Hâur oz pêz hnuz no, jêx tưv kik tiv zix ntơưv Lai Châu zos kik đuô 10 tưv, hâur co ntâu thax tsav qơư tox siêz zuôr grêk kik txix 3-5 tưv thâuv hmo ntux, têis cik sơưr nzor…Chiê paz trâu chor shux xênhz têx tsêr cơưv nhoz tox siêz muôx đas jos jông, Sở Zoz zux Lai Châu tưz tso chor nênhs muk qênhz shuôk hâux lưv phax tar ntux no ntơưv têx qơưk zoz zux. Hâur co, hêik chor tsêr cơưv uô cov sor trâu chor shux xênhz txix ntâu tsưr ziv, cxaz nzir zav nox thiêz chiê chor shux xênhz niêv txir zus mor nhoz ntơưv tsêr cơưv ntơưr têx hnuz so cov chor shux xênhz tsik njiz trâus têx phiv liv tưs lok đas jos./.

(Khắc Kiên-Lik Thox cxêik nhênhv)

Tsi so hâur ntâu hnuz đhâu, jêx tưv ntơưv tỉnh Yên Bái grês lok six kis, tiv zix zos ntơưv têx thax tsav tox siêz, jêx tưv hmo ntux thiêz sơưr nzor siêz đuô 7 tưv, ntux lok nas yâur. Chiê taz por đas jos trâu tsôngv box, tỉnh Yên Bái tưz heik têx tiv phaz chuôz tsar têx tsưr ziv phax tar ntux no; chuôz tsar yax mông chiê tsôngv box chuv tôngv phaz tar ntux no li: taz por cov luz chêr sor si, tsơưs tơưv muk đrâuv jôgnrr thâuv ntux no njiv; tsi zôngv kror chuz trâur tơưs chiê ntê hâur qơư ntuv....Nganhx y tế cux heik tsôngv box tsuv tsov cưv txos tsưr ziv nox hâuk hâur têx hnuz ntux no; nox taz por vêv xênhz chiê phax tar moz, tiv zix zos nênhs lâuk thiêz mê nhuôs zâu./.

(Thừa Xuân-Txâur Vax cxeik nhênhv)

Jêx tưv njuôk tâu nhoz cxuô thax tsav qơư ntơưv tỉnh Lào Cai grêk kik tiv zix xav txix thâuv hâur chêix ntux no txos nhiv no. Tsênhv tsênhz, thành phố Lào Cai thiêz chor thax tsav qơư kik xar muôx 13 tưv; tox siêz Bắc Hà yuôr 7,2 tưv; thax tsav qơư du lịch Sa Pa no tiv zix yuôr muôx 3,2 tưv. Njuôk xav jêx tưv zuôr grêk kik txos tas hnuz 21/12, đhâu co jêx tưv zuôr tror sor jux juk. Zơưv Lưu Minh Hải, Giám đốc Đaix njuôk ntux yar ntux nas tỉnh Lào Cai puz pâuz:

“Jiês ntux no no nhoz Lào Cai txos nzor đuô chêix ntux no shông 2019, jêx tưv grêk kik sêi. Taz sik, tiv jiês ntux no lur thiêz cux tsik phiv liv luôx tưs viv li têx trâus hiêv cux tsik ntâu. Txơưv li, sơưr đơưk cux tsuv sir jos phax tar ntux no trâu tsoz chos, tsiêx tu zus; tiv zix tsuv tuôr jông đas jos trâu chor nênhs lâul thiêz nhuôs zâu”./.

(An Kiên-Lik Thox cxêik nhênhv)

Công an thành phố Điện Biên Phủ (tỉnh Điện Biên) puz pâuz tsênhv seiz shuôk uô ntâuz ntơưr chiê krêz tik cêr cxâuv txuz án shux xênhz li niêv txir ntâuk shux xênhz ntơưv tsêr cơưv cxênhx 2 Tân Bình (TP Điện Biên Phuv) lơưr chêi têz qơưs cui tênhv. Trung tá Hoàng Trung Hà, Phưv tsar Công an TP Điện Biên Phuv, tỉnh Điện Biên puz pâuz: thâuv tos jênhv tâu chuôz zis shux xênhz N.Q.H li ntơưr pênhr pov, taz viv tưz car chêx lơưr tsưr ziv heik kriê nênhs phamv cxâuv. Đhâu qênhz yuôx, pov tul nhuôv shux xênhz H iz chêr trâus njuôz tas, saz 1%. Chiz coaz công an zuôr car chêx lơưr trơưk chêi têz qơưs cui tênhv thiêz krêz tik cêr cxâuv trâu lênhx nênhs uô cxâuv zos chuôz zis nênhs trâus ntâus tsi thôngx ziv tror ro ntơưr pênhr cov. Lơưr ntu 1, grê 134 chei Hình sự, zơưv T.N.P zuôr trâus tik cêr cxâuv tsi cơư tux 3 shông, lok sik trâus cơư cxôngx 6 txos 3 shôngk./.

(Vũ Lợi-Txâur Vax cxeik nhênhv)