Nhoz hâur têx huôx tôngv tsoz phưz, paz txưv mê nhuôs zâu ndax hnuz tsiêz trung thu shông no, nhiv kruôr đhâu, tỉnh đoàn Sơn La côngv đros Tsênhv qơư huôx tôngv hluôk nênhs, mê nhuôs zâu tỉnh tsưr tsix Tsaz yênhx paz txưv mê nhuôs zâu. Ndax six hơưv no, Ban tsưr tsix tưz khơưk muôz 20 phênhv huv trâu têx mê nhuôs muôx luz nênhx txov nhêv; khơưk muôz 1 côngz tsinhx “qơư nhênhv ntơưr- xênhz huôx đội” trâu Liên đoanx tsêr cơưv Trung học cơ sở Nguyễn Trãi, TP Sơn La. Đros co, Ban tsưr tsix cux xa 100 phênhv huv trâu têx mê nhuôs nhoz thax tsav tsênhv trâus cêv kuôk xã hội lơưr chỉ thị 16 nhoz huyện Phù Yên (Sơn La), gôngr phênhv chiê mê nhuôs tâu nox iz luz tsiêz Trung thu sor si, lov jêv. Niêv lâuk Cầm Thị Huyền Trang, Bí thư tỉnh đoàn Sơn La puz pâuz: “Đros têx mê nhuôs nhoz têx thax tsav uô lơưr chỉ thị 15, 16 ntơưv huyện Phù yên, pêz tsưr tsix tsiêz trung thu trực tuyến chiê mê nhuôs tâu seiz, thâuv pêz tsưr tsix mak mê nhuôs cux pov tâu khôngz qiv shir phaz hnuz tsiêz trung thu thâuv tsênhv cêv kuôk hâur tsêr”./.

(Trấn Long-Txâur Vax cxeik nhênhv)

10 hnuz đhâu siz lơưr liês, tỉnh Sơn La tsi muôx nzir lênhx nênhs tưs trâul moz yiêz Covid-19. Txos nhiv no, hâur hur si 251 lênhx nênhs trâul moz Covid-19 hâur tỉnh, tưz muôx 149 lênhx tâu kho jông moz, tsuôk yuôr 102 lênhx tsênhv nhoz chơưv kho moz hâur têx qơư kho moz xưz. Ủy ban tỉnh Sơn La tưz Quyết tinhv tsi yuô uô đrux ntov têx tsưr ziv, cui tinhv chêik cêv XH ntơưv huyện Phù Yên-thax tsav qơư tsênhv muôx nênhs trâul moz Covid-19 hâur Sơn La. Iz chas co, tror cêv kuôk XH lơưr Thủ tướng Chính phủ Chỉ thị 16 tsi khênhr sđ muk lol trâu uz trâu no trâu chor jok: Úm 1, Úm 2, jok Ban, Tân Ban, xã huy Thượng; jok Thải Hạ (kuz) xã Mường Thải; jok Suối Bương, xã Kim Bon hâur huyện Phù Yên, tỉnh Sơn La. Uô trơưk Thủ tướng Chính phủ Chỉ thị 15 trâu chor xã Quang Huy, Huy Tân, thị trấn Phù Yên, Huy Bắc, Huy Hạ, Huy Tường, Tường Tiến, Huy Thượng thiêz xã Mường Thải (yưx jok Úm 1, Úm 2 thiêz jok Ban xã Huy Thượng: jok Thải Hạ xã Mường Thải)…./.

 (Trấn Long-Riê Lâux cxeik, nhênhv)

Uỷ ban tỉnh Lào Cai nhiv kruôr tso tơưv ntâuz ntơưr tso chei trâu iz cxiê huôx tôngv tror tâu krêz trôngx huôx tôngv. Tsênhz mênhx cxôngx 5 six tas cik hnuz 20/9, têx qơư shâuv thiv thao, gym, yoga, kriê đhiê pax vuôk, qơư luôv đêx tâu tso chei tror krêz trôngx huôx tôngv. Taz sik, têx qơư co tsuv uô jông tsưr ziv phax tar moz, tsi chiê chêx chôngk chôngz đuô 20 lênhx nênhs hâur iz jiês.

Nhiv no, moz Covid-19 ntơưv Lào Cai tưz tâu tir tar; zuôr xar 100 lênhx nênhs trâus moz SARS Cov 2 tưz tâu kho jông moz, 2 lênhx trâus moz yiêz zos nênhs tsar yêz cxôngx saz đrâuv tỉnh lok tưz tâu cêv kuôk thiêz kho moz ntơưv tsêr kho moz, njuôs xav tsi cik moz rtâu côngv thôngx./.

(An Kiên-Txâur Vax cxeik nhênhv)

Six hơưv đhâu, tsôngv px muk lol đhâu ntu cêr Khánh Hòa-Minh Xuân (huyện Lục Yên, tỉnh Yên Bái) sâuv txox cêr lox muk lol hâur tỉnh lênhx tưs cux heik thiêz nyei lok têx pak, ndêx cxok ntơưv têx ntus cêr. Trơưk li ntâu lênhx nênhs cheix yêz muk lol đhâu heik, chor pak thiêz ndêx cxok co tsênhz tiês zos têx tus ndêx shôngz, ndêx ntông, pak uz no tâu taz viv cxiv uô cêr cxok chiê taz por truôx tuk thâuv lơưr tsênhv taz tov cxiv uô, kho têx ntu cêr muk lol no. Thax tsav muôx ntâu đuô hur si chor ndêx cxok li heik sâuv zos ntu txix cêik cêr 4+100 txos trâu cêik 4+800. Tsôngv px nhoz no heik pâuz, txos thâuv tsâuk ntux juôs, mak têx pak thiêz ndêx co tưz seiz njiê pov tsi tsênhz, viv li zôngx ziv njiz trâul têx tsi jông li: uô yêz đrâu, ntos yêz…. Muôx kênh tus pak, ndêx tsênhv yưv têx zar hâu lok six njê trâu hâur cêr thiêz. Tsôngv px ntơưv qơư heik: Taz por truôx tuk zoz thôngz tsi pov kror tưs, tsuôk pov nzir têx uô tsi truôx tuk xưz./.

 (TTTB-Riê Lâux cxeik, nhênhv)