Lơưr Ban sêiz car ntux têz uô hiêv thiêz zok nriêr chơưv paz tỉnh Yên Bái, ntux nas đêx ngaz cuôr tiv phiv liv txix coz chuô số 4 tưz uô hiêv ntâu txos lênhx nênhs thiêz cxuô zav, njuôk xav têx trâus hiêv tas muôx yênhx châuv tiv đêiv.

Thôngz sâu txos zar hnuz kêix 18/8, tas nro tỉnh Yên Bái muôx 130 luz tsêr trâus puôk tsuôx, hâur co muôx 3 luz tsêr nhoz xar Phúc Sơn, huyện Văn Chấn trâus đêx cuôr yôngz tas hur si, 3 luz tsêr nhoz huyện Trạm Tấu tsuv txar qơư nhoz sêi đrơưv tiv phiv liv txix ar poz.

Ntux nas lox cux uô hiêv muôx 6 ha blêx, trâus hiêv 36 tuk tsiêx cxu. Ntâu ntu cêr trâus đêx ngaz thiêz ar poz. Đros têx trâus hiêv tiv ntux nas chuô đêx ngaz cuôr, tỉnh Yên Bái tưz chox kriê têx cơ quan txơưx jênhv huiz tôngv lưx lươngv ntơưv qơư paz pêx xênhv khưx phưx; tsưr tsix txar chor chuôz zis muôx vax tsêr trâus đêx cuôr yôngz, puôk tsuôx muk trâu têx qơư truôx tuk đuô./.

(Đinh Tuấn-Lik Thox cxêik nhênhv)

Ntơưv Sơn La xav txos zar hnuz keix 18/8, tas nro tỉnh muôx 2 lênhx nênhs tuôs, 1 lênhx trâus plox mông tiv đêx cuôr yôngz tsi tâu tâu nriêr pov. Lol nas lox cux uô zênhr shar txos tsôngv box li yênhx châuv luz tsêr nhoz. Lok zaoz thôngz, sâuv têx cêr 6C, 37, 43, 4G mul têx huyện Phù Yên, Mộc Châu, Vân Hồ, Mường La puôr lênhx muôx tox poz uô yêz mul lol tsi tâu đhâu. Đrâuv co, lol nas cux uô tox poz vâu 2 tul ndêx tênhv trạm nta suôz Vina nhoz huyện Vân Hồ uô thôngz xor mông tsi tâu. Chinhr quyênx têx xã, jêx jos tưz thiêz tror huiz tôngv tsôngv box txar tsôgnv box, chuôz zênhx chuôz tas mul đhâu qơư riêz nênhs, cxơưz cxiz, chox kriê taz viv muôx tsưr ziv taz por zaoz thôngz, phưx vưv tsôngv box li zoz qơưx mul lol sâuv têx cêr./.

(Thu Thùy- Txâur Vax cxeik nhênhv)

Tòa an tỉnh Điện Biên nhiv kruôr hêik tuô tuôs 3 lênhx nênhs lok kror cxâuv muôl muôs tsik zos chêi tsơưr zax zênhz.

Lơưr Viện kiểm sát tỉnh Điện Biên li cáo trạng, hnuz 2/1/2018 Vưx A Xìa đros Muôk Thị Đớ thâux 6 luz hnaz tsax đơưz trâu chor yuôx zêx Thái Lan hâur hnaz muôx 489 thôngx zênhz đơưz hnhar xar muôx 171 cir, muôx gri 3 triệu USD (bâuv li 70 tiv đêiv nhiêx Việt Nam) txos đội C9, xar Thanh Xương, huyện Điện Biên chiê choz zok trâu Lò Văn Tiến chêk trâus cxov.

Xav pov chor nênhs co li kror cxâuv zos lok siz phiv liv trâu xar hôiv, tòa án tỉnh Điện Biên tưz xưv pêz lênhx nênhs zos Vưx A Xìa, Muôk Thị Đớ thiêz Lò Văn Tiến kror cxâuv tsuv tuô tuôs tiv muôl muôs tsik zos chêi tsơưr zax zênhz. Thôngx cxix sâu tsês Vưx A Xìa 180 triệu đêiv, Lò Văn Tiến 100 triệu đêiv trâu hâur nhiêx txiêx têz qơưk./.

(Vũ Lợi-Lik Thox cxêik nhênhv)

Hội têx lênhx nênhs muôx hnuz nhôngs siêz tỉnh Lào Cai nhiv kruôr tsưr tsix Phêv ziv kruôk têx lênhx nênhs muôx hnuz nhôngs siêz txơưx uô xênhz yar muôv muôs ntu 2012-2017. 5 shôngk đhâu, ntâu lễnh xnênhs tưz truôx siêz yưv pênhr tsiv uô xênhz yar, muôv muôs hâur vênhv thix kôngz nuv, jôngr nuv, cxiv tsa thiêz jix vuv, zaoz thôngz vênhv teiv....Txos nhiv no, tưz muôx 13 cxênhz lênhx nênhs cxaz chuôz uô kinh têr, hâur co muôx 2 cxênhz 517 lênhx nênhs txơưx uô kinh têr thiêz muôx phênhv sâu cxôngx 100-600 tsov đeiv iz shông, muôz hâux lưv uô trâu ntâu lênhx nênhs lox tôngv tiv phaz. Đrâuv co, đros chinhz yênhx zos lênhx nênhs uô ntêx nyuôk, nênhx muôx hnuz nhôngs siêz Lào Cai thâuv tưs cux zaoz zux, kruôz kriê tuz nhuôs uô jông Đangv li chuv trương, cêr chei; cxaz chuôz cxiv tsa luz nênhx vênhx huôv nhoz qơư tsôngv box nhoz uô nênhx, cxiv tsa nôngx cxênhz yiêz, cxiv tsa chuôz zis gruôs cơưv ntơưr, xênhv nênhs gruôs cơưv ntơưr..../.

(Thu Thùy- Txâur Vax cxeik nhênhv)