Ngênhx kôngz nuv đros trâu hâu nov cxuô tsênhv qơư tưz sir jos uô luôs hâux lưv tir thêir caz moz ơưk trâu tsiêx cxu thiêz xav txos trâu ntu no, tỉnh Sơn La tưz muôx 123 xã tsik muôx caz moz ơưk buô Châu Phi huôv xênhz. Đuô li cxuô luz xã nhoz oz luz huyện Mường La, Thuận Châu xav txos trâu têx hnuz no, tưz tsik pov muôx yưv caz moz ơưk buô Châu Phi huôv xênhz nzir. Thiêz hâur ntu đhâu, tsuôk zos iz cxiê chuôz zis tu zus buô thiêx pov muôx yưv iz cxiê tus buô thiêx trâus cik caz moz ơưk buô Châu Phi. Đuô li têx thax tsav qơư tu zus ntâu buô li Mai Sơn, Mường La cux tsik pov muôx yưv caz moz ơưk buô Châu Phi. Zơưv Nguyễn Thành Công, Giám đốc sở kôngz nuv huôv tsar tox siêz tỉnh Sơn la hêik pâuz:

  “Iz faz tsưr ziv zos ngênhx kôngz nuv, yax kriê cxuô thax tsav qơư zus buô tsuv tsuôs yuôx tuô caz moz ơưk trâu têx guôx tu zus cov zos đrêiv tsưr ziv tso tơưv tsik chiê muôx yưv caz moz ơưk buô Châu  phi”./.

                   (Tsu vưx cxêik nhênh-Ly Thao-Tuyết lan)

Truôx tuk vêv xênhz zav nox thâuv tưs tưz zos cxuô tsêr cơưv uô jâuz uô mor nox trâu shux xênhz nhoz thax tsav tox siêz Yên Bái têx cêr cxơưx hâur niêx hnuz. Ntơưv tsêr cơưv phưv thôngz mênhx cxưx chêx chôngz lok zos tsêr cơưv Phổ thông dân tộc nội trú cxênhx 2 huyện Lục Yên, tỉnh Yên bái muôx 8 lớp, zuôr xar 270 lênhx shux xênhz zos tsôngv box heir nênhs tsơưs têx tuz nhuôs li: Cho, Tày, Nùng..... 100% lênhx nhuôs shux xênhz vax tsêr puôr lênhx nhoz đêz thiêz nox nhoz, xênhz huôx hâur tsêr cơưv. Chiê têx nhuôs muôx pluôk nox taz por tsơưr lươngv thiêz truôx tuk, tsêr cơưv tưz yưv pênhr zuôr nzir têx chuôz zênhx phưx vưv uô jâuz uô mor nox trâu shux xênhz. Iz chas ntơư, kriê têx shux xênhz tưx chos jâuz chiê muôx nzir têx jâuz hur thiêz pluôk nox truôx tuk trâu têx nhuôs shux xênhz. Cưk kriê Trần Đình Vũ, thơưx seiz car tsêr cơưv phổ thông dân tộc nội trú cxênhx 2 huyện Lục Yên heik pâuz:

“Ban Giám hiệu tsêr cơưv tưz phênhz côngz iz lênhx đôngx chir seiz car tsi so qênhz yuôx, heik uô jông lơưr cui tinhv. Lok sâuv uô jâuz uô mor nox, mak tsêr cơưv tưz bax muôx txâuk têx chuôz zênhx phưx vưv uô jâuz uô mor ntơưv qơư uô jâuz mor. Hâur six hơưv uô têx hâux lưv heik sâuv, lênhx cưk yuôx thâuv tưs tưz tsês iz kro mê njik têx jâuz nhôngk, jâuz siêr chiê qênhz yuôx shuôs. Lar heik, tsêr cơưv heik têx qơư muôs jâuz cov thâuv tưs tưz muôss têx jâuz hur ntơưv thax tsav qơư nhoz, tsi tâu muk zuôr têx jâuz uz no tsi hur, tsi taz por saz đrâuv lok”./.

                                      (TTTB-Riê Lâux cxeik, nhênhv)

Trơưk li tsênhv  qơư y tế huyện Mường Chà thôngz sâu, xav txix hâur shôngk shông txos trâu nhiv no, hâur thax tsav huyện tưz muôx iz cxênhz lênhx nênhs trâus cik caz moz khâuz thuôk. Xav txix hli 8 txos trâu hli 10, huyện muôx 340 lênhx trâus cik caz moz khâuz thuôk. Chor nênhs trâus cik moz khâuz thuôk zos mê nhuôv zâu.

Chênhr zos li hêik ntơư, tsênhv qơư y tế huyện tưz yax kriê cxuô faz tsưr ziv tir thêir caz moz khâuz thuôk trâu tsôngv px hâur thax tsav. Zơưv Lương Hậu Tân, thơưx sêiz car tsênhv qơư y tế  huyện Mường Chà hêik pâuz tiêk: Têx moz khâuz thuôk ntơư tsuôk zos muôx yưv txix 2-7 hnuz; taz sik, zos mê nhuôv mak khênhr moz muk trâu têx hlaz siêz njưk. Viv li, zos thâuv pov mê nhuôv zâu muôx yưv li hêik ntơư tsuv chox zênhx max muk sêiz njuôk shuôk trâu tsêr kho moz./.

                                  (Tsu vưx cxêik nhênh-Thào Ly-Lường Hạnh)

Mường Tè zos huyện thax tsav ntus đriv, muôx ntâu har jôngr yax hâur tỉnh Lai Châu. Têx shông đhâu, khov têx nhiêx txiêx têz qơưk muôz por hưv jôngr, tsôngv box muôx phênhv sâu tâu truôx tuk, pâuz tâu tsênhz txos hâux lưv tu, por hưv thiêz huôv tsar jôngr zos zov chênhr. Trơưk li zơưv Đao Văn Hân, Phưv Hạt tsar Hạt kiểm lâm huyện Mường Tè (chi cục kiểm lâm tỉnh Lai Châu), thax tsav huyện nhiv no muôx zuôr xar 168 cxênhz ha jôngr ntông, têx shôngz ntông njuôz vor tox trôngz câuv har zos xar muôx 65%. Shông 2018, tsôngv box tưz tâu lênhk txeil xar muôx 180 tỷ đeiv txix tsênhv chei têz qơưk muôz nhiêx por hưv jôngr. Luôs hâux lưv por hưv, huôv tsar jôngr tưz tâu cấp ủy, hâu nov ntơưv qơư xav zos hâux lưv zov chênhr, zuôr trâus moz siêz txos uô uô ntêx./.

(DTMN-Riê Lâux cxeiv, nhênhv)