Bộ zoz zux thiêz thox cxov tổ côngz xưv tưz uô hâux lưv đros Sở Zoz zux thiêz thox cxov tỉnh Sơn La txix 3 six zar hnuz kêix 19/7 seiz kaz, buôk ti xav jênhv đros Hội đôngx tưr thik tỉnh Sơn La chiê nzor muôx têx mông tsênhz mênhx. Tsôngv box Sơn La tsênhv vav chiê siêz tiêk, Bộ zoz zux thiêz thox cxov đoanx côngz xưv zuôr uô tsênhz mênhx tâu têx mak sđ heik ntâu txos shux xênhz Sơn La têx điểm thik tâu siêz hâur jiês thik cơưv tiêr ntơưr lớp 12 thôngz têz qơưk shông 2018 nhiv kruôr đhâu ntơưv tỉnh Sơn La. Nguyễn Thành Tiến, nhoz huyện Yên Châu, tỉnh Sơn La heik:

“Cux zos iz lênhx shux xênhz dự thik cơưv tiêr ntơưr lớp 12 thôngz têz qơưk shông no mak cur pov têx jax thik shông no lok six lax uô tâu, taz sik têx fôngx zưs ntơư lơưr ho uô jax thik tâu điểm siêz mak cur cux shir phaz đros lơưr têx fôngx zưs ntơư, taz sik ho muôx iz cxiê điểm tsi jông xưk li sđ heik co mak cur lok six pôngz siêz. Viv li muôx đoanx qênhz yuôx tuôx no qênhz shuôs mak cur vav chiê siêz tiêk, zuôr qênhz shuôs, pâuz tâu tsênhz mênhx chiê côngz fênhx trâu pêz têx shux xênhz sđ”.

Yuôr pos Bùi Kim Oanh , nhoz phường Tô Hiệu, TP Sơn La mak heik li no:

“Cur pov no zos iz kro tsi jông, lar heik zos đrok txos chor uô niêv uô txir, têx nhuôv shux xênhz lơưr cux lok six txax muôs thâuv têx điểm thik ntơư tsênhz tiês tsi zos zuk li. Jâuv no đoanx qênhz yuôx tuôx qênhz shuôs, mak cur cux vav chiê siêz tiêk, đoanx qênhz yuôx zuôr zok nriêr tâu têx uô zuôv thiêz muôx tsưr ziv tik cêr cxâuv, tsưr ziv đơưk uô li chas chiê têx jiês thik hâur têx shông txuôk nzir ntơư tsi muôx têx li heik co yưv siv”./.

(Trấn Long-Riê Lâux cxeik, nhênhv)

Viv coz nas chuô số 3 uô ruôr hiêv, ntâu thax tsav nhoz tỉnh Yên Bái, txix hâur oz pêz hnuz đhâu, ntux lok nas lox truz ntêr hnuz, lar hêik zos thax tsav faz Tây, cxuô tus đêx tưz huôv lox. Muôx têx li hêik ntơư, Ban sêiz car tir thêir nas chuô, zok nriêr chơưv paz lênhx nênhs tỉnh Yên Bái tưz hêik trâu cxuô ban ngênhx, cxuô tsênhv qơư, tsuv uô cxuô luôs hâux lưv bax cxuô zav tir thêir nas chuô, tsik chiê uô ruôr hiêv txos tsôngv px sđ luz nênhx. Zơưv Nguyễn Ngọc Xuân, phưv Giám đóc Sở kôngz nuv huôv tsar tox siêz tỉnh Yên Bái hêik pâuz:

“Ntux lok nas, muôx têx jiês zuôr uô đêx ngaz, cuôr yôngz thiêz tsik puz px muk lok đhâu hâur têx hnuz muôx ntux nas lox; kror tiv oz, ntux lok nas cux zuôr uô trâu tox poz, thâuv tsôngv px muk khưr uô liêx têz, tsuv ndo njôngr sêiz shuôk thâuv muk lok đhâu cêr, tsik chiê nas chuô uô ruôr hiêv txos sđ luz nênhx, txox siê”./.

(Tsu cxêik nhênhv-Tuấn+Xuân)

Txix iz đraz hli 5 txos nhiv no, hâur thax tsav tỉnh Lào Cai muôx 300 ntâu lênhx trâus moz kruô max kruô piêk thiêz moz uô no tơưv têx luz poz hlưr đêx jông xưk li moz kriê piêk, hâur co 90% zos nhuôv zâu, phênhv ntâu nhoz trâu huyện Sa Pa, yuôr đuô li zos nhoz cxuô nro trâu 2 huyện Bát Xát thiêz Bảo Thắng. Xav kror đruôz đraz iz hnuz muôx txix 6-7 lênhx trâus moz yiêz. Txix têx phiv liv li heik co, tỉnh Lào Cai tưz chox kriê cxuô thax tsav qơư cxơưz tiês uô luôs hâux lưv qênhz shuôs, phax tir thêir moz gênhs; hâur co, muôx tso tơưv tsưr ziv fuô uô luôs hâux lưv cxax yuôx vắc xin phax tar moz kruô piêk-Rubella trâu têx nhuôs zâu hâur hur si tỉnh. Iz chas co, hâur hli 7 thiêz hli 8, tas nro 100% huyện, TP hâur Lào Cai zuôr uô lơưr cxax yuôx vắc xin phax tar moz trâu 145 cxênhz ntâu lênhx nhuôv zâu txix 1-10 shông. Taz por tsơưs tsơưs 95% hâur têx nhuôv no zuôr tâu cxax cxaz nzir iz côngz yuôx vắc xin phax tar moz kruô piêk-rubella. Xav hur si têx nhiêx txiêx trâu uô luôs hâux lưv co tas muôx nhos 4 tỷ đeiv ntâu./.

(An Kiên-Riê Lâux cxeik, nhênhv)

Công an qênhz yuôx chor nênhs uô cxâuv chêi, nhiês zuôr muôs zax zênhz, công an tỉnh Điện Biên nhiv kruôr đros tuz lênhv Biên phôngx Thanh Luông, yơưz phơưz tâu txuz nênhs fêv zuôr muôs zax zênhz. Ntơư zos ntêk cxov tâu oz lênhx trâu thâuv tsênhv taz tov thâux zax zênhz chox muk muôs. Ntơư zos zơưv Lò Văn Địa, xênhz zus shông 1979, nhoz xã Thanh Luông, huyện Điện Biên; Zơưv Lò văn Kiên, xênhz zus shông 1984, nhoz jos Chiềng Chung, xã Thanh Luông, huyện Điện Biên. Ntơư zos yơưz phươz tâu iz đêiv zênhz đơưz,2 luz yêz máy, oz luz máy hu xor tôngx.

Nhiv no, công an tsênhv taz tov qênhz yuôx  cov tsênhz mênhx chiê muôz tik cêr cxâuv cov zos đrêiv chêi têz qơưss tso tơưv./.     

(Tsu cxêik nhênhv-Vũ Lợi)