Bộ zoz thôngz vận tải nhiv kruôr muôx ntâuz ntơưr xa trâu UBND tỉnh Yên Bái hêik pâuz chêx cur njuôk shuôk qir tiv phiv liv qox Ngòi Thia ntơưv txos cêr Văn Chấn-Trạm Tấu nhoz thax tsav thị xã Nghĩa Lộ, tỉnh Yên Bái. Phiv liv co zos tiv ntux têz uô hiêv thâuv qiv hơưv txơưr txar lox, thax tsav txơưr txar ntâu.

Ciês muôx yưv txuz hâux lưv no, Bô zoz thôngz vận tải tưz sik côngv đros UBND tỉnh Yên Bái yênhx lix tổ qênhz yuôx têx phiv liv chiê xav jênhv qir tiv qox Ngòi Thia trâus hiêv./.

(Đinh Tuấn-Lik Thox cxêik nhênhv)

Hnuz 19/12, ntơưv TP Lai Châu, tỉnh Lai Châu, tưz tsưr tsix sik njiz sik thav jiês tiv 12 nhoz đoanx đại biểu bôv đôiv pênhz phax thax tsav Mông Tự, tỉnh Vân Nam, Trung Quốc đros thiêz đoanx đại biểu Bôv đôiv pênhz phax Lai Châu (Việt Nam). Đros thiêz têx cêr fôngx zưs, siz paz, 2 đoanx đại biểu tưz siz chos ntâuk grê lok luôs hâux lưv uô lơưr têx ntâuz ntơưr tưz sik đros cir tsês hâur jiês siz njiz sik thav tiv 11 (txix hli 12/2016 txos hli 12/2017). Iz chas ntơư, 2 tos tưz zênhx max siz heik pâuz lok têx nênhs fêv thiêz têx uô cxâuv Hiệp định lok cui tinhv seiz car đriv têz li têx nuv uô; bax tsưr ziv sik đros đơưk tu têx tsi jông muôx yưv nhoz đriv têz txix ciês ntơưv qơư, siz chos tuôr truôx txiv ngaz XH nhoz thax tsav ntus đriv. Lar heik, 2 tos tưz uô jông hâux lưv nhênhz chơưv trâu têx hloz, sik đros tsưr tsix uô têx tsênhv njiêz hâur tsaz yênhx hữu nghị côx phax Việt Nam-Trung Quốc jiês tiv 4./.

(KT-Riê Lâux cxeik, nhênhv)

Têik cik 19/12, ntơưv tox siêz Mộc Châu, tỉnh Sơn La tưz muôx jiês kriz uô côngz trinhx cxiv tsa tsêr mêir uô txir lưk kâuz hmaz, jâuz, txir, kok muôs tơưv saz đrâuv têz qơưk; txêik jênhv chứng chỉ Global G.A.P trâu qơư chos txir lưk kâuz hmaz Nafooods ntơưv Mộc Châu thiêz muôs chor txir lưk kâuz hmaz xuz thơưx ciês trâu Châu Âu. Tsêr mêir uô txir lưk kâuz hmaz, jâuz, txir, kok tâu cxiv uô ntơưv qơư công nghiệp Bó Bun, xã Đông Sang, huyện Mộc Châu, tỉnh Sơn La sâuv thax tsav muôx 2 ha, tas nro pênhr yưv uô trâu oz ntu zos 200 tiv đêiv. Njuôk xav txos hli 9/2018 tsể rmêir zuôr piz huôx tôngv. Dự án tâu yưv pênhr uô đros chuôz zênhx jông, uô tâu 120 tấn txir lưk kâuz hmaz, jâuz, txir, kok yênhx hnuz. Zơưv Nguyễn Văn Anh, Chủ tịch Hội đồng sêiz car côngz ty cổ phần Na Fooods Tây Bắc puz pâuz:

“Hâur Nafooods li têx tsiv gri tsêr mêir no zos kror chênhr, thôngz đhâu tsêr mêir no mak txir lưk kâuz hmaz, jâuz txir kok li têx hax huv nhoz Sơn La đhâu ntâu ntu uô zuôr buôs ti tâu ciêz đrôngs thênhv siêz tiv zix. Kror tsênhz zos nhiv kruôr đhâu, Sơn La chor txir lưk kâuz hmaz tưz tâu muôs ntơưv ciêz đrôngs Châu Âu. No zos iz hâur têx xor xưv lox tưz tsik zos Sơn La xưz mak tsênhv trâu nganhx kôngz nuv Việt Nam”./.

(Tuyết Lan-Lik thox cxêik nhênhv)

Nhiv kruôr đhâu, Đội Cảnh sát qênhz yuôx têx nênhs fêv uô cxâuv chei lok txiv ngaz seiz car kinh tế, chức vụ thiêz tênhx qơư-Công an TP Lào Cai li tổ côngz xưv tsênhv thâuv uô hâux lưv hâur thax tsav jok 1, phường Lào Cai, TP Lào Cai tưz qênhz pov iz lênhx pox niêv tsar iz luz yêz meir muôx biển số 24B1-023.16, lok  txix xã ntus đriv Bản Phiệt, huỵên Bảo Thắng, tỉnh Lào Cai lok trâu hâur TP tâu xav zos thâux têx tuk tsi tsik trơưk chei. Lưv lươngv muôx vax huôv xuz thơưx xav tinhv, hur si 2 thôngz thâux sâuv yêz meir muôx  puôr lênhx zos têx fov ntơưr txix Trung Quốc lok, muôx 54 cir. Đhâu thâuv tsưr tsix qênhz yuôx shuôs ntơưv lênhx pox niêv co tsêr, lưv lươngv muôx vax huôv qênhz pov thiêz sâu tsês tâu nzir 8 thôngz thiêz, saz hâur puôr lênhx zos fov ntơưr, muôx 213 cir.

Tâu pâuz, lênhx pox niêv trâus ntêk tâu co zos Nguyễn Thị Thanh, nhoz jok 10, phường Lào Cai, TP Lào Cai. Nhiv no, txuz plâuz co tsênhv tror tâu Công an TP Lào Cai qênhz yuôx, uô tsênhz mênhx./.

(An Kiên-Riê Lâux cxeik, nhênhv)