UBND tỉnh Yên Bái nhiv kruôr muôx ntâuz ntơưr hêik cxuô ban, ngahx, tiv phaz kho đuô uô lơưr têx cui tênhv hâur nox yôngz, cok, uô đaz uô kruô sâuv thax tsav. No zos tsưr ziv jông đros thiêz hâur ntu đhâu muôx ntâu ziv chuôz zis nhoz Yên Bái nox hâuk yôngz cok, uô đaz uô kruô, têx xor xưv hâur plas cêr, ntus cêr, tsik xar txos têx phiv liv zuôr muôx yưv. Lơưr co, UBND tỉnh Yên Bái hêik Công an tỉnh, Sở zoz thôngz vận tải chox kriê têx cơ quan, taz viv cik txos tsuv sir jos uô côngz xưv qênhz yuôx thiêz xưv lik truôx jông têx uô cxâuv li hêik co…/.

(Đinh Tuấn-Lik thox cxêik nhênhv)

Zar hnuz keix hnuz 19/3, chi cục tu zus thiêz thú y, Sở kôngz nuv thiêz huôv tsar nôngx cxênhz tỉnh Lai châu thiêz chinhr quyênx huyện Tam Đường xav jênhv, sâuv thax tsav nhov kruôr pov muôx moz ơưk buô châu phi huôv xênhz ntơưv xã Thèn Sin, huyện Tam Đường. Ciês thâuv muôx chêx cuk njuôs siv, chiz coaz muôx txơưx jênhv tỉnh Lai châu tưz đros chinhr quyênx tiv phaz tsưr tsix uô ntâuz ntơưr muôz phâus por tsês paz buô muôx 111 tul; thôngx cxix cêv kuôk, yênhx lix têx qơư tir tar mul lok hâur xã chiê seiz car moz. Zơưv Trần Văn Sứng, Phưv chủ tịch UB huyện Tam Đường, tỉnh Lai Châu puz pâuz:

“Huyện tưz chêx chôngk chox kriê têx lưx lươngv chuyên môn đros xã phâus por tsês paz buô lơưr trơưk cui tênhv. Thôngx cxix huyện cux đros xã yênhx lix têx qơư chiê coar lik hâux lưv mul lok thax tsav xã Thèn Sin no chiê taz por moz tsi cik mul đêz đar”./.

(Khắc Kiên- Txâur Vax cxeik nhênhv)

Nhiv kruôr đhâu, iz cxiê tài khoản facebook tưz tơưv xor mông lok grêix buô muôx caz moz tâu muôs ntơưv ciêz muôs sơưr nzor nhoz thị trấn Phố Lu (huyện Bảo Thắng, Lào Cai). Têx xor mông co tâu piêr pâuz sêi, ntâu tài khoản hêik cov tsik zuôr grêix buô, sơưr đơưk tsuv zuôr têx hax huv txơưr đuô. Đhâu nriêr pâuz xor mông, Ủy ban huyện Bảo Thắng tưz chox car cơ quan muôx vax huôv muk qênhz yuôx. Đhâu qênhz yuôx, têx xor mông hêik lok têx grêix buô trâus cik caz moz tâu muôs hâur ciêz sơưr nzor mak tsik muôx tsênhz thiêz hêik Công an huyện qênhz yuôx, xav jênhv têx tài khoản facebook hêik yưv têx xor mông tsik jông co chiê xưv lik lơưr cuiz tênhv./.

(An Kiên-Lik Thox cxêik nhênhv)

Zar hnuz keix hnuz 19/3, công an huyện Mộc châu tỉnh Sơn La đros Zênhx pênhz phax trôngx đriv Lóng Sập, Bộ chỉ huiz bộ đội pênhz phax tỉnh Sơn La pov, ntês tâu iz lênhx nênhs thâux gra zax zênhz. Co zos Cầm Văn Tuấn, xênhz shông 1998, nhoz jos Lắc Phương, xã Chiềng Sơn, huyện Mộc Châu, tỉnh Sơn La. Sâu tâu 11 cxênhz 800 njiêr zax zênhz, 1 cir zax zênhz uô txiêk, 1 luz điện thoại di động, 1 luz yêz meir đró iz cxiê chuôz zênhx txơưr muôx lênhx coaz. Nhiv no hâux lưv no tsênhv tror tâu Công an huyện Mộc Châu krêz đar qênhz yuôx./.

(Trấn Long- Txâur Vax cxeik nhênhv)