Hâur ntu 2019-2023, tỉnh Điện Biên xav jênhv uô cov tiêr hâux lưv choz zok ar, zok jôngr, cungz ntơưr sir zôngv ar jôngr nuv sâuv thax tsav tỉnh. UBND tỉnh Điện Biên chox kriê Sở Tài nguyên thiêz Tênhv qơư tror sik côngv đros Sở Kôngz nuv thiêz Huôv tsar jêx jok tox siêz, UBND têx huyện, thị xar, thành phố qênhz yuôx thax tsav ar jôngr nuv muôx jôngr thiêz tsik tâu muôx jôngr uô lơưr choz zok ar, zok jôngr thiêz cungz ntơưr sir zôngv ar jôngr nuv đros thax tsav muôx 367 cxênhz ha. No zos tsar tov chiê uô lơưr choz zok ar, muôz ntơưr sir zôngv ar, đros tas nro nhiêx txiêx chiê uô dự án zos 106,8 tiv đêiv./.

(KT-Lik Thox cxêik nhênhv)

Hnuz hôiv vênhx huôv, thêv thao, ju lix cxuô heir nênhs thax tsav Tây Bắc tror tsưr tsix uô têx txux chi li: Piêr kriê têx đuôz, têx qơư muôs têx xiv huv, nthuôr uô têx txux chi vênhx huôv heir nênhs tsơưs...., lar heik zos tsaz yênhx nthuôr uô têx cêr lov jêv heik gâux, cưr cxiêx, hnar têx tsôngk tril yo thâuv nzor uô trâu têx lênhx nênhs tuôx seiz kruôs nxiêl txos  cxuô heir nênhs thax tsav Tây Bắc têx txux chi vênhx huôv. Têx txux chi uô hâur hnuz hội zos six hơưv jông chiê trâu cxuô heir nênhs tâu siz chuôs njiz, sik cơưv shâuv têx tsưr ziv huôv tsar uô nox, muôx cêr sik thôngx siêz đros por hưv, tuôr tsês chiê cxuô heir nênhs thax tsav Tây Bắc têx txux chi cêr nênhx vênhx huôv jông thâuv nzor. Lò Thị Lợi, nhoz Tuần Giáo, tỉnh Điện Biên tuôx shir phaz heik:

“Cur nhiêv yax ntơưv hnuz hội no zos cxuô heir nênhs faz Bắc cêr sik thôngx siêz  thiêz têx tsôngk tril yo hnar, cur tuôx seiz cur cux pov lok six jông, tiv 2 zos pov tâu cxuô heir nênhs faz Bắc cêr sik thôngx siêz, siz sưv jê đuô”./.

(Đắc Thanh, Trấn Long -Riê Lâux cxeik, nhênhv)

Tây Bắc chêix no tsênhv jông jav tiv muôx ntâu têx pax jâuz, txir ntông. No zos six hơưv chor jâuz njuôz piz tơưs pax, zos hêir nênhs Hmôngz iz zav pax jâuz tơưs lok six jông gâux. Kror no paz muôx cêr shir phaz, lov jêv trâu cxuô lênhx nênhs ndis shuôk, uô si. Chiêx ntux lax lok thax tsav Tây Bắc, đros muôx chor txir tuôz ziz tsư kaz uô trâu têx thax tsav qơư nhoz no hax zav jông đuô. Nhoz Tú Lệ, Sa Pa, Mù Cang Chải, tsôngv box Hmôngz muk đê têx txir tuôz ziz pêv trôngz trik hâur cơưv chox lok muôs ntơưv têx ciêz. Du lịch chiêx ntux lax nhoz thax tsav Tây Bắc zos iz kror chiê ndis shuôk têx kror jông hâur têz qơưk Việt Nam, paz trâu cxuô lênhx nênhs muôx tâu têx nriêr pâuz tsiv gri lok tsar tov du lịch têz qơưk thiêz no cux zos tsar tov chiê têx tiv phaz huôv tsar du lịch côngv thôngx khov lơưr kriz uô txix têx kror liv, tsar tov zênhx muôx ntơưv tiv phaz./.

(KT-Lik Thox cxêik nhênhv)

Ntơưv ntu cêr nxaz Nà Lơi khênhr muôx yêz siz yar siz tsông tâus cêr nhoz thax tsav xã Nà Nhạn, huyện Điện Biên, tỉnh Điện Biên tsi so muôx têx txuz yêz nzênhr, ntos tox, txơưv têx cơ quan muôx vax huôv tưz muôx ntâu lul heik pâuz lok têx riêz nênhs ntơưv ntu cêr no.

Tâu pâuz, ntu cêr nxaz no ntêr muôx 7 cêik ntâu, nkhâuk lêv ntâu ntu. Txix hâur shôngk shông ntu cêr co tưz sâu jênhv muôx ntâu yêz trâus nzênhr, ntos tiv tsưx phưv tsi tâu yêz muk ndax cêr, hâur co phênhv ntâu zos têx yêz lox, ntêr, thâux hnhar. Cxuô cơ quan muôx vax huôv tỉnh Điện Biên tưz heik, no zos ntu cêr nxaz riêz nênhs, têx lênhx nênhs tsar yêz muk cêr đêz tsuv tsưv ziv qênhz yuôx shuôs têx yêz, max mav tsar tso yêz muk thâuv muk lol đhâu ntu cêr no./.

(Vũ Lợi-Ria Lâux cxeik, nhênhv)