Xar Tỏa Tình, huyện Tuần Giáo, tỉnh Điện Biên muôx 220 ntâu ziv chuôz zis hâur tas nro 530 ziv chuôz zis chos txir tuôz ziz. Yênhx châuv shông đhâu, đros tsoz cà phê, txir suôz câur mak txir tuôz ziz tưz zos yênhx iz zav tsoz chos chênhr paz trâu tsôngv box Hmôngz hla đhâu cêr pluôs, ntâu ziv chuôz zis uô bluô nux. Tix lâus Dính Xênhv Muôk (zus shông 1974) nhoz ntơưv no nhiv no muôx zuôr xar 1.000 tsoz txir tuôz ziz tưz paz muôx txir đê 3 shông lok no. Chos txir tuôz ziz mak tsuv tsoz phưz tsơưs, tsik zuôv qir, tsik zôngv yuôx tuô caz ho sâu tâu liv ntau. Shông no, gri muôs ntơưv qơư zos 12.000 đêiv txos 15.000 đêiv iz cir txir nhôngk, zav txir zâu muôs txix 8.000 txos 10.000 đêiv iz cir. Njuôk xav shông no chuôz zis chor txir tuôz ziz sâu tâu muôx 1 tấn, muôs cux sâu tâu muôx 70 txos 90 triệu đêiv./.

(KT-Lik Thox cxêik nhênhv)

Tuôx trâu Sơn La hâur têx hnuz no, zos muôx ntâu cêr lov jêv, shir phaz hâur Hnuz hội vênhx huôv, thêv thao, ju lix cxuô heir nênhs thax tsav Tây Bắc. Đros trâu têx cêr lov jêv co, zos zuôr xar 250 lênhx nênhs nhoz têx tỉnh: Hòa Bình, Phú Thọ, Điện Biên, Lai Châu, Yên Bái, Lào Cai thiêz Sơn La li cxaz chuôz sik tưr thik têx txux chi vênhx huôvli: Sik truz hluô, sik lâuz pak, lêiv poz, ntâuk tux luz, tuô hnênhr, sik tưr đhiê. Têx lênhx nênhs cxaz chuôz tưz sik thôngx siêz, tưr thik  tas zuk txux chi tsưr ziv uô trâu muôx ntâu cêr lov jêv, hu zâuv chôngz lênhx ntâu tuk tsôngv px tuôx đros cxaz chuôz, paz cxơưz gra đas jos trâu têx lênhx sik tưr thik. Quàng Thu Trang, nhoz tỉnh Điện Biên shir phaz heik:

“Cur pov lok six shir phaz thiêz jông siêz đros hnuz hội thêv thao cxuô heir nênhs nhoz Sơn La no. Cur zos lênhx nênhs tuôx sik đros sđ tưr thik têx txux chi vênhx huôv mak cur cux sir jos tas zuk txux chi tsưr ziv chiê tưr thik cov tâu zênhx. Nhoz no tsôngv box sđ cux tuôx côngv cêr lov jêv lok sik chôngz thiêz lơưr tuôx cxơưz paz gra đas jos chiê pêz sir jos tưr thik tâu jông”./.

                          (Trấn Long-Riê Lâux cxeik, nhênhv)

  Ntênhk hôiv hnuz 2/9 thiêz ntênhk hôiv ndis shuôk nriêr pâuz lok liêx ntêir Mù Cang Chải shông 2019 zuôr tâu kriz uô trâu hnuz 2/9 ntơưv huyện Mù Cang Chải, tỉnh Yên Bái thiêz tâu tsưr tsix txos tas hnuz 22/9. Đros muôx ntâu zav huôx tôngv jông, xor xưv tâu tsưr tsix chiê hêik pâuz têx tsiv gri vênhx huôv phi vật thể thiêz têx hax huv jông nhoz huyện Mù Cang Chải trâu tsôngv kruô sơưr đơưk pâuz txos li: Cxuô zav vênhx huôv jông mênhx cxưx, ntênhk ciêz tox siêz; têx zav uô si cxôngx nzor li: Lêiv poz, đhiê paz vuôs, tâus qox shôngz sâuv đêx….đros co, hâur ntênhk hôiv nriêr pâuz lok liêx ntêir Mù Cang Chải shông no, huyện zuôr tror tsưr ntâu zav uô si tâu chôngz nênhs tsov cưv txos…/.

(KT-Lik Thox  cxêik nhênhv)

Chiê txo grêk tsơưs têx tsi jông lok lênhx nênhs thiêz chuôz zênhx chuôz tas hâur cheix ntux nas chuô, tỉnh Lào Cai tưz đros Cục chơưv paz lênhx nênhs trâul uô hiêv tsưr tsix cơưv shâuv têx tsưr ziv lok sâuv phax tir thêir đêx nas ngaz, cuôr yôngz, tox xưz poz thiêz zok nriêr chơưv paz lênhx nênhs shông 2019. Cxuô luôs hâux lưv bax tưz uô tâu tiêr thiêz jiês cơưv shâuv têx txux chi li heik sâuv zuôr tsưr tsix lok hnuz 21/8 zuôr txos. Jiês cơưv shâuv no muôx iz cxênhz ntâu lênhx nênhs zos tuz lênhv, jênh quân tưv vêv, Công an, tuz lênhv pênhz phax, têx ban, ngênhx thiêz tsôngv px xã Cốc San, huyện Bát Xát, tỉnh Lào Cai. Tsưr tsix cơưv shâuv uô 2 tsênhv njiêz: Khưx phưx, kho têx tsi jông đhâu đêx nas ngaz, cuôr yôngz, tox xưz poz thiêz zok nriêr chơưv paz lênhx nênhs./.

(KT-Riê Lâux cxeik, nhênhv)

Nhiv no, huyện Phong Thổ, tỉnh Lai Châu muôx nhos 140 ziv chuôz zis nhoz hâur têx qơư zôngx ziv njiz trâus  phiv liv lok ar poz, hâur co phênhv ntâu zos nhoz ntơưv têx xar: Lả Nhì Thàng, Vàng Ma Chải, Mù Sang thiêz Dào San đros muôx 100 ntâu ziv chuôz zis. Lơưr Ban sêiz car phax tar ntux têz uô hiêv thiêz zok nriêr chơưv paz huyện Phong Thổ, tỉnh Lai Châu, hâur shông 2018, thax tsav huyện muôx yưv ntâu jiês ntux lok nas lox, uô muôx yưv ar poz, đêx ngaz cuôr hiêv ntâu txos lênhx nênhs, vax tsêr, tsoz chos cxuô zav…ntơưv chor xar Vàng Ma Chải, Mù Sang, Dào San, Lả Nhì Thàng…tas nro têx trâus hiêv njuôk xav tas muôx 112 tiv đêiv, hâur co trâus hiêv lok tsêr nhoz muôx 8,7 tiv đêiv ntâu./.

(KT-Lik Thox cxêik nhênhv)