caz moz Covid-19. Zơưv Dương Đức Toàn,, phưv chủ tịch uỷ ban MTTQVN tỉnh Laox cai hêik pâuz:  “Pêz tưz đros têx cơ quan liên ngênhx uô truôx jông côngz xưv yax kriê tsôngv px muk bâux xêir nov cov tâu zos đrêiv quy tênhv đros trâu tsưx phưv truôx ngaz tuk hâur thax tsav hâur hnuz bâux xêir”./.

(Tsu cxeik nhênhv-VOV - Huyền BT)

Đhâu 1 hmo sir zos nriêr zok, qênhz yuôx chiê njuôs siv moz trâu têx lênhx nênhs F1, F2 muôx lênhx coaz txos nênhs moz 4367 sâu jênhv nhoz huyện Mai Sơn, tỉnh Sơn La, txos zar hnuz keix hnuz 18/5 tas nro têx lênhx nênhs tâu njuôs siv puôr lênhx tsi pov muôx caz moz SARS Cov 2. Nhiv no nênhs moz 4367 li đas jos cux pov fênhx yax, tsi cuz sor, tsi gru thiêz tsi pov lax uô pa, tưz tâu xa muk kho moz ntơưv qơư cêv kuôk Tsêr kho moz đa khoa tỉnh Sơn La cxôngx 1 six tas hmo hnuz 18/5/2021.

Đhâu qênhz yuôx, txos zar hnuz keix hnuz 18/5 F1 muôx 23 lênhx, 286 lênhx zos nênhs F2, thiêz 715 lênhx zos F3; thiêz nhiv no tsênhv tror qênhz yuôx nzir. Têx lênhx nênhs F1 tưz tâu chox muk cêv kuôk chêx chôngk, yuôr nênhs F2 mak cêv kuôk hâur tsêr./.

(Thu Thùy-Txâur Vax cxeik nhênhv)

Ntơưv qơư cik caz moz Covid-19 xã Si Pa Phìn, huyện Nậm Pồ, tỉnh điện Biên, nhiv kruôr sêiz njuôk shuôk pov muôx nzir iz lênhx nênhs trâus cik caz moz SARS-cov-2, ntơư zos tus mê nhuôv nxêik muôx 3 shông.

          Lênhx nênhs moz F1 zos lênhx nênhs tiv 4378, đhâu sêiz njuôk shuôk zos trâus cik caz moz SARS Cov-2 hâur hnuz 18/5. Nhiv no lênhx nênhs trâus cik caz moz co tsênhv tâu chox muk chơưv kho, cêv kuôk trâu ntơưv tsêr kho moz đrôngl Điện Biên Phủ. Chênhr zos li hêik ntơư, hâur hnuz 18/5, huyện nậm Pồ sêiz njuôk shuôk pov muôx 6 lênhx nênhs trâus cik caz moz Covid-19. Chênhr zos li hêik ntơư, xav txos trâu nhiv no hur si tỉnh Điện Biên tsar ndê txos 31 lênhx; hâur ntơư huyện Nậm Pồ muôx 6 lênhx thiêz nhiv no, cxuô ban ngênhx hâur thax tsav tỉnh Điện Biên tsênhv taz tov uô truôx jông cxuô faz tsưr ziv tir thêir caz moz Covid-19 tsik chiê cik đêz đar trâu cxuô thax tsav qơư./.

(Tsu cxeik nhênhv-Vũ Lợi-Chia BT)

UB TP Lai châu, tỉnh Lai Châu nhiv kruôr tso tơưv ntâuz ntơưr heik hâu nov têx chiz coaz, taz viv, chính quyênx têx tiv phaz uô jông hâux lưv tso tsês têx huôx tôngv muôv muôs zav nox hâuk, qơư uô si nhoz thax tsav khênhr chêx chôngk chôngz lênhx nênhs.

Lai Châu nhiv no tưz tso tsês huôx tôngv vênhv teiv yêz thâux kruô muk cxôngx têx tỉnh Điện Biên, Sơn La thiêz Bắc Giang. TP Lai Châu cux tưz choz trâu Ban chox kriê phax tar moz Covid-19 phường Đông Phong côngv đros Phongx coar lik niêv đrôngs thiêz têx phongx coaê lik nghiệp vụ, Sở zaoz thôngz vênhv teiv yax six qênhz yuôx, heik kriê côngz xưv phax tar moz ntơưv têx qar tsav yêz hâur tỉnh; txưr muôv muôs tov têx qơư công cộng, thax tsav tsêr kho moz đa khoa tỉnh.

Txơưv tsi tâu pov muôx lênhx nênhs trâus moz, taz sik lơưr thôngz sâu, Lai Châu tsênhv muôx yênhx châuv lênhx F1 thiêz nênhs cxôngx thax tsav muôx moz huôv xênhz lok, njuôs xav moz Covid-19 zuôr huôv xênhz siêz./.

(Khắc Kiên-Txâur Vax cxeik nhênhv)