Tas cik hnuz 19/2, Đảng bộ xã Việt Thành, huyện Trấn Yên, tỉnh Yên Bái qir Đại hội Đảng bộ xã jiês tiv 23, ntu 2020-2025, muôx 155 lênhx đại biểu dự. No zos đại hội tâu Tỉnh ủy Yên Bái xeir tsov chiê đại hội siv uô ntêx đảng bộ cấp cơ sở hâur tỉnh, ntu 2020-2025. Ntơưv Đại hội, Đảng bộ xã Việt Thành zuôr ntâuk grê uô lơưr Nghị quyết Đại hội Đảng bộ xã jiês tiv 22, ntu 2015-2020; cxiv tsa Đảng bộ ntu 2020-2025 li tsưr ziv, têx hâux lưv uô; seiz lax, gôngr ziv chênhv trâu têx ntâuz ntơưr thôngz đhâu Đảng li Đại hội 13, têx ntâuz ntơưr pov cov chính trị Đại hội Đảng bộ huyện Trấn Yên jiês tiv 22;  bo BCH Đảng bộ xã Việt Thành khóa 23 thiêz bo đoanx Đại biểu muk dự Đại hội Đảng bộ huyện Trấn Yên jiês tiv 22 zuôr Đại hội hâur six hơưv zuôr txos./.

(Đinh Tuấn-Riê Lâux cxeik, nhênhv)

Li tưz tso mông, hâur jiês cxax yuôx phax moz trâu mê nhuôs nhiv kruôr đhâu, ntơưv tỉnh Sơn La tưz muôx iz cxiê lênhx mê nhuôs uô tsi tâus pa đhâu thâuv cxax yuôx tas. Ntơưv Sở y tế Sơn La, Hội đồng heik kriê chuyên môn tưz tsưr tsix khiêz phêv ntâuk grê têx hâuk lưv thâuv zôngv yuôx phax moz lơưr Giám đốc Sở y tế tỉnh Sơn La li cuiz tênhv, đros muôx 9/10 lênhx nênhs thiêz iz cxiê lênhx chuyên gia sơưr thơưx nganhx lok cxax yuôx phax moz, chơưv kho moz nhoz Viện vêv xênhz dịch tễ Trung ương thiêz tsêr kho moz mê nhuôs zâu Trung ương. Lok têx qir tiv Hội đồng xav tênhv:

Tiv 1 zos uô tsi tâus pa đhâu thâuv cxax yuôx phax moz DPT-VGB-Hib (SII) zos tiv mê nhuôs xênhz zus lol tsi tâu txưv hli, tsi zos tiv cxax yuôx tsi trơưk tsưr ziv.

Tiv 2 thâuv pov muôx têx moz yưv chuôz zis puôr lênhx tsi chox ciês mul qơư y tế viv li tsi tâu yưr lir nzor trâu mê nhuôs.

Tiv 3, têx lênhx mê nhuôs uô tsi tâus pa đhâu thâuv cxax yuôx phax moz, xar ntâu txos uô tiv cxax yuôx, tsi zos tiv cxax tsi trơưk tsưr ziv. Têx lênhx mê nhuôs uô tsi tâus pa tâu chuôz zis ciêr chênhr chox mul qơư y tê chơưv kho puôr lênhx tâu chơưv kho thiêz đas jos jông đuô tuôx.

Nganhx y tế tỉnh Sơn La chox kriê têx qơư y tế têx xã sâuv thax tsav tỉnh tror krêz uô hâux lưv cxax yuôx phax moz lơưr tsưr ziv. Chuôz tsar yax mông lok hâux lưv cxax yuôx phax moz li liv zix, heik kriê tsôngv box seiz car thiêz tsoz phưz mê nhuôs hâur tsêr đhâu thâuv cxax yuôx phax moz lol./.

(TTTB- Txâur Vax cxeik nhênhv)

Trơưk li zơưv Phạm Xuân Bình, Chủ tịch Ủy ban xã Bảo Nhai, huyện Bắc Hà, tỉnh Lào Cai, ntơưv qơư nhiv kruôr txeik tâu mông, iz chas ntơư zênhx max muôz 2 lênhx nênhs nhoz hâur xã muk txix thax tsav muôx moz Sơn Lôi (huyện Bình Xuyên, Vĩnh Phúc) lok tso nưk nhoz nưk iz kro.

Tsênhv tsênhz, 2 lênhx nênhs no zos Chấn Thị H thiêz Vax Thị T, muk uô nox ntơưv Sơn Lôi tror lok tsêr ntơưv Bảo Nhai (Bắc Hà) hâur hmo 13/2. Txos tas cik hnuz 17/2, Ban chox kriê hâur xã thiêx hnor thiêz txeik tâu mông, đhâu hlo co tưz zênhx max xav jênhv têx thax tsav qơư mak 2 lênhx nênhs no tưz muk lol đhâu, cux li chor nênhs tưz tâu buôk ti, nhoz jê đros. Cơ quan muôx vax huôv cux yax kriê, heik trâu têx lênhx tsôngv px pâuz lok tsưr ziv phax tir thêir moz, kriê tso nưk nhoz nưk iz kro ntơưv tsêr, iz chas ntơư vêv xênhz, tsuôs yuôx tuô lov caz moz trâu têx chuôz zis hâur thax tsav./.

(TTTB-Riê Lâux cxeik, nhênhv)

Công an huyện Nậm Pồ, tỉnh Điện Biên puz pâuz nhiv kruôr cxov 1 lênhx nênhs thâux gra tsi trơưk chei 22 cir txir zax zênhz nhôngs thiêz 14g zênhz đơưz ntơưv thax tsav. Lênhx nênhs co zos Kháng A Thào, xênhz shông 1983 kuz têz qơưk nhoz huyện Mù Cang Chải, tỉnh Yên Bái taz sik nhiv no tsênhv nhoz uô nênhx ntơưv jos Huổi Po, xã nà Khoa, huyện Nậm Pồ, tỉnh Điện Biên. Nhiv no chiz coaz Công an huyện Nậm Pồ tsênhv tror qênhz yuôx, uô ntâuz ntơưr, yưr lir lơưr phuôx lix li cui tênhv./.

(Vũ Lợi-Txâur Vax cxeik nhênhv)

Trơưk li qơư njuôk ntux yar ntux nas thax tsav Tây Bắc njuôk xav, đhâu sox seiz, qênhz njuôk shuôs ntux têx txơưr txar tso pov, hâur thax tsav tỉnh Điện Biên, Lai Châu tsênhv taz tov muôx huôz ntâu, pok jux juk lol trâu thax tsav tỉnh Sơn La.

Trơưk li heik pâuz: Hâur têx six hơưv zuôr txos, chor huôz no zuôr tror muôx ntâu, uô lok huôz jis, nas yâur thiêz cxông trâu huyện Quỳnh Nhai, đhâu ntơư muôx têx lok trâu saz huyện Thuận Châu thiêz Mường La. Hâur ntux đuz nxông muôx têx zuôr muôx khâur jênhs chuô, xoz, lok lơưs thiêz chuô lox. Tsôngv box sđ tsuv sox seiz njôngr ntux têx txơưr txar, chênhr phax lok khâur jênhs chuô thiêz xoz./.

(Thanh Thủy-Riê Lâux cxeik, nhênhv)