Cxôngx qênhx shênhx moz cô vít 19 muôx ntâu txơưr txar, Tsêr kho moz tỉnh Yên Bái tưz yênhx lix qơư fuô moz tsês trâu nênhs trâus moz cô vít 19 thâuv zuôr trâus fuô moz ntơưv tsêr kho moz. Qơư fuô moz phưx vưv nênhs moz cô vít 19 no tâu bax cxix cxuô têx chuôz zênhx y tế zuôr trâus chiê fuô moz chơưv kho moz trâu lênhx nênhs trâus moz cô vít 19. Hâux lưv yênhx lix qơư fuô moz no zuôr paz tsôngv box tso siêz, njênhs njôngr đuô lok tỉnh Yên Bái li côngz xưv phax tar moz cô vít 19./.

(Tuấn Xuân- Txâur Vax cxeik nhênhv)

 Lai Châu muôx 265 ntâu cêik cêr đriv têz nhoz buôk chiêv Trung Quốc thiêz muôx yênhx puô txox cêr mê, cêr lus mul lok đhâu tâu tsôngv px uô nênhx nhoz 2 saz đriv têz krêz mul lok thiêz tsuôk 2, 3 truôv xưz muôx têx muk tâu đhâu trâu saz đrâuv luôs têz qơưk. Iz tỉnh pluôs thiêz txov nhêv li ntơư, taz sik txix thâuv muôx moz Covid-19 huôv xênhz saz tov Trung Quốc, têx tuz lênhv pênhz phax Lai Châu tưz uô yênhx puô kror qơư seiz jor ntơưv têx cêr mê, cêr lus mul lok đhâu co, muôx ntâu lênhx nênhs đros uô luôs hâux lưv no, tsi chiê tsôngv px sđ mul lok đhâu hâur têz qơưk mak tsi tâu seiz njuôk shuôs đas jos, tso chor nênhs zôngx ziv trâul cik tâu moz nưk nhoz nưk iz kro.... Tuz lênhv pênhz phax Lai Châu cux uô jông hâux lưv yax kriê trâu tsôngv px nhoz jê đriv têz lok moz Covid-19 li têx riêz nênhs, cux li têx tsưr ziv phax tir thêir moz xưk: Tsi nhoz jê đros chor nênhs tsi pâuz, tsi siz zâuv muk nhoz uô cê chôngz nênhs, tsi so muôz xaz phôngx nzuôr têk, chox ntâuz bos kror ndâux thâuv muk saz đrâuv jôngr....Txos nhiv no, tsôngv px cxuô jêx jok nhoz jê đriv têz ntơưv Lai Châu puôr lênhx pâuz tsênhz lok moz têx riêz nênhs thiêz tsưr ziv phax tir thêir./.

(Khắc Kiên-Riê lâux cxeik, nhênhv)

Tas nro tỉnh Yên Bái tưz muôx zuôr xar 205 cxênhz ziv chuôz zis cir ntơưr uô jông tsưr ziv phax tar moz cô vít 19, tax 96%. Hâur co, 5/9 tiv phaz tưz uô tiêr hâux lưv cir ntơưr đros 100% têx ziv chuôz zis co zos têx huyện Trạm Tấu, Yên Bình, Mù Cang Chải, Văn Yên thiêz thành phố Yên Bái. Ban chox kriê phax tar moz cô vít 19 tỉnh Yên Bái cux heik tsôngv box tsuv yax six uô vêv xênhz phax tar moz hâur niêx hnuz lơưr Bộ y tế li heik kriê. Tsi mul têx thax tsav muôx moz huôv xênhz; tsi mul têx tỉnh txơưr ntâu zos tsi zuôr trâus; tsi chêx chôngk cxaz chuôz têx huôx tôngv muôx chôngz lênhx nênhs; uô trơưk cui tênhv phax tar moz thâuv mul yêz kruô; chox đeiv ntâuz bos kror ndâux thâuv mul trâu têx qơư muôx chôngz lênhx nênhs. Tso tsês têx hâux lưv tsik tsưr tsix nox yôngz, ntênhs tuôs mak tsuv uô sei thiêz uô jông têx tsưr ziv phax tar moz siz cik./.

(Tuấn Xuân-Txâur Vax cxeik nhênhv)

Txeik tâu mông txix tsôngv px heik pâuz lok sâuv ntâu chuôz zis tsôngv px têx đêr trâul tuz saz nhiês, Công an huyện Mộc Châu tưz iz cxix fuô uô têx faz tsưr ziv thiêz tso lênhx nênhs muk qênhz shuôs, yơưz phơưz thiêz xav tâu tiêk: Đào Thanh Tuấn, xênhz zus shông 1983, nhoz ntơưv jok 8, Hiệp Hương, Hạ Hòa, Phú Thọ thiêz Đinh Công Đức, xênhz zus shông 1985 nhoz ntơưv jok Tân Bình, xã Mỹ Lương, huyện Yên Lập, tỉnh Phú Thọ chênhr zos têx lênhx uô tuz saz nhiês đêr hâur thax tsav. Công an huyện Mộc Châu tưz qir têk hlo sox, ntêk cxov tâu chor nênhs uô tuz nhiês têx đêr heik sâuv. 2 lênhx nênhs co tsưr ziv zos zôngv yêz meir thiêz fov tênhv chiê mul tâus cêr hâur thax tsav 2 thị trấn Nông trường thiêz Mộc Châu chiê tuô, nhiês têx đêr. Thâuv seiz pov đêr nhoz jê têx ntus cêr, 2 lênhx nênhs no tưz tsar yêz muk jê têx đêr thiêz tso fov tuô cov đêr lôngx, đhâu ntơư muôz ntâuz, hnaz tax câur đêr kror ndâux tso trâu sâuv yêz chiê thâux muk muôs. Nhiv no txuz nuv co tsênhv tâu cơ quan muôx vax huôv qênhz yuôx, uô tsênhz mênhx./.

(BTS-Riê Lâux cxeik, nhênhv)