146 tiv đêiv ntâu zos tas nro tỉnh Lào Cai chor pênhr trâu zoz qơưx yưv pênhr huôv tsar txos shông 2020. Lơưr co, Zênhx hangx kôngz nuv thiêz huôv tsar jêx jok chi nhánh tỉnh Lào Cai 1 tror kriz uô muôz txêik pênhr uô xênhz yar kôngz nuv tsơưr lươngv hax huv kôngz nuv siêz, paz pêx xênhv hla đhâu cêr pluôs thiêz uô bluô nux…Zơưv Đặng Tân Việt, Phưv giám đốc zênhx hangx kôngz nuv thiêz huôv tsar jêx jok chi nhánh tỉnh Lào Cai 1 puz pâuz:

“Pêz cux khov truôx trâu tsưr ziv, đề án huôv tsar kinh têr xar hôiv tỉnh chiê pêz yưv pênhr thiêz xêir nênhs muôz trâu txêik, muôx têx tsênhv chêi paz trâu chor ziv chuôz zis nhoz jêx jok. Pêz tsov cưv txos têx kror li huôv tsar kôngz nuv jêx jok thiêz tiv zix zos têx qơư txov hêv, chor huyện 30a chiê muôz pênhr trâu txêik”./.

(Thanh Thủy-Lik Thox cxêik nhênhv)

Shông no tỉnh Sơn La tâu choz xeir zuôr thiêz hu 1.183 lênhx hluôk mul uô tuz lênhv thiêz công an. Nhiv no, tưz muôx 100% lênhx hluôk nênhs uô jông lơưr tuz lênhv têx cui tinhv, tso siêz sơưr cêr muk uô hâux lưv tsưx phưv têz qơưk. Đại tá Hoàng Mạnh Long, Phưv chỉ huy tsar, nhênhz chơưv tsar Bộ Chỉ huy quân sự tỉnh Sơn La heik pâuz nzir:

“Shông 2019 Bộ chỉ huy quân sự tỉnh Sơn La tưz nhênhz chơưv trâu hội đồng nghĩa vụ quân sự tỉnh uô lơưr jông tsưr ziv zos Bộ côx phax thiêz Bộ tư lệnh Quân khu 2 choz trâu Hội đồng nghĩa vụ quân sự tỉnh Sơn La. Txos iz jiês no Bộ chỉ huy quân sự tỉnh tưz nhênhz chơưv trâu Hội đồng nghĩa vụ Quân sự tỉnh chox kriê, uô truôx hâux lưv xeir zuôr, uô têx ntâuz ntơưr thiêz bax têx hâux lưv uz no chiê tsưr tsix ntênhs, choz zok, lênhk nhav têx tuz lênhv yiêz”./.

(CTV Tiến Thịnh-Riê Lâux cxeik nhênhv)

Đhâu xar muôx 2 hli muôx yưv moz tơưv ndâux hlê trâu sâuv thax tsav tỉnh Yên Bái tưz uô trâu 1.300 ntâu tuk buô trâus moz, nganhx txơưx jênhv tiv phaz tưz muôz hlơưr phâuk por tsês zuôr xar 900 tuk.

Đros têx tiv phaz thiêz lưx lươngv txơưx jênhv li sir jos tir tar, cêv kuôk, xav txos hnuz 20/2 tưz muôx 15/28 xar đhâu 21 hnuz tsik pov huôv xênhz muôx moz yiêz./.

(VOV4-Lik Thox cxêik nhênhv)

Trơưk li Tsênhv qơư qênhz njuôk shuôs têx moz gênhs tỉnh Điện Biên heik pâuz, nhiv kruôr đhâu, ntơưv jok Huổi Chổn, xã Nà Nhạn, huyện Điện biên muôx iz fâuv moz kruô piêk. Nhoz no, cơ quan muôx vax huôv tưz sâu jênhv muôx 15 lênhx nênhs moz kruô piêk. Đhâu thâuv qênhz pov moz huôv xênhz, Tsênhv qơư qênhz njuôk shuôs têx moz gênhs tỉnh tưz đros Tsênhv qơư y tế huyện Điện Biên, qênhz yuôx, xav jênhv, njuôk shuôs moz thiêz fuô uô têx faz tsưr ziv phax tar moz; cxiv tsa tsưr ziv cxax yuôx vắc xin phax tar moz kruô piêk lok sik kruô piêk-Rubella trâu têx nhuôs zâu txâuk hnuz nhôngs cxax yuôx phax tar moz đêz đar ntơưv xã Nà Nhạn; cxiv uô qơư tso têx lênhx nênhs moz nưk nhoz nưk iz kro, seiz car chor nênhs moz ntơưv têx qơư y tế côngv thôngx, tsi chiê moz huôv xênhz, siz cik đêz đar trâu cxuô qơư./.

(KT-Riê Lâux cxeik, nhênhv)