Cán  bộ, đảng viên thiêz pêx xênhv cxuô mênhx cxưx tỉnh Lào Cai tsênhv lok six tsov cưv txos Đại hôiv Đảng tas nro têz qơưk jiês tiv 13, đros siêz vav tok njôngr txos Đảng li chox car thiêz têz qơưk têx hlôngr yiêz. Zơưv Trần Minh Sáng, Bí thư Huyện ủy Bảo Thắng, tỉnh Lào Cai hêik: “Pêz lok six khov vav txos trâu Đảng li Đại hôiv 13, no zuôr zos jiês đại hôiv muôx ntâu kror chiê paz trâu têz qơưk huôv tsar; tiv zix, Đại hôiv zuôr bâux xêir tâu chor nênhs muôx txâuk txux chi, siêz xar chiê paz trâu têz qơưk hâur ntu zuôr txos”./.

(An Kiên-Lik Thox cxêik nhênhv)

Jos Huổi Ho, xã Mường Mươn, huyện Mường Chà, tỉnh Điện Biên muôx 41 ziv chuôz zis đros 237 lênhx nênhs, 100% puôr lênhx zos ziv chuôz zis pluôs, chuôz zis zuôr xar pluôs. Hâur jiês qênhz yuôx nhiv kruôr đhâu, 3 chuôz zis tưz uô ntêx thor hla đhâu cêr pluôs, txơưv luz nênhx tsênhv yuôr ntâu phêv liv, co zos chuôz zis tsar jos Lý A Dính thiêz 2 tul cưr zos Lý A Phổng thiêz Lý A Hờ. Co cux zos têx chuôz zis uô ntêx nyuôk txưv zênhv thor hla đhâu cêr pluôs nhoz huyện Mường Chà shông 2020. Tsar jos Huổi Ho Lý A Dính puz pâuz, đhâu 5 shông muôx bê zos ziv chuôz zis pluôs, txos hli 11/2020 tix lâuk cuiz tênhv thor hla đhâu cêr pluôs chiê tsês phênhv paz txưv trâu chuôz zis txơưr. Tsar jos Dính heik: “Txơưv tsi muôx hâux lưv uô ngaz tul, taz sik muôx đas jos mak chiv chir sir jos tâu, tsi tos njôngr txos têz qơưk li paz txưv thiêz. Zuk zos tsar jos tsuv uô ntêx nyuôk chiê pox nhuôs uô lơưr”. Heik tâu, txơưv uô tâu, đrâuv sir jos tsoz phưz 2 hecta blêx thiêz tu zus keiz, nhux tưv, chos zuôr xar 2 hecta txir pôngr lux, njuôs xav chuôz zis li phênhv sâu hâur shông no zuôr tâu muôx nhos 100 tsov đeiv./.

(VOV4-Txâur Vax cxeik nhênhv)

Khắc Kiên, nênhs sâu xor xưv Đaix TNVN thax tsav faz Bắc xa mông: Têis cik sơưr nzor ntơưv qơư tox siêz Tả Lèng, huyện Tam Đường, tỉnh Lai Châu jêx tưv oz pêz hnuz no txix 4 txos 6 tưv, ntux no njiv. Cưk kriê ntơưr Đèo Thị Tâm, Hiệu trưởng tsêr cơưv nhuôs zâu Tả Lèng puz pâuz: Tsêr cơưv nhiv no muôx 13 lớp, đros muôx 400 ntâu lênhx shux xênhz thiêz 6 qơư cơưv zâu. Chiê trâu chor shux xênhz muôx đas jos jông hâur têx hnuz ntux no chênhr, no njiv no, Ban giám hiệu tsêr cơưv ntơưr tưz hêik yênhx lênhx cưk kriê ntơưr ciês thâuv txêik tok chor nhuôs tuôx tsêr cơưv ntơưr mak tsuv uô sor trâu chor shux xênhz txix tsưr ziv cơưv hâur lớp cơưv, cux xưk li bax têx zav nox, đêx hâuk sor trâu shux xênhz: “Tsêr cơưv ntơưr cux tsênhv tror sir jos uô côngz xưv hêik shux xênhz chor niêv txir tsuv hnar trik yo sor trâu chor shux xênhz txix tsêr tuôx txos tsêr cơưv ntơưr. Thiêz thâuv tok shux xênhz muk tsêr mak cux tsuv muôx câuk mov, fuôv trâu shux xênhz ntông thiêz câur cov sor. Đros chor nhuôs zâu mak shux xênhz chox tuôx choz zok ciês trâu cưk kriê ntơưr cov thiêx tso siêz thiêz tsêr cơưv ntơưr cux zuôr hêik ciês tâu trâu shux xênhz niêv txir pâuz thâuv muôx yưv têx phiv liv tsik jông li mê nhuôs hnôngk, cuz, muôx moz…”./.

(Khắc Kiên-Lik Thox cxêik nhênhv)

Ban chỉ huiz phax tar ntux nas thiêz nriêr chơưv nanv tỉnh Yên Bái li ntâus grê, chor tsiêx cxu nhoz tỉnh trâus tuôs no hâur jiês no njiv nhiv kruôr đhâu zos 75 tul. Txơưv pox nhuôs tưz chuv tôngv cơư tsiêx cxu, their guôx tu zus cov jông, taz sik tiv jêx tưv grês kis, tox siêz muôx đâuk bê viv li iz cxiê tul nhuôv nhux thiêz nhux lâuk tưz trâus tuôs. Chor tsiêx cxu tuôs no phênhv ntâu nhoz huyện tox siêz Trạm Tấu thiêz Mù Cang Chải. Njuôs xav ruôr hiêv 1,4 tỷ đeiv ntâu. Đros thiêz hâux lưv qênhz yuôx, thôngz sâu têx trâus ruôr hiêv, têx nganhx, tiv phaz tỉnh Yên Bái tror yax mông, heik kriê tsôngv box chuv tôngv tir tar ntux no njiv tâu njuôs pov tror muôx têx txơưr txar hâur ntu zuôr txos./.

(Thừa Xuân-Txâur Vax cxeik nhênhv)