Chiê chuôz tsar cxuô faz tsưr ziv phax tir thêir moz gênhk hâur thax tsav, Ban Chox kriê phax tar moz Covid-19 tỉnh Yên Bái heik TP Yên Bái thiêz huyện Yên Bình tax nduô tsês têx hâux lưv phưx vưv tsôngv kruô nox hâuk li: Tsi muôs đêx, muôs bia trâu kruô hâuk ntơưv qơư hâur thax tsav TP Yên Bái thiêz thị trấn Yên Bình txix 12 six iz tas hmo hnuz 19/7. Iz chas ntơư txưr tsi khênhr krêz têx qơư muôs huv, zav nox ntơưv têx ntus cêr. Heik tsôngv px sđ tsơưs muk lol trâu uz trâu no, zos tsi muôx hâux lưv zov chênhr. Cxơưz cxiz tsôngv px zuôr hax huv đhâu sâuv mạng XH ntơưv vax tsêr./.

(Đinh Tuấn-Riê Lâux cxeik, nhênhv)

Chor nênhs txix têx thax tsav qơư txơưr tror lok Lai Châu zos chor nênhs tsuv tâu cêv kuôk lơưr cui tênhv. Chor nênhs tsuv tâu cêv kuôk co, tsuv muôx ntơưr njuôk shuôk caz moz txix tsưr ziv RT-PCR lok sik njuôk shuôk caz moz sêi. Lơưr co, Chủ tịch UBND tỉnh Lai Châu hêik Sở Y têr sik côngv đros têx Sở, nganhx cik txos thiêz cxuô thax tsav qơư sêiz shuôk txos hâux lưv tso tsês iz cxiê kror hâux lưv kinh doanh dịch vụ zuôr zôngx ziv uô siz cik caz moz. Tsưr tsix uô siv cêv kuôk chor nênhs nhoz jê, njiz tâu chor nênhs moz ntơưv tsêr nhoz iz cxiê thax stav qơư chiê kriz uô sâuv thax tsav đar. Chiê uô tâu jông hâux lưv phax, tar caz moz hâur ntu yiêz, Chủ tịch UBND tỉnh Lai Châu cux choz trâu Công an tỉnh cơưv shâuv zok nriêr chiê uô tâu jông têx hâux lưv zos muôx yưv caz moz sâuv thax tsav. Sở Zoz thôngz bax tsưr ziv cungz têx hax huv zov chênhr huv đros trâu qênhx shênhx caz moz. Sir jos uô côngz xưv yax kriê, tiv zix zos xưv bluô chor nênhs uô cxâuv; yax kriê lok thêv nhiêx txiêx trâu chor jiês njuôk shuôk sêiz caz moz./.

(TTTB-Lik Thox cxêik nhênhv)

Sở Kôngz nuv thiêz huôv tsar tox siêz tỉnh Điện Biên nhiv kruôr tso tơưv quyết tinhv tax tso tsês tsi puz lênhx thơưx seiz car Hạt yuôx jôngr huyện Tuần Giáo uô hâux lưv chiê uô tsênhz mênhx txơưx jênhv thâuv chiê muôx yưv têx ntor cơư uô ruôr hiêv chor jôngr ntông phax phưv ntơưv trôngz Pha Đin. Nơưv Sở Kôngz nuv thiêz huôv tsar tox siêz tỉnh Điện Biên Quyết tinhv sôr 497 zos Giám đốc Bùi Minh Hải cir heik mênhx: Tax nduô tsês tsi puz zơưv Đinh Văn Cường, thơưx seiz car Hạt yuôx jôngr huyện Tuần Giáo uô hâux lưv hâur 15 hnuz, qir txix hnuz 19/7 txos hnuz xiêz 06/8. Qir tiv zos chiê uô tsênhz mênhx zơưv Đinh Văn Cường li txơưx jênhv thâuv chiê muôx yưv têx lok sâuv ntor uô ruôr hiêv têx ntông chiêz tsi trơưk chei têz qơưk ntơưv thax tsav jok Hua Sa A, xã Tỏa Tình. Trơưk li thôngz sâu xuz thơưx, muôx 500 tsoz ntông chiêz trâul ntor cơư, yuôr đuô li tsênhv taz tov qênhz yuôx shuôs; xav hur tiz si têx shôngz ntông, ar khơưz uô cêr muk lol trâu thax jôngr ntông chiêz heik sâuv tas muôx 5.140 xưv phaz, tsi tâu tâu têx hloz muôx vax huôv tso chei, zos uô cxâuv chei têz qơưk, têx uô li heik no zos uô cxâuv lok six lox./.

 (Vũ Lợi-Riê lâux cxeik, nhênhv)

Coz nas lox zar hnuz kêix 19/7 tưz uô đêx ngaz iz cxiê ntu txox cêr 110, txuôk txix huyện Mai Sơn muk huyện Mường La, tỉnh Sơn La, uô trâu cêr muk lok njiz ntâu phiv liv. Tiv chor đêx hâur têx cưx ha pur siêz đros muôx têx đêx cuôr ntưk txix pêv têx trôngz lok uô trâu chor cưx đêx trơưk txox cêr 110 pur fưx cuôr têx ar poz jêz lok sâuv plas cêr uô trâu têx yêz lax muk lok. Chor yêz mêir, yêz lox 4 lênhx nênhs jâuv mak muk lok tsik tâu đhâu txox cêr no hâur 1 six hơưv. Txos thâuv 5 six 30 phênhz zuôr tsâuk ntux đros hnuz, ntux nas zâu jux juk, chor đêx cux grek sêi, chor yêz cux tưz piz tror muk lok tâu li kuz.

Lơưr qơư njuôk ntux yar ntux nas thax tsav Tây Bắc, hâur têx six hơưv zuôr txos, tỉnh Sơn La tror muôx ntux nas, têx qơư lok nas lox, zôngx ziv muôx yưv đêx ngaz cuôr, ar poz ntơưv têx huyện: Bắc Yên, Yên Châu, Mường La, Mai Sơn, Phù Yên, Sông Mã. Viv li, sơưr đơưk tsuv uô jông sêiz shuôk, phax tar têx phiv liv zuôr muôx yưv li hêik tas co./.

(Trấn Long-Lik Thox cxêik nhênhv